اقالة كالديرون قبل كاس العالم ..
 

السلام عليكم ورحمة الله وبركاته ,,,

وصلني قبل شوي رسالة من اخبار العربيه ( الرياضيه )

وهذا نصها :-

سلطان بن فهد يطلب استبدال مدرب المنتخب السعودي كالديرون قبل كاس العالم ..


وش رايكم :confused:

اذا تنازل كالديرون عن فكرة تغيير التشكيلة
فلا اتمنى ذلك ليس محبة لكالديرون ولكن لا يوجد وقت لذلك

ما ازيد على كلامك s60s s60s s60s

أقول اركدوا الصبر زين

لا لا ،،
يا عالم لاتحكمون على المدرب في بطولة غرب اسيا ،، لاتنسون انه ناقص لاعبين كثييرين

لا والله كالديرون رهييييييييييييييييييييييييييييييييييييب

انا بقولك اديب الهلال ان اي لاعب يسبب مشاكل وسط المنتخب
هذا يسبب شوشره للمنتخب وهذولا الاعبين اللي عديتهم راعين مشاكل
بالعكس اذا ماجلب هذولا الاعبين يحافظ على المنخب كذا
وانا رأيي انهم ما يقيلونه لانه مدرب بكل ماتحمله هذه الكلمه

ياناس يا اوادم ولي يوفقكم المدرب ممتاااااااز لا تطردونه ترون تجي أخس من الثمانيه كلنا نذكر كأس العالم 94إستقبلت شباك الدعيع قبل المنديال أهداف بالخمسه ولاكن النائج ممتازه أتمنى عدم طرده

هذا الكلام s60s

والله انه مدرب ممتاز لا لا لا تغيرونه لان اذا غيرتوه بناكل بدل 8 ضعفه
اما بالنسبه للدوخي ونور وعبدالغني انا ارجو من كالديرون انه يفكر فيهم وخصوصا نور
لاعب ممتاز وشفناه وشسوى في العين الإماراتي
وشكرررررررررررررررررررررررررررررا

اتمنى ان الوسط الرياضي السعودي يتعامل مع هالحدث بعقلانية وروية بعيدا عن التسرع والعواطف.

مو حنا الوحيدين اللي نتعرض لمثل هذي الظروف.
هذي عندكم ايران على سبيل المثال. بحكم انها اقرب فريق لمنتخبنا من حيث تقارب المستوى و طريقة اللعب والظروف. دخلوا في البطولة Lg الدولية في طهران على ارضهم. ويومها سحق منتخب ايران الأول بنتايج مخزية من منتخبات مبتدئة مثل مقدونيا. ومع ذلك ماتغير مدربهم.

إنجلترا ايضا تعرضت لمثل هالظروف في تصفيات كأس العالم وانهزمت من ايرلندا -على ما أظن- بنتيجة اربعة اهداف وكادت انها تكون اكثر عطفا على اداء انجلترا السيء. وهو المنتخب اللي يضم لاعبين من أفضل نجوم العالم. وبرضوه ماتغير مدربهم.

ياجماعه أي مدرب في العالم معرض -زيه زي اللاعبين والإداريين والسياسيين ورجال الأعمال وكل البشر- إلى فترات يقل فيها مستواه وتجارب فاشلة (ومحطمة في بعض الأحيان). وللأسف ان حنا لازلنا نحكم على المدربين بالسلبية من أول إخفاق حتى لوكان حقق مع الفريق انجازات يحلم بها اي مدرب. وفي الوقت اللي تكون مغادرته جاهزة يكون المدرب الجديد في صالة الإستقبال!!

ومعه نبدأمن نقطة الصفر مرة أخرى:
طفرة بالجديد ووعود بالأنتصارات والإنجازات ومحو الصورة السابقة للمنتخب - تأسيس فريق من أول وجديد - تعرفه على اللاعبين ومهامهم المناسبة - تعويد اللاعبين على طريقة التدريب والفلسفة الجديدة(وطبعا مع نسيان طريقة المدرب القديم تماما) - ولا أنسى أسطوانة (ليش المدرب ما ضم هاللاعبين للمنتخب!!)

وفي الأخير يجي الأخفاق والفضيحة الكبرى! ونجي نطلع الفضايح و نعيد نفس الموال:
المدرب ماله تاريخ كروي - المدرب قاعد يجرب فينا - المدرب ماعنده إلا خطط داجة - التشكيلة اللي حطها دمار و لو انه اشرك اللاعب الفلاني كان ما انهزمنا

ومن ثم يصير حاله كحال غيرة ويسلم تذكرة المغادرة ونبدأ من الصفر مرة أخرى!!!

ياناس خلوا نتعلم من عمان!! شوفوهم خذوا ماتشلا -اللي حكم عليه كل الخليج بالفشل وحنا أولهم- وبدأوا معه خطوة خطوة. وصبروا عليه. وعطوه فرصة يكون فريق. وصبروا على اخفاقاته.
بس في الأخير طلع لهم منتخب ينافس على النهائيات. بعد ماكان في المركز الأخير لعقود من الزمن!!

وعلى العكس تماما. يوم جاء عند ناس متأثرين بالكابتن ماجد حق أفلام كرتون(يبون فريقهم يفوز في كل مباراة) بذل جهد كبير ووصلهم للنهائي. وعند الهزيمة الأولى قضبوه الباب!!!

أنا ما عندي مشكلة في انتقاد المدرب -سواء كالديرون أوغيره- بل بالعكس الإنتقاد راح يفتح للمدرب افاق وملاحظات قد تغيب عن باله. ولكن أن تجبر على المدرب تشكيلة معينة وخطط معينة وقرارات وتعطية مده بسيطة وتطالبه بإنه يصنع لك فريق و نجوم في ليلة وضحاها وأنت لاتدرك صعوبة مطالبك فتوقع الأخفاق مسبقا.

اذا بدلنا كالديرون

فنتظروا الثمنيه الجايه

s60s s60s s60s s60s s60s s60s

ليش حنا حساسين من الهزايم ياخي البرازيل تنهزم أما نحن أول هزيمه للمنتخب نبدأ نتكلم عن إلغاء عقد المدرب طيب اليوم هل كالديرون
له ذنب في الهدفين ...... يعني قال ياعبدربه إسرح ونم لاتغطي وأنت ياأميدو لاتغطي المهاجم اللي معك ومنع سعيد الحربي من الطلوع
لإلتقاط الكره وهي داخل منطقة السته ياردات التي نعرف جميعاً بأنها منطقة حارس المرمى ياأخوان ياليت نتكلم بموضوعيه وبعيداً
عن العاطفه لاتنسون أن اللاعب إذا وصل للمنتخب تصبح مثل هذه الأمورالبديهيه ( أبجديات كره ) ومدرب المنتخب ماهوب من شأنه
تعليم لاعبين المنتخب أساسيات الكره التي من المفترض أن تعلموها في المراحل السنيه (براعم ناشئين).