|
كالديرون قول وفــــعـل.... بسم الله الرحمن الرحيم مدرب منتخبنا كالديرون صرح بعد خروجه من بطولة الخليج بأن البطولة إعداد لتصفيات كأس العالم وبالفعل صدق وتأهلنا وبدون هزيمة وتصدرنا وقدمنا عروض رائعة في دورة ألعاب غرب آسيا صرح بتصريح شبيه انه اعداد للمونديال وإن شاء الله يكون خير إعداد ويثبت انه من المدربين الإكفاء اللي حاصل في إعلامنا وجماهيرنا يطالبون بإلغاء عقده مع انه لاعب في الدورة بالرديف والإخطاء الحاصلة اخطاء فردية شفنا قبل قليل مباراة العراق اخطاء في الدفاع من اميدو والجحدلي وش تبيه يسوي المدرب يدخل ويصير مدافع بدلا عنه ،، خلونا واقعيين ترى هذولي هم اللاعبين البارزين في دورينـا الحبيب مافيه من وين يجيب ننهزم الآن بالخمسات ونكشف اخطائنا ونصلحها ولا في المونديال ... اقول خلونا واقعيين كالديرون مدرب ماشي بخطوات جيدة لـــكن الإعلام والجماهير ماهو مقتنعين فيه ويستنون اي غلطة او هفوه ويطالبون بإقالتة ، إلى متى هذا حال جماهيرنا وإعلامنا ..!!!!! |
معاك حق أخوي ومشكور على الموضوع |
s60s 100% |
كلامك سليم 100 بالميه |
اتمنى ان الوسط الرياضي السعودي يتعامل مع هالحدث بعقلانية وروية بعيدا عن التسرع والعواطف. مو حنا الوحيدين اللي نتعرض لمثل هذي الظروف. هذي عندكم ايران على سبيل المثال. بحكم انها اقرب فريق لمنتخبنا من حيث تقارب المستوى و طريقة اللعب والظروف. دخلوا في البطولة Lg الدولية في طهران على ارضهم. ويومها سحق منتخب ايران الأول بنتايج مخزية من منتخبات مبتدئة مثل مقدونيا. ومع ذلك ماتغير مدربهم. إنجلترا ايضا تعرضت لمثل هالظروف في تصفيات كأس العالم وانهزمت من ايرلندا -على ما أظن- بنتيجة اربعة اهداف وكادت انها تكون اكثر عطفا على اداء انجلترا السيء. وهو المنتخب اللي يضم لاعبين من أفضل نجوم العالم. وبرضوه ماتغير مدربهم. ياجماعه أي مدرب في العالم معرض -زيه زي اللاعبين والإداريين والسياسيين ورجال الأعمال وكل البشر- إلى فترات يقل فيها مستواه وتجارب فاشلة (ومحطمة في بعض الأحيان). وللأسف ان حنا لازلنا نحكم على المدربين بالسلبية من أول إخفاق حتى لوكان حقق مع الفريق انجازات يحلم بها اي مدرب. وفي الوقت اللي تكون مغادرته جاهزة يكون المدرب الجديد في صالة الإستقبال!! ومعه نبدأمن نقطة الصفر مرة أخرى: طفرة بالجديد ووعود بالأنتصارات والإنجازات ومحو الصورة السابقة للمنتخب - تأسيس فريق من أول وجديد - تعرفه على اللاعبين ومهامهم المناسبة - تعويد اللاعبين على طريقة التدريب والفلسفة الجديدة(وطبعا مع نسيان طريقة المدرب القديم تماما) - ولا أنسى أسطوانة (ليش المدرب ما ضم هاللاعبين للمنتخب!!) وفي الأخير يجي الأخفاق والفضيحة الكبرى! ونجي نطلع الفضايح و نعيد نفس الموال: المدرب ماله تاريخ كروي - المدرب قاعد يجرب فينا - المدرب ماعنده إلا خطط داجة - التشكيلة اللي حطها دمار و لو انه اشرك اللاعب الفلاني كان ما انهزمنا ومن ثم يصير حاله كحال غيرة ويسلم تذكرة المغادرة ونبدأ من الصفر مرة أخرى!!! ياناس خلوا نتعلم من عمان!! شوفوهم خذوا ماتشلا -اللي حكم عليه كل الخليج بالفشل وحنا أولهم- وبدأوا معه خطوة خطوة. وصبروا عليه. وعطوه فرصة يكون فريق. وصبروا على اخفاقاته. بس في الأخير طلع لهم منتخب ينافس على النهائيات. بعد ماكان في المركز الأخير لعقود من الزمن!! وعلى العكس تماما. يوم جاء عند ناس متأثرين بالكابتن ماجد حق أفلام كرتون(يبون فريقهم يفوز في كل مباراة) بذل جهد كبير ووصلهم للنهائي. وعند الهزيمة الأولى قضبوه الباب!!! أنا ما عندي مشكلة في انتقاد المدرب -سواء كالديرون أوغيره- بل بالعكس الإنتقاد راح يفتح للمدرب افاق وملاحظات قد تغيب عن باله. ولكن أن تجبر على المدرب تشكيلة معينة وخطط معينة وقرارات وتعطية مده بسيطة وتطالبه بإنه يصنع لك فريق و نجوم في ليلة وضحاها وأنت لاتدرك صعوبة مطالبك فتوقع الأخفاق مسبقا. |
والله انك صادق ياخوي المفروض نخلي كالديرون يشتغل وحنا فقط يجب اننا ندعم المنتخب بالنقد البناء و بالثناء الغير مبالغ فيه للاعبين والمدرب والأدارة |
كل اللي رد يعطيه العافية على المشاركة يعني بالفعل لو اقيل المدرب أكيد100% ماراح يكون الا يوردانيسكو اقوى المرشحين و في وجهة نظري الطريقة الأوربية غير صالحة لمنتخبنا والطريقة الأرجنتينية او البرازيلية هي الصالحــة لأن تتماشى مع امكانيات لاعبينك اللي هي الكرة السهلة واللعب الجماعي |
المنتخب العراقي .... قدم مستوى وهذا الفريق اللي يستحق يمثل اسيا ويذهب لكاس العالم وسيلاقي احترام وتقدير كل دول العالم اما المنتخب السعودي اللي يروح كل مونديال من اربعه لثمانيه وانت طالع ...عاله على كاس العالم ولا يمثل الا نفسه وليس اسيا خلونا مانجامل انفسنا ونستفيد من اخطائنا ونصلحها |
s60s s60s 100% |
ماودنا نحكم عليه قبل بداية المونديال |
على الرغم ان المنتخب خسر 0/2 الا انه قدم عرض رائع ولولا الأخطاء الفردية لحققنا الفوز على العموم كالديرون سينجح في كأس العالم ان شاء الله واتمنى بقائه لكأس اسيا 2007 |
إقتباس:
عندك لعييبة وااااااااااجد ماضمهم ... منهم عبده عطيف والمفرج وضهير النصر شراحيلي والله انه اطلق من البحري مع انه صغير بس شفناه في مباراة الهلال وعندك الغنام مدري ليه استبعدوه من زين تيسير والا صاحب العبدالله وعند الحقباني وعمر الغامدي ومجرشي وغيره يبون ياخذون دفاع او وسط ياخذون من اي فريق غير الاهلي... يعني عندك الهلال و النصر و الشباب ياخذون منهم قلت ماياخذون الا من الاهلي الفاشل ....... ماناقص المنتخب الا وليد الجيزاني عشان يكتمل... او فيه حل ثاني انهم يلعبون بمنتخب الشباب ....... وسلامي على الجميييييع |
ابو حنوس انا ماحددت لا لعيبة الأهلي ولا غيرهم تكلمت بشكل عام واتفق معك ان فيه لاعيبه يستاهلون المنتخب ولم يستدعو ، بس المفرج مايستاهل المنتخب !! بالنسبة للدفاع انا معــــــك الأهلي تبغى الصراحة بكبره المفروض ولا لاعب لأنهم وش قدمو للناديهم ... والمنتخب الشبـــــاب هو داخل في تصفيات آسيا على مااعتقد ... وشكراً لمشاركتك .. |
إقتباس:
وانا معاااااك مع بقاء كالديرون مدرب ومشكووور على الموضوع |
بقاء كالديرون أفضل وإلغاء عقده سوف يؤدي إلى نتائج عكسية s13s |
| الوقت المعتمد في المنتدى بتوقيت جرينتش +3.
الوقت الان » 02:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd