#1  
قديم 07/12/2005, 02:56 AM
موقوف
تاريخ التسجيل: 26/06/2005
مشاركات: 564
Thumbs up ســــــــالوفتين تعجبـــــــــــــــكم

سلامن عليكموووووووووووو ايها الرفاق والرفيقات والاصحاب والصاحبات والخلان والخليلات>>>>>> أها عاد وش خليلاته
عندي لكم سالوفتين وباختصرهم عشان فيني النوم لاني توي قايم :p مو هم يقولون الزود مثل النقص

قبل كم يوم كنا في مجلس وقص علينا واحد من الشياب قصتين حلوتن جدن وقررت ان اقصها لكم يارجال ولكن يانساء وبيني وبينكم ترى ابو ريمان الغثيث كان معنا والله يا هو سال اسئله يحلفون ان الشايب داخ وبعد ماطلع ريحه الشايب الضعيف قعد ينتقد القصه الاولى بس الثانيه ما قال فيها ولا شي ولا انتقاده وحده >>>>>>>>> اموت في اللغه انا من يومني صغير وهم يسموني سيبويه الصغير
تبون تعرف السبب ليه ما انتقدها ولا نص ولا ربع انتقاده السبب موجود قبل الغمزه الاولى في القصه الثانيه ;)



خلونا نخش في السالوفه الاولى قبل لا امل واهون

كان فيه شخصن ما اسمه المهادي شيخ في قبيلته وكان رايح مع ربع له ما ادري وين خلو ابو ريمان يعلمكم انا ما اهتم بالتفاصيل الغير مفيده >>>>> الا والله ناسي احفظ اللي يعجبني بس بعدين مرو جنب ناس من سبيع وشاف المهادي وحده وحده والله ياهي وحده >>>>>>> يقاله شايفها الحين المهم المهادي وقع في الحب يقولون هم سلبته المهم المهادي صرف ربعه قالهم روحو وبالحقكم >>>>> اي هين صفقني وفكر المهادي بطريقه توصله للبنت الموووووووووت المهم قرر يسوي فيها مريض بالصرع وتجيه نوبات تشنج وكلما شاف له واحد توقع انه بيساعده سوى فيها ان الحاله جته وقام يتشنج عشان يختبر هالرجال وبعدين طاح في واحد اسمه مفرج السبيعي كان هو الوحيد اللي تحمل المهادي ومعه تشنجاته وقرر المهادي يصارحه فلحقه وقاله شف انا ماني مريض ولا شي المساله وما فيها كذا وكذا مفرج طلب منه وصف البنت وعلى عرض عرفها بسرعه بس ما علم المهادي وقال له مشينا للبيت >>>>>> نصاب ما فيه بيوت امرح عندي والصباح رباح ولما وصلوا لضيافه مفرج نادى مفرج بنت ولما جت وشافت الرجال الغريب اللي هو المهادي رجعت وسال مفرج المهادي هذي هي البنت؟ قال المهادي عز الله انها ذي :sad: قاله مفرج عينت خير امرح وباكر يصير خير ومن باكر راح مفرج وقال لابوه السالفه واتفقوا يزوجونه بعد ما عرفو انه شيخ في قبيلته خاصه ان ابو مفرج هو شيخ القبيله وتزوجها المهادي >>>> اي يلحق ربعه قلت لكم اي هين وبعدين دخل عليها المهادي وشافها ضايقن صدرها قال يمكن دلع بنات وبدا يتسولف معها ويلطف الجو ويحكي لها انه شيخ مهب عادي شوي الا البنت صارت تبكي ويوم شاف دموعها المهادي قال والله ان ورى هالدموع سالفه مير اعرفها قالت له مفرج ولد عمي وانا يتيمه وعمي رباني وكنت مخطوبه لمفرج اللي احبه حتى جيت انت وينتخي المهادي ويقول سواها مفرج والله انك حرام علي حرمه امي علي >>>>>> وناسه مدري ليه بغيت اطب على الشايب يوم قالها وبعدين صار ينوم بمكان وهي بمكان وبعد كم يوم قال لمفرج خويه انا رايح لاهلي اضبط الامور >>>> معه حرمتين وخايف يتصفق وخلو البنت عندكم حتى اعود وابي معي واحد من الصبيان ولا عليك امر قال مفرج ابشر وراح المهادي ومعه الصبي ويوم ابعد ارسل الصبي وقاله قل لمفرج ان بنت عمك طالق ويوم درى مفرج سال بنت عمه وعلمته بالسالفه وتزوجها وعاش معها وبعد فتره تغير الحال على قوم مفرج وشانت احوالهم وفكر مفرج يلفي على المهادي وكان عنده ثلاث عيال طبعا رحب به المهادي اللي كان عنده حرمتين وحده عندها ولد واحد ووحده عندها بنات وقال للي عندها ولد واحد روحي عند جارتك ولا تاخذين شي غير ملابسك اللي عليك >>>> ولا بعد المهم قبل ما تروح مره المهادي ام الولد قالت لمره مفرج ولدي يطلع من الفجر للصيد ولا يرجع الا بعد ما انوم ويجي ينوم جنبي فان دخل عليك لا ترتاعين قالت مره مفرج خير وجا الولد وشاف مره مفرج نايمه يحسبها امه ونام جنبها وجا مفرج ولقى رجال جنب حرمته وضربه ومات قامت مره مفرج وقالت لمفرج السالفه وقال مفرج مصيبتي صارت مصيبتين وراح للمهادي وقاله بيت شعر >>>> كلمت ابو ريمان خذته منه ام اني باحفظه اي طيب يقول البيت
سريت منك اول الليل مسرور مسرور وعودت مجرم ميس من حياتي حياتي >>>> الكلمه الاخيره مو من البيت بس عدتها زي الرجاجيل :p قال المهادي عين خير وش السالفه وعلمه مفرج :sad: قال المهادي حرص حرمتك لا تقول شي وتعال معي وخذو الولد ورموه في ملعب الصبيان ويوم اصبحو من ذبح ولد المهادي من ذبح ولد المهادي وكتم المهادي ومفرج الخبر وساقو ربع المهادي سبعميه ناقه فديه عطى المهادي ام الولد ميه ومن عطى الباقي عطاها مفرج وقاله خلها مع حلالي لا يشكون الناس في الموضوع المهم مشت الايام وجت بنت المهادي وقالت له ولد مفرج يتحرش فيني قال ابوها المهادي ابعدي عنه ولا تغدين لحالك >>>> يمديكم على تغدين واربع سنوات والمهادي صابر بعدها قالت البنت ان لحقك ياابوي بعرضك شي لا تلومني وكان المهادي يلعب كل يوم مع مفرج ام تسع مدري وش اسمها في وقتهم قال الشايب الاسم بس ضيعته من كثر النوم :p المهم اللعبه كلما حركو حصاه قال اللي يحركها ارحلو ولا رحلنا وذاك اليوم المهادي كان يقول ارحل يا قصيري ولا رحلنا فهمها مفرج وشاور حرمته وقالت له انت كل سنه تقول للمهادي بروح ويرفض اذا اصبحت قله وبتعرف وش يقصد وفعلا يوم اصبحو قال مفرج للمهادي ودنا نمشي فقال المهادي ودنا بجلستكم بس بكيفكم تاكد مفرج ان الموضوع وراه سالفه وغادر هو وعياله ويوم غربت الشمس ترك عياله وعود على خويه متخفي وسمعه يقول قصيده طوييييييييله يتحسر فيها على روحه مفرج فهم منها مفرج ان فيه احد من طرفه مضايق بنت المهادي واستنتج مفرج انها الصغيره لانها احلاهم >>>> والله وناسه ما يتغطون من اول وعود على عياله وجلس يسولف معهم ويسحبهم قالهم لو كنت مكانكم وفي شبابكم ما فوت بنت المهادي ذيك الزينه قال الكبير والله يابوي ما نقصنا شر بس سوايا ابوها منعتنا وقال اللي تحته نفس الكلام والصغير قال لابوه لو قعدنا يابوي زود يومين كان ماتركت البنت ويلقط مفرج السيف ويقطع راس الولد ويحطه في خرج الناقه>>>> لا يجيني بزر يسال عن الخرج وشو ولا يحسبه منطقه الخرج هذا الكيس اللي يحملون فيه على البعير ويرسل واحد من عياله الثانين للمهادي براس ولده الصغير ولحقه المهادي ورجعه وعاشوا بسلام


السالوفه الثانيه

واحد اسمه بداح العنقري ;) كان ابوه راعي خير مقرقش مكشكش >>>>>> وانا اقول بعض الناس وين يجيبون الفلوس منه المهم كانو البدو لما تجدب الارض يجون ابو بداح وياخذون منه ولما تجي الامطار والخيور يرجعون له اللي ياخذون عاد بفايده بدون ربا مهب ربا الله واعلم ما احط بذمتي شي بس المفروض ان بعض الناس يتاكدون لا تصير فلوسهم حرام المهم كان ابو بداح لما تجي الامطار يروح للبدو ياخذ حلاله ومنها يطلع ويتفرج ولما كبر بداح شوي صار يروح مع ابوه ولما كانوا عند ناس شاف بداح بنت داخ عندها بغى يرقمها ما قدر >>>> كووووووووول ابو ريمان المهم قال لابوه ابيها قال ابوه يصير خير راحو لشيخ القبيله لانها كانت بنته قال شيخ القبيله انا متعهد لها انها توافق بنفسها على زوجها وتقدم لها كثير من فرسان القبيله ورفضت وما جبرتها >>>> احس انه نصاب بس يبي يصرف بداح وابوه وشاورها ورفضت وقالت خيال الحضر زين تصفيح عشان بداح حضري وتقصد ان الحضر مهب زي البدو يعني خكاريه يعني شكل بس ولا فروسيه وشجاعه ما عندك احد خرطي ابو ريمان الجد كان يرقم بكروت او بلاتووووث :p المهم رجع ابو بداح وولده وتعب بداح لان البنت سلبته وصار بداح الفارس اللي كل يوم يطلع ويروح ويجي ويصيد ما يبعد عن البيت ويوم صوب طير مرتن من المرارير وطاح الطير وكان يتالم ويتاوه انبطح :p بداح جنبه وصار يون مثله ويقول فيما معناه انك يا طير كسير وانا مثلك كسير ويوم شاف ابو بداح ولده على هالحال قاله يا ولدي خذ خيمتك ورح يم عرب الشيخ فلان واقعد حولهم تشم الهوا اللي تشمه البنت وتشوفها بين وقت ووقت تسلي نفسك >>>> ماعلينا شرهه وفي يومن من الايام غزت وحده من القبايل قبيله البنت وخذو الحلال وراحو فرسان القبيله يبون يستردون حلالهم وصارو ما عندك احد بعذر البنت لو ما بغت تتزوج منهم يوم رجعو وشافهم شيخ القبيله قال اللي بيرجع الحلال له بنتي كروها ثانيه >>>>>> صكه بلوت صارت ومن جد ما عندك احد رجعو ما قدرو وقتها ركب بداح الخيل وخذ سيفه ورمحه وصارو البنات يتهزون فيه ويقولون اللي ما قدرو عليه الفرسان بتقدر عليه انت يالحضري ولحالك سفهم بداح >>>> اللي يشوفني يقول قاعد معهم وراح وتبع الاثر ولما اظلم الليل وبالحيله اوهم القبيله السارقه انه ما هو لحاله وانهم كثير وباغتهم وشق صفهم وقالهم هذا واحد من فرسانا اذا ما تركتو الحلال ومشيتو بنهجم كلنا وهو ما في غيره >>> ليتهم خلوه كان تتغير السالوفه ونضحك شوي او يموت ويصير ما فيه ابو ريمان :p المهم خافو وتركو الحلال ورجع بداح بالحلال وقال قصيده باحطها لكم لانها عندي ويقول الشايب ان البنت بعد ما سمعت القصيده اهدت نفسها على بداح بس بداح المغرور :p رفضها مثل مارفضته من قبل

الله لحـد يـا مـا غـزينـا وجينـا

ويامـا ركبنـا حاميـات المشاويـح

ويامـا علـى أكـوارهـم اعتلينــا

ويامـا ركبناهن عصيـرن مراويـح

ويامـا تعـاطـت بالهنـادي يدينـا

ويامـا تقاسمنـا حـلال المصاليـح

وراك تزهـد ياريـش العيـن فينـا

تقـول خيال الحضر زيـن تصفيـح

الطيـب مـا هـو بـس للظاعنينـا

مقسمـن بيـن الوجيـه المفـاليـح

البـدو واللـي بـالقـرى نازلينــا

كلـن عطـاه الله من هبَّـة الريـح

يـوم الفضـول بحلتـك شـارعينـا

بالشلف ينحونـك سـوات الزنانيـح

يوم انجمر رمحي خذيـت السنينـا

وادعيت عنك الخيل صـمّ مدابيـح

هيـا عطينـا الحـق هيـا عطينـا

وإن مـا عطيتينـاه والله لا صيـح

أصيح صيحـة مـن غدالـه جنينـا

وإلا خلوجن ضيعوهـا السراريـح

يا عود ريحانـن بعـرض البطينـا

ومنين ما هب الهوا فاح لـه ريـح

لا خـوخ لا رمـان ولا هو بتينـا

مشمـش البصـرة ولا بالتـفافيـح

وخـدن كما قرطاستـن في يمينـا

وعيـون نجـل للمشقـا ذوابيــح

صخـف بلطـف بـانهـزاع بلينـا

يا غصن موزن هزعه ناسم الريـح




انت والله ما يستحي جدك

اللي عنده سؤال بالله عالخاص بس خاص ابو ريمان

مع السلامه :p


اخر تعديل كان بواسطة » العنـا في يوم » 07/12/2005 عند الساعة » 03:11 AM
اضافة رد مع اقتباس
  #2  
قديم 07/12/2005, 03:30 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
أفااا يا بداح ،
البنت ترمي نفسها عليك وتهدي نفسها لك
وتقول أرفضها زي ما رفضتني؟ مب علومها يابداااااح <<<<<< مسوي يعرفه


أخوي العنا قصة بداح روووعة أما القصة الأولى ما فهمتها لأنك كاتبها وأنت شابع نوم وأنا قاريها وأنا شابع سهر .

شكراً

إلا على طاري أبو ريمان: لما كنتم بالمجلس كان أبو ريمان يحط إبتسامات وورموز وإلا قال ما أعرف
<<<<<< لووووووووول يا ويلي من أبو ريمان

اخر تعديل كان بواسطة » عاشق الزعيم من اليمن في يوم » 07/12/2005 عند الساعة » 03:48 AM
اضافة رد مع اقتباس
  #3  
قديم 07/12/2005, 04:13 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,979
والله ما فيني من يقرا يا أبن شرهان
قريت جزء من السالفه الأولى وذكرتني بجدتي
مير وأقلبها عزا الله يرحمها ويرحم جدي وأموات المسلمين
علشان كذا تشكرات للقصص اللي يمكن تصير زينه ويمكن لا
ويمكن أرجع ويمكن لا
يالله بأروح أتفرغ للجروح اللي صحتها سوالفك
الله يرحم ترابهم
بالحب والإشراق
اضافة رد مع اقتباس
  #4  
قديم 07/12/2005, 04:58 AM
زعيــم مميــز
تاريخ التسجيل: 25/02/2005
المكان: في قلب الهلال بين الورود
مشاركات: 2,316
الله كم ساعه وانت تكتب الموضوع والله مافيني شدّه ماقريت الا العنوان

لكن اكيد ان موضوعك زين


تصبحون على خير
اضافة رد مع اقتباس
  #5  
قديم 07/12/2005, 08:26 PM
زعيــم فعــال
تاريخ التسجيل: 26/05/2005
المكان: الــســوق
مشاركات: 353
يسلمووووووووووو
رووووووعه
اضافة رد مع اقتباس
  #6  
قديم 08/12/2005, 04:35 AM
موقوف
تاريخ التسجيل: 26/06/2005
مشاركات: 564
خبرن عاااااااااجلن جدن جدن

افادت مصادرنا الخاصه ان القصتين كلهم موجودين بالانترنت ابحثوا وتلقونهم واذا لقيتوها اقروها من هناك احسن مني بعدين تعالو ردو علي هنا
اضافة رد مع اقتباس
  #7  
قديم 08/12/2005, 05:21 AM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
أعجبني الإيثار في القصة الأولى , ونعم بسبيع وقبيلة المهادي

وفي القصة الثانية .. أعجبني تصرف بداح .. قدر يقتص لكرامته منها
بس يا ليت تشرح لنا معاني القصيدة

العنا .. الله يعطيك العافية على هالقصص الجميلة
اضافة رد مع اقتباس
  #8  
قديم 08/12/2005, 09:56 AM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
لا بصراحة سواليفن رايعه
ويعجبني بداح
اضافة رد مع اقتباس
  #9  
قديم 09/12/2005, 03:03 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
العنا ؟!

لم أصدق بعد أنك كتبت كل هذا ؟! تطور رائع !
و لكن لم تقول عنه أنه لا يستحي ؟!

العنا بعد إذنك " و إذا ما وافقت ما هو لازم "

الأخ صلاح سأختصر الرواية الأولى في نقاط :

@ المهادي مع أصحابه في الطريق لقضاء مهمة و رأى بنتاً سلبت عقله .
@ المهادي احتال ليجد شخصاً يساعده في الوصول للبنت و فعلاً نجح في الحصول على هذا الشخص و كان هذا الشخص خطيب البنت و ابن عمها .
@ هذا الشخص تنازل من أجل الضيف عن ابنة عمه و هذا يؤكد فراسة المهادي .
@ المهادي علم بالأمر مؤخراً " في ليلة الدخلة " فأعجبه تصرف مفرج السبيعي و لم يمس البنت و طلقها .
@ تزوجها مفرج و بعد فترة تغر حالهم .
@ مفرج تذكر معروفه على المهادي فلجأ إليه .
@ عن طريق الخطأ مفرج قتل ابن المهادي مضيفه .
@ المهادي بطريقته أخفى الأمر و عفى عن مفرج بل و أعطاه مقابل ذلك .
@ ابن مفرج تعرض لابنة المهادي فتغاضى المهادي كثيراً حتى فرغ صبره و ألمح لصاحبه بالرحيل .
@ مفرج استطاع أن يفهم الرسالة و غادر و أصر على معرفة السبب .
@ اكتشف مفرج السبب فدفع رأس ابنه ثمناً للمهادي .

أتمنى أن أكون قد استطعت أن أوصل المعنى .

الأخت الماسه هل يمكنني أن أسألك عن الكلمات التي استعصى عليك فهمها ؟!

العنا شكراً لك و فعلاً مجهود رائع و القصتان قريبة لما هو موجود في المراجع و مذكور في مواقع " الإنترنت " .
اضافة رد مع اقتباس
  #10  
قديم 09/12/2005, 10:00 PM
موقوف
تاريخ التسجيل: 26/06/2005
مشاركات: 564
اخوي صلاح والله تراك ماخذ مقلب ببو ريمان بس لازم تشوف موضوعي الجديد عن بوريمان ;)
وبداح مسوي فيها يردها لها ما كنه ضاعت علومه يوم شافها
انحشششششششش لا يجي بو ريمان

!
@
#
$
%
^
&

رائده الزعيم منهو ابن شرهان


احمدي ربك اني نزلت المشاركه
ذكرتك بهم تالي الليل عشان تدعين لهم يمكن سبحان الله ربي يستجيب دعوتك نصيحه ادعي لهم دايم
مشكوره عالمرور خيتو واذا رجعتي ثانيه خلينا نشوف رايك

!
@
#
$
%
^
&

جوجو مشكوره عالاقل انتي احسنتي النيه مو زي بعض الناس خلو فيها يمكن ^
تشكرات خيتو

!
@
#
$
%
^
&

هذولا اللي يفهمون على اساميهم كرستال ;)
والكرستال ما يعجبه الا مواضيع كرستاليه
هلا بك خيو

!
@
#
$
%
^
&

الشرهه مو عليكم الشرهه علي اللي اكتب موضوع شطوله انتم سطرين تخب عليكم
مشكورين كلياتكم وجامعاتكم

بو ريمان ترى مو بالغلط مخليك لا قاصد لاني ما ارد على الاعضاء المميزين بسسسسس



اضافة رد مع اقتباس
  #11  
قديم 09/12/2005, 10:11 PM
زعيــم مميــز
تاريخ التسجيل: 19/03/2005
المكان: كورنيــــــش الدمـــام
مشاركات: 1,567
ياخي الواحد يدور السوالف القصيرة وش لك بوجع الراس

ع العموم مشكور اخوي
اضافة رد مع اقتباس
  #12  
قديم 10/12/2005, 02:49 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
ثانكيو يبو ريمان تراني بطيء بالفهم ومشكوور على الإختصار

إقتباس
وبداح مسوي فيها يردها لها ما كنه ضاعت علومه يوم شافها
انحشششششششش لا يجي بو ريمان

أخوي العنا
إلا يكون راح في خرايطها
اضافة رد مع اقتباس
  #13  
قديم 10/12/2005, 03:35 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,979
على أعتباري رجعت ثانيه
أولاً أبن شرهان راويه مشهور وله إصدارات
أما القصص قريتهم
الأولىرفعت ضغطي وموتتني من الضحك
صواريخ قويه المهادي عليه حركات
أما بتجيب خويها والغرفه أو المكان مليان قويه
ثم يقتله بدون أحم ودستور ويرمي الجثه وين كونان عنهم
يحق لأبو ريمان ينشب لكم لأن فعلاً الكلام ما يمشي
أما الثانيه في البدايه بداح طاح من عيني
لكن حكاية رفضه لها كبرته في عيني
طلع صدقي عجبني والله هذا الحضري السنع
يالله عاد أزعجتكم
بالحب والإشراق
اضافة رد مع اقتباس
  #14  
قديم 10/12/2005, 07:26 AM
رحمه الله واسكنه فسيح جناته
تاريخ التسجيل: 19/08/2003
المكان: الرياض عاصمتنا الحبيبة
مشاركات: 3,703
Post


وعليكم السلام
والله أن قصصك يالعنا زينه من زمان ما قريت موضوع طويل
بس والله يا أنا ما قدرت أمسك نفسي من الضحك بالمقدمه يوم تقول والخليلات

ويعطيك العافية أبو ريمان على توضيح السالفه الأولى لأنها هي اللي كانت موب واضحه
يعطيك العافية يالعنا مره ثانيه ..

تحياتي ..
اضافة رد مع اقتباس
  #15  
قديم 10/12/2005, 12:09 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
رائدة الحب و الإشراق ؟!

أي خويها ؟! هذا ابن زوجة المهادي اعتاد أن يعود ليلاً و يندس بجانب امه و هذا ما أوضحته أمه لزوجة مفرج !
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube