يوسف الثنيان كان بجنب مضحى الدوسري حارس النصر شافه فاتح فمه قال له تراي أشوف مصارينك

والله لاانسى اهدافه في المرمى النصرواي ومضحي الدوسري و الله يوفق ابو يعقوب في حياته الجديده

ماشاءالله عليه موهوووووووووووووووووووب في كل شئ

[أبو يعقوب ، الدكتور ، الفيلسوف ، النمر )
لن يكون لك خليفه قبل قرن من الزمان

يعطيكم العافية
أبوي اعقوب كان له مواقف كثيره تضحك بس ماشاء الله الشباب ماتركوا شي
كل المواقف قالوها

والله مواقف كثيره بس نسيتها واللي اذكره ذكروه الشباب قبلي

وهذي بعض من مواقف يوسف الثنيان

يوسف الثنيان له صديق قريب على قلبه أسمه إبراهيم القصيمي إداري نادي الرياض السابق
إبراهيم يحب أبو يعقوب حبا جما.. قام الأستاذ الحكير بوضع إبراهيم القصيمي ضمن الجهاز الإداري لنادي الرياض.. وفي أحد مباريات الهلال والرياض مررت كرة ماكرة للثنيان فأحرز منها هدفا جميلا فأنطلق يجري فرحا بإتجاه إحتياطي الرياض وبالضبط في إتجاه القصيمي ولم يكذب إبراهيم خبرا إذ قفز فرحا وأختضن الثنيان ومن يومها وإبراهيم القصيمي خارج نادي الرياض..

************************



موقف أخر للفيلسوف

كان في مباراة للمنتخب ولا بد من الفوز ولا الخروج من البطولة وللأسف إنهزم المنتخب وفي غرفة الملابس شاف أبو يعقوب خالد مسعد وهو يصيح ، قاله قم قم ياخالد حنا السعوديين ما صحنا عشان تصيح انت وجهك..

************************

مواقف أخرى لأبو يعقوب المهستر

مرة كانوا في المنتخب وكان حاتم الخيمي معهم والرجال مشتري له ملابس جديدة بدل وحركات ( اللي هو حاتم خيمي ) المهم قبل لا يلبسهم المسكين طلع من الغرفة ودخل الثنيان ولبسهم وطلع للاعبين شكله يموت من الضحك لأنها كبيرة عليه كثير... يوم شافهم يضحكون إلا حاتم مولع من القهر والغضب ضحك الثنيان وقال: هذي الملابس اشتريتها وطلعت وسيعة وكبيرة لذا قررت أعطيها حاتم خيمي..

************************

ومره طلع الثنيان من المعسكر ويوم بغى يركب سيارته لقى سيارة الطرير مفتوحة والمفتاح داخلها.. المهم أخونا في الله ما صدق خبر .. خذ السيارة وراح يقضي أشغاله الخاصة.. يوم طلع الطرير ما لقى السيارة فعرف أن الثنيان هو اللي خذها .. ويوم شاف الرجال طول ما جاء راح الطرير وبنشر سيارة الثنيان المهم رجع النمر أخر الليل لقا سيارته مبنشره.. أول ما دخل لقى الطرير وباقي اللعيبة يستنونه. والشرار يتطاير من عيون الطرير وصاح في الثنيان: ليش أخذت سيارتي؟؟ فجاوبه الثنيان بسرعة بديهة: والله لقيت سيارتي مبنشرة قلت أروح في سيارتك..

***********************

في أحد معسكرات المنتخب في الملز.... كان الثنيان إذا أذن الفجر يقوم اللاعبين لصلاة الفجر ويقولهم: قوموا صلوا.... لا يغضب الله عليكم ويخلي أشكالكم مثل شكل خالد مسعد..

***********************

ومرة في مباراة للهلال والنصر على أيام خالد الفرحان ومصطفى إدريس والشلة معهم كان أبو يعقوب معه الكورة وخالد الفرحان مراقبه وقف أبو يعقوب يناظر خالد الفرحان وقال لخالد الفرحان صك فمك لا يدخل الجراد.. ؟؟

**********************

مرة... كان منتخب السعودية فايز ببطولة ووقف المذيع الثنيان وماجد . قال المذيع طبعاً بعد ماانتهوا من الكلام لمن تهدي هذا الإنتصار قال ماجد أهديه لأمي . رجع المذيع ليوسف قال لمن تهديه يايوسف قال يوسف أهديه لأم ماجد..

*********************

وفي تصفيات مربع غرب أسيا والتي أقيمت في لبنان.. كان تذكرون الملعب اللي أقيمت عليه التصفيات كان سيء جدا وكله حفر وحالته حاله وزراعته الله بالخير .
عاد بعد إحدى المباريات سأل أحد المراسلين أبو يعقوب عن رأيه في الملعب؟
قال أبو يعقوب الصراحة أنا أول مرة أشوف ملعب مزروع نعناع !!!

*********************

في لقاء مع مجلة اليمامة زمان قيل له: متى يتوقع يوسف الثنيان أن يعتزل ماجد عبدالله وكان ماجد ذاك الوقت يتلصق بالكورة غصب .
قال أبو يعقوب بسرعة بديهة

إذا نسمت الكورة....

******************************

ومره سئل يوسف الثنيان عن موقف طريف... فقال:
في أحد مبارياتنا طلب مدرب فريق الخصم من أحد اللاعبين مراقبتي وكان المدرب يصرخ من دكة الاحتياط .. قصه !! إكسره !! لايعدي ؟؟ ولما أن كان اللاعب خلوق وماقدريسوي شي
قام المدرب باستبداله ..وأدخل لاعب آخر بعد أن شحنه ضدي فلما دخل الملعب ..أخذت الكورة وتجهت إليه ؟ وسحبه يمين .. وسحبه يسار..وكم حركه حلوه ؟؟ حتى إنشق سرواله!!!
وخرج بعدها من الملعب مايشوف الدرب !؟ وسط ضحكات الجميع

******************************

غلطان يا معاند الثنيان
ومن مواقف الثنيان الطريفة ...
في أحد المرات أراد أحدالصحفين إجراء لقاء مع أبويعقوب .. فتصل على جوال الثنيلن وده يقابله رد عليه يوسف وعتذر لأنه بجدة ..راح الصحفي جدة وكلم أبو يعقوب ردعليه يوسف إنه رجع إلى الرياض ،،
رجع الصحفي إلى الرياض واتصل على الثنيان .. عادسأله يوسف وينك ؟؟ رفض الصحفي أن يجيب وقال لثنيان أنت وينك ؟؟ قال الثنيان بصراحه انا بين جدة والرياض ؟؟
وبعد جهد جهيد تم اللقاء ونشر في مجلة ليلة خميس؛؛؛

****************************


وسأل أحد الصحفيين الثنيان ..بإن بعض النجوم إتجهو ا للزواج من الفنانات فقاله الثنيان أنا يمكن أزوج با سكال مشعلاني لأن في وجه شبه بينا سأله الصحفي ماهو وجه الشبه ؟؟ فقاله يوسف كلنا سوينا دعاية لشامبوا برت بلاس وكل مااشوف باسكال أذكر الدعاية ؛؛؛

لا انسى اهدافه في فريق النصر وايضا التفله الشهيرة على عمر المهنا

مستحيل أنسى هدف الثنيان في الترجي

صراحه الثنيان اسطورة عالمية فريدة من نوعها

كل شي فيه يهبل حتى مشيته وصلعته

واذكر له موقف مرة قبل مباراة المنتخب مع كوريا

ساله المذيع كيف ستجارون السرعه الكورية

قال ابو يعقوب نركب سياكل

هذا الموقف انا سمعته من احد المقربين من يوسف وهو عبدالعزيز الرزقان : يقول كان يوسف بمكتب سفريات وقاله الموظف تبي تذكره ذهاب وعوده قال يوسف: ابغا خروج المغلوب ههههههههههههههههههههههههه

إقتباس الرسالة الأصلية كتبت بواسطة هلاليه للقبـر الفيلسوف نمر الكره السعوديه" يوسف الثنيان " صعب الواحد يعبر عنه... بس انا عندي له مواقف مضحكه... في احد معسكرات المنتخب ( منذ مبطي) كتب يوسف لوحة على باب غرفته يقول فيها ممنوع دخول العبيد.. جاه احمد جميل وقال له : ما يصير يا أبو يعقوب الكلام اللي أنت كاتبه وحنا كلنا عبيد لله .. حس أبو يعقوب إن أبو جميل زعل .. وطبعا يوسف حساااااس قام شال اللوحة وحط بدالها ممنوع دخول العبيد إلا احمد جميل..(: *** *** *** *** كان في مباراة مهمة للمنتخب ولابد من الفوز ولا الخروج من البطولة وللأسف إنهزم المنتخب , وفي غرفة الملابس شاف أبويعقوب خالد مسعد وهو يصيح , قاله قم قم يا خالد حنا السعوديين ما صحنا علشان تصيح أنت وجهك ...(: *** *** *** *** في احد معسكرات المنتحب في الملز ... كان الثنيان اذا أذن الفجر يقّوم اللاعبين لصلاة الفجر ويقولهم : قوموا صلوا ... لا يغضب الله عليكم ويخلي أشكالكم مثل شكل خالد مسعد *-*-*-*-*-* كانت السعوديه فايزه ببطوله وقفهم المذيع هو وماجد . قال المذيع طبعا بعد ماانتهو من الكلام لمن تهدي هذا الانتصار قال ماجد اهديه لامي رجع المذيع ليوسف قال لمن تهديه يايوسف قال يوسف اهديه لام ماجد *-*-*-*-*-* .............هلاليه للقبر...........

ضحكني الله يدخله الجنه