السلام عليكم ورحمة الله وبركاته
البارحة حلمت اني قابلت ياسر القحطاني في مجمع وقلت له كيف حالك كابتن ياسر قال الحمدلله
قلت سمعنا الدب البلوي لاحقك لمصر وانت في اجازه يبيك توقع قال نعم البلوي جاء ومعه واحد
يقولون انه اللي سجل هدف في بلجيكا وصدفه قلت منهو قال تشوفه في لقطات الاخبار ازعجونا
به قلت له وش قال البلوي لك قال انا باعطيك كل شي مادام ماتبي الاتحاد لو تروح للحزم وأعطيك
شيك مفتوح أهم شي لاتروح للهلال يقتلون موهبتك وعندهم سامي ماراح يخليك في حالك لين تنسق
منهم وقلت انا طيب وش صار اللحين وين بتروح قال ياسر انا بروح النصر قلت افاااااااااااااااااااااا عليك
كابتن ياسر سمعنا ان امنيتك تلعب جنب سامي رد علي ياسر وقال لا لا الحين عقب ماقال الشيخ
البلوي
امحق شيخ هالكلام امنيتي العب جنب علي يزيد في نادي النصر قلت لياسر ضف وجهك لهم
ومشيت منه وانا زعلان
مادريت الا والوالد يقومني صلاة الفجر الجماعه بيطلعون من الصلاة وانت قاعد تشخر قمت وانا مربوش قلت للوالد وش
صار على ياسر قالي ابوي وهو معصب وش ياسر جعلك الصلاح قلت ياسر القحطاني حق القادسيه قالوش فيه قلت حلمت
انه بينتقل للنصر وبيلعب بجنب علي يزيد قالي اجعله ينتقل للحزم موالنصر و ش عليك منهم اهتم بدراستك ابركلك من
هالكوره قلت ان شاء الله
وهذي كلها احلامي خياليه خطرة في بالي وطرحتها لكم
والاحلام الحقيقيه تحقق حلم الكابتن ياسر يالانتقال للهلال
وايضا ان يلعب بجوار سامي
وفشل مخطط الشيخ
والاعب اللي معه
ارجو ان تسامحوني على الاطاله