استفسارين على خفيف لو سمحتوا
 

السلام عليكم يامشرفينا ويا اعضاء المنتدى الافاضل .. عندي مشكلتين حصلت في اليومين الماضيين مشكلة تسببت في تحميل المتصفح من جديد اعتقاد انه لايعمل وتسبب في تغيير المودم في اعتقاد انه لايعمل بسبب ان الماسنجر لايعمل ولا المتصفح وبعد تغيير هذه الاشياء ماحصل شئ وماخليت محل مارحت له بس مافيه فايده وزيادة على ذلك خربوا السي دي روم حق جهازي :mad: وفي الاخير قمت وتعبثت وحذفت الزون آلارم وصارت المشكلة منه ماهيب مشكلة نحمله من جديد .. قمت وحملته من جديد لكن ماصار يحمل من الموقع على طول طلعت شاشة التحميل في الجهاز التالي والتالي الى ان تم التحميل بس بمجرد اني اعيد التشغيل مرة ولا مرتين يبدأ في تقفيلته اللي هو الزون آلارم فماهي المشكلة خصوصاً اني حذفته من عند اضافة وإزلة البرامج ومع ذلك اذا بغيت احمله في ثواني يتحمل ولايتم نسخ الملفات من الموقع واعتقد انها في داخل الجهاز حتى بعد الحذف .. عموما طولت عليكم الزبده ابغى الزون يشتغل معي بدون مايقفل بدون اسباب !!!!

الشئ الثاني هو أيقونه التحكم في الصوت عندي اختفت من شريط الأدوات كيف أطلعها ثانية :)

هلا تركي ...

يلزمك السماح لاي برنامج تستخدمه اثناء عملك في النت ... مثل المتصفح ..

عملية السماح تتم من خلال طريقتين :

الاولى : ان تقوم بالموافقة على الرسائل التي تظهر اذا شغلت اي برنامج وقبل ذلك تضع علامة على المربع الصغير الذي يسالك عن ما اذا كنت تريد ان تظهر الرسالة ام لا .. تضع علامة كي لا تزعجك مرة اخرى ...

الثانية : من خلال نافذة الزون الارم نفسه ... تفتحها وتشير بعلامات على السماح للبرامج المناسبة بالنفاذ للانترنت ...

تقبل تحياتي

الله يعطيك العافية يا ابو منار تعبتك معي لكن فتح المنفذ فتحتهن كلهن لكن مافيه فائدة أعتقد ان فيه اعدادات أخرى غير السماح والمنع في قوائم آخرى يجب اعدادها اعداد صحيح :(

عموماً الله يعطيك العافية:)

طيب باقوللك عن كل الاعدادات الموجودة ولا يهمك ... احنا كم عندنا من تركي .. تركي القحطاني وانت :D ..
شف طال عمرك ... اذا فتحت نافذة الزون راح تجيك خمس تبويبات ..
الاول configure بيجيك ثلاث مربعات صغيرة اثنين فوق وواحد تحتهم .. تعلم عليهم كلهم ..
الثاني .. programmes وهذي اعتقد فهمت وش المطلوب فيها ..
الثالث .. security القسم الايمن تحط المستوى highe واليسر medium وبيجيك تحت هالقسمين ثلاث مربعات صغيرة اثنين فوق وواحد تحت .. اشر على اللي تحت بس ..
الرابع .. lock حط الخيار على disable ..
الخامس .. هذا حق الانذارات ... اسفل مرة بيجيك مربعين صغيرات اشر على الاول علشان تحفظ نسخة من ارقام الاي بي حقت المشافيح اللي يحاولون يدخلون .. والمربع الثاني لا تحط عليه علامة اذا ما بغيت الرسايل تطلع لك كل ما حاول احد يدخل .. وسلامتك
عاد اذا نسختك غير قارن وطبق ..
تحياتي

الله يعطيك العافية يابو منار تعبتك معي لكن نفس اللي عطيتني مضبوط بس المشكلة الآن قائمة لكن فيه خيارات آخرى داخل قائمة ALERTS اسمها advanced ..وبالنسبة لخيار SECURITY فلا يوجد في الأسفل سوى خيار واحد فقط !!! اسمه quarantine thes w-mail attachment typs: ... الخ :)
وفيه ايضا في خيار Advanced في قائمة PROGRAMS فيه خيارين واحد اسمه Access permissions والثاني Alerts and functioality وهذا فيه ثلاث خيارات !!!

وعندك طال عمرك في قائمة SECURITY زر اسمه Configure في خيارات 6 المهم هذي الخيارات اللي عندي كانك مكيف عليها عطنيها وكانك مشغول فخذ راحتك هو كم عندنا من ابو منار بس انت:D