فيه طريقة مربحة لشركة الأتصالات , و هي انك ترسل الرسالة المقصودة لرقمك , بالطريقة الاعتديادية و تخسر صديقك (( اذا كان عنده مية رسالة حلوة , يعني ثلاثين ريال على فاتورته ))
لكن فيه طريقة أحلى و أرخص , تمت تجربتها على جوالات النوكيا رهيب 2000 و هي

كمايلي :

1- أضغط على " قائمة " أو " Menu "

2- أضغط على رقم 1 , أو قائمة " الرسائل " أو " Messages "

3- انتقل لقائمة " البريد الوارد " أو " Inbox "

4- أختر الرسالة الحلوة اللي معجبتك و ودك تنقلها لجهازك و افتحها

5- اضغط على " خيارات " أو " Options "

6- اختر " نسخ إلى التقويم " أو " Copy to Calendar "

7- أنتقل للشاشة الرئيسية للجوال , ثم إضغط " قائمة " أو " Menu "

8- إضغط رقم 8 , أو انتقل بالتحريك بالأسهم لقائمة " التقويم " أو " Calendar "

9- عند دخول قائمة " التقويم " يتم عرض اليوم و تاريخه , أضغط على " خيارات " أو " Options "

10- تجيك قائمة من الاختيارات , تلقى " عرض اليوم " أضغط " اختيار " عليه , تجيك الرسالة اللي انت تبيها من " البريد الوارد "

11- إذا جتك الرسالة اللي انت تبي , أضغط على " خيارات "

12- يجيك كم اختيار , منها " إرسال مذكرة " , أضغط " اختيار " عليه

13- يجيك أول أختيار اسمه " إرسال ب IR " , في اللحظة هذي رح للجهاز الثاني (( يشترط انهم كلهم فيهم وحدة استقبال أشعة , ( كوبرا , رهيب ألفين , بصمة ))) و أضغط على " قائمة " ثم رقم 9 , أو قائمة " وصلة IR " , و شغلها , يطلع لك ," تم تشغيل الاستقبال بـ IrDA "

14- أرجع للجوال اللي تبي تنقل الرسالة منه , , إضغط " أختيار " على " إرسال ب IR "

15 - خلاص , قرب الجوالين من بعض , و خل الشاشتين قدام بعض , تسمع نغمة استقبال رسالة , و بالهناء و الشفاء , روح لقائمة " التقويم " تلقى رسالتك



اضافة على الموضوع (ملاحظات)
بعد ماتقوم بارسال الرسالة وتسمع نغمة الأستقبال روح للتقويم
بعدين خيارات بعدين عرض اليوم تجد الرسالة واذا مالقيتها !؟؟
تدري ايش السبب التاريخ شوف تاريخ الرسالةالأصلية بعدين روح للجهاز المستقبل اضغط القائمة بعدين التقويم بعدين خيارات واختر الذهاب للتاريخ اكتب التاريخ وضغط موافق تجيك الرسالة
اذابغيت تنقل الرسالة للبريد الوارد
اذاكانت الرسالة في التقويم ونت تشوف الرسالة اضغط خيارات بعدين ارسال مذكرة بعدين ارسال كنص بسيط ثم خيارات ثم حفظ الرسالة بعدين تروح للرسائل بعدين صندوق الحفظ وتختار الرسالة وتقول نقل الى البريد الوارد
وبكذا تنتهي العملية




محبكم سهل 888

بصراحة طريقة حلوة و سهلة الله يعطيك العافية

خدمه جميله للجمهور الهلالي
ودعاية لجوال2000

ويعطيك العافية

اخوي سهل 888

ما شاء الله عليك مبدع دائماً بكتابة كل ماهو جديد .

مشكور على هالطريقة التي سوف توفر الكثير على العديد من المستخدمين .

جزاكم الله خير

اهم شئ ان الفائده تعم

والاستفاده تكون اكثر من التكاليف

والله يخليكم لي

محبكم سهل 888

والله الطفاااااااااااااااره

اشكرك على الموضوع الحلو

والله يا خوي طبقت الطريقه على الرهيب 2000 والرساله كانت موجوده فيه .. ونقلتها منه الى الكوبرا .. وطلعت لي طلاسم الله يهديك ..



يا اخ اذا فيه
طريقه نظبط فيه ها الطلاسم قو لنا ..



ولك الشكر واحر تحياتي .....

شكرا على هالفكرة السهلة والمفيدة:p