أرجـو بأن تصل رسالتي إلى من يوصل هذه الرسالة إلى المسؤول
لأن مافي أمل رسالتي توصل للمسؤول مباشرة :sleep: حامض على بوزي معصي والله لو أحب السماء ماوصلت لكن يلله الشكوى لله من بشتكي له غيركم أنتم إلي ببوح لكم وأرتاح والمشكله الرياض مافيها بحر ولاكان أشتكى للبحر وأكتب رسالتي وأحطها في قاروره وأرميها في البحر أما الرياض ففيه بران لو بكتب رسالتي في قاروره وأرميها بقت في مكانها وطقتها الشمس وتغير لون الرسالة وأحترقت من شموس القوايل ماوصلت لحد .. والله مشكله

رسالتي أو كلمتي مهمه للغاية وهي الصلاة الصلاة خصوصا إذا كانت المباراة في إستاد الملك فهد

في كثير من المباريات الجماهيرية تغلق البوابات ويمنع الدخول والخروج ... وتضيع صلاة المغرب والعشاء
هين صلاة العشاء ملحوق عليها نصليها بعد مانرجع لأن وقتها طويل وفيه وقت
ولكن صلاة المغرب متى نصليها؟؟
مالنا إلا نجمعها مع صلاة العشاء إذا رجعنا من الملعب

ليه ماتكون البوابات مفتوحه لدخول وللخروج

ياعالم في ناس مضطرين انهم يروحون لدورة المياه
فيه ناس مضطرين انهم يشربون مويه أو ياكلون
فيه ناس يجون والله ماكلوا ولالقمه يبون يلحقون للملعب يضمنون فيه مكان زين
فيه ناس الله يعافيهم من كل شر فيه ربو محتاج للبخاخ ليه يمنع
فيه ناس ...
فيه ناس .. ناس وناس كلاً وظروفه ... والله حرام

البوابات ليه يسكرونها ؟؟ أبي أعرف

رساله للجمهور ولجميع الجماهير ... الطريق مابين المدرجات يمنع فيه الجلوس أتمنى أنك تتعاون ولاتجلس في الطريق بسببك أغلقت الابواب والبوابات... وضريت الكثير ومنعت الجميع من الصلاة

رساله إلى من يهمه الأمر أرجو بأن البوابات تكون مفتوحه للجميع لدخول وللخروج
قبل لا يبدأ الحدث أو قبل لاتبدأ المباراة يُبعَد جميع مَن يجلس في الطريق ويُخرَج وهو يتحمل خطائه لأنه يعرف بأن الجلوس في الطريق ممنوع .... إذا بغيت مكان زين بكر للملعب وأحجز لك مكان .. وإذا كنت بتتأخر خل أحد يحجز لك
وإذا مافي أحد يحجز لك بتلقى مكان إذا جيت لأنك بتلقى باب المدرجات مفتوح وبتجلس في أحسن الأماكن .. لأنك لم تتسبب في إغلاق البوابات.

((لايكون نسيتوا نهائي الدوري الأخير وكان في عز الحر والصيف)) تسبب ضعفاء العقول من عدم دخول المشروبات وخصوصا الماء للمدرجات بسبب الترجيم
هناك البعض كاد أن يلقى حتفه لأنه من الظهر ومن بداية العصر كان في الملعب والسبب عدم دخول السوائل.
يعتقد الذي يرجم بأن الترجيم رجوله وفتوه وقوه ولم يعرف بأن الترجيم من ضعف العقل والشخصية وضعف إيمانه قبل كل شي

أرجو بأن البوابات تكون مفتوحه لدخول وللخروج
أرجو من الجميع التعاون وأرجو من البعض بعدم الجلوس في الطريق
أرجو من رجال أمن الملعب بالتعاون معنا مثلما نتعاون معهم
أرجو من إلي يبي يحجز لأخويائه لايحجز أكثر من أربع كراسي. ويجعل فرصه لغيره من الذين يأتون مبكراَ بالجلوس لأنهم أحق من المتأخرين الذين يأتون ويجدون مقاعدهم محجوزه من قبل.
أرجو من المدخنين هداهم الله بعدم التدخين في الملعب لأنه يؤذي الجميع حتى المدخن نفسه

أرجو من الكثيرين بعدم الوقوف فوق الكراسي لأن الكراسي للجلوس وليست للوقوف عليها. لأنكم تكرهون الواحد لذهاب للملعب... أبي أعرف أنت راقي فوق الكرسي وين تبي تروح تبي تطير؟؟!! بختصار أحب ملعب الملز تدرون ليه؟؟ لأن مافي كراسي للوقوف قصدي للجلوس جب بساط وفلها.
أرجو بأن رسالتي وصلت للجميع