|
رد على نواف الدبل في برنامج كلام نواعم فاضت قريحة صديقي الشاعر....الملقب بـ(فارس السمان) بعدما رأى حلقة الشاعر نواف الدبل في برنامج كلام نواعم وكتب له هذه القصيدة بسبب أن نواف قال أن موته في حب حبيبته شرف فرد عليه الشاعر (فارس السمان) بهذه القصيدة {نواف الدبل معميها} يااللي تقول الحب في الموت تشريــف**ولعيون خلـك تبيـع الـروح وتـهـديـهــا وصفـت حبـك لنـا وأعطـيــت تعريــــف**ويمكـن عـن الديـن ترجـع لـو تخلـيهـا هـذا كـلامــك أنـت مـن دون تـحـريـــف**قـلـتـه وكـل النـاس تـسـمـع بـأذانـيـهـا طـلعــت بالشاشـة وسـويــت حـريــــف**وقمت أتفاخـر بفعلـك وأنت تـعـطـيهـــا جلست وسط النساء وأبديت السواليـف**تبي المرجلـــة يا دبــل وأنـت تخطيهـا وقمت تمزح وتضحّك الغيد المراهيــف**هــذا تــرى قــدرك وأنـا زايــد فـيـهـــا ليـتـنـــي عنــدك وأنــتــفـــك تـنـتـيـــف**حتى سوالفك هـذي ما عـاد تطــريـهـا نـواف خـذ مـنــي ولا تقـول تخريـــــف**ترى النصيحـة بدون فـلـوس نعطيهـا عـزك تـرى فـي عـزة الديـن الحنيــــف**لا تبيع دينك ووسـخ دنـيـاك تشـريهــا وموت الشرف موتك من طعنت السيف**وسط المعارك تصون دارك وأهاليهــا كيـف يهنـالـك العيـش وتنبــسط كيـــف**وأعراضـنــا تـهـتـك ويـفـتـعـل فـيـهــا شوف العراق وشوف الظلـم والحـيــف**شوف الحقـوق تروح مـن يد راعيهــا وشوف الفلسطيني ورى حاله ضعيــف**وشوف العجــوز تصيـح مـات واليهـا وناظــر أفغاننــا والشيشــان وتـعـيـــف**أكلك وشربك إن كان فروضك تصليها هـذا مـردي لـك مـن غـيــر تـكـلـيـــــف**قلته وأنا صـاحـب الكـلـمـة وأسويـهـا سمـيت بأولهــا ولا قــلــت تـزيـيــــــف**وعلى النبـي صـليـت بختــام تاليـهــــا الشاعر/ فارس السمان الجمعة 23/10/1426 هـ |
مشكور ويعطيك العافية مواضيعك حلوه وصح لسانك |
كفو ابو الفوارس :) يسلموو خيو :) |
صـــــح لســــــانوووو والله........ مشكور اخوي فارس11...... :) |
تسلم يالغالي................... وألف شكرs60s s60s |
انا جيت على آخر المقابله وكان نواف الدبل عادي جداً وهذي القصيده المفروض لأبن الذيب الشاعر القطري اللي قصائده من آخرها لأولها شرك وكفر ما اشوف الدبل يستحق كل هذي القسوه وأعتذر لو أخطأت بالحب والإشراق |
- جلست وسط النساء وأبديت السواليـف**تبي المرجلـــة يا دبــل وأنـت تخطيهـا صورة مع التحية للشاعر ابو تويجري ونجاح المساعيد .. |
جلست وسط النساء وأبديت السواليـف**تبي المرجلـــة يا دبــل وأنـت تخطيهـا هذا البيت اهداء مني الى كل الرجال اللي يشاركون في كلام نواعم |
صح لسانكـ ... |
صـــــــــــــــح لسانك ماشاء الله شاعر تكفى اذا فيه قصايد ثانية له حطها بالمنتدي ولا ارسلها لي خاص |
للجميع شكر مع التحية :clapping: أشكركم جدا وأسعدتني مشاركتكم (من قدك يازعيم): ولا يهمك يالغالي بتلقى اللي يرضيك s60s (رائدة الزعيم): أكذب عليك لو قلت أني شفت المقابلة كاملة ولكن حسب رواية الشاعر لي بنفسه أنه تضايق من كلمة الدبل في أنه موته في سعادة حبيبته "شرف" |
إقتباس:
صح لسانك |
تسلم يد الناقل وصح إلسان الشاعر .. يعطيك العافية يا بطل .. |
| الوقت المعتمد في المنتدى بتوقيت جرينتش +3.
الوقت الان » 04:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd