#1  
قديم 06/12/2005, 04:17 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144
Talking .$~*¤ô§ô¤*~ همووووم طــالـــبــة~*¤ô§ô¤*~$.

سلخير ..



مساء النهايات والدوال والأحماض والحركة التوافقية البسيطة والجهاز التنفسي في السمكة والممنوع من الصرف والمذهب الرومنسي ...

أوجدي نها {س} عندما س تؤول إلى 2 >> ترى تؤول إلى يعني سهم بس ماعندي سهوم .. خلّ ياسر يسلفني

طيب ابدا بالشرح ؟؟

فاهمين معي انتم ؟؟

ياالله وش هالعذاب ليش محد فاهم عليّ ؟؟

طيب ننتقل إلى نقطة ثانية ..

أوجدي نها د(س) عندما س تؤول إلى مالانهاية >> ماعندي سهم وش اسوي ؟؟ ولا عندي اشارة مالانهاية ..

طيب بشرح .. فاهمين عليّ انتم ؟؟ ياربي ليش محد يفهمني ؟

طيب هذي اكيد بتفهمونها ..

يقول أحمد شوقي : الأماكن كلها مشتاقة لك >> لا معليش ماضبطت

يقول المذكور : أرى كل يومٍ بالجرائد مزلقاً .. من القبر يدنيني بغير أناة

يالله عاد بشرح .. الشاعر يقصد أنه اللغة العربية كل يوم تزلق بالجرايد وآخرتها بتروح للقبر ..

فاهمين علي انتم .؟؟

مشكلة لاصرت تحس إنك فريد بهالمجتمع وعبقري >> بليزز لايجي واحد يتميلح يقول فريد ولاّ رامي

ومشكلة لاصرت تحس إنه محد فاهم عليك ..

طيب ..

جسم يتحرك بسرعة 10 م\ث اوجدي التسارع ؟؟

بعد هذي ماضبطت ؟؟

الشكوى لله ..



كل هذي مقدمة .. وش زود فلان وعلان يحطون مقدمات >> بلاها مقدمات مهيب معاريض ..

انا قدر الله علي وصرت بثالث ثانوي ..

وتونا مخلصين اختبارات .. وعطوني فرصة اسولف شوي >> احد ماسكك

ازين شي بالمنتدى مافيه قسم مواضيع ماصلة . .

يعني لو اكتب نقطة وأهجّ محد يودّي موضوعي اي مكان >> طيب ليش

تهجين اركدي وموضوعك هو اللي بيروح ..

وترى الدنيا فانية .. وكلنا ناجحين ان شاءالله >> هذرت بالدراسة ..

وترى الانسان ابن آدم إذا توفى مات ..

وترى الحياة صعبة .. والزعيم ازين شي بالعالم .. والنذالة شينة >> مهوب دايم ..

انا بس ابي افهم .. ورى اللي حطّوا المناهج ماخذوا راينا ؟؟

شفتوا .. هذي النتيجة ماعجبنا شي ونص الشباب عطّال بطّال >> محد قالّك تدرسين ..
ياخي حنا اللي بندرس مهوب هم ..

وترى ظلم يحطون الدرجة بسبع درجات بالرياضيات ..

وترى لازم يحطون درجة على كتابة الاسم ودرجة على نظافة الورقة ..

هم بس يحطّوني برئاسة التعليم وانا بتصرّف ..

ياأنا بخلّي التعليم فرنسي النظام >> ماتدري فرنسا شلون تعليمهم ..

بحط مدارس داخلية ..

هيه ياللي تبقق عيونك شفتك .. بس ترى مافيه اختلاط

وبحط منهج موسيقى .. والله من الدجة .. بخلّيهم يدرّسون ربابة ..

وبجيب رقص باليه >> هذا كله للبنات ..

وبعلّم البنات شلون يدقّون رقبه .. مهمة احيانا بالرقص ..

وبعلّم البنات الايتكيت .. اساسا ياحبي لنا مايحتاج نتعلم .. نعرف اصوله

بعلّم العيال .. مهوب انا طبعا بحط لكم مدرسين

وش بعد ؟؟

ايه نسيت .. بحط غرفة انفرداية لتعليم النعومة .. هذي سبيشل لبنت عندنا كنّها ولد ..:

وش كنّها ولد ؟؟ إلا ولد .. قاصّة نفس العيال وملابسها وسيييييييعة .. ومشيتها نفس العرابجة ..

لا عاد جابت الطّامة .. ذاك اليوم كنت قاعدة انا وصديقاتي وقاعدين جنبنا شلتها ..
شوي جت هي قالت : وينكم يا جحلّط قاعدة ادور عليكم ..
انا يوم قالته كنّ صاكّني جدار أو فالقني ولد جيراننا >> محد يفلق إلا هو ..

الصراحة البنت ذي لا مرّت من عندي احس ودي أتغطى ..

عشان كذا بجيب لها اطباء نفسيين يوصلون لها فكرة إنها بنت ..

وترى البنات زينات .. والحياة صعبه >> رجعنا للموال ..

وبحطّ لوحة كبيرة قدام المدرسة مكتوب عليها : فليخسأ الخاسئون >> وش عنده صدام ..

تصدقون من كثر ماتشبّعنا رياضيات .. حتى شغالتنا قاعدة اشرح لها النهايات ..

تقول: ايس كلام بابا قول سوي ساهي .. بأدين سوي مسكل كبير ..

وانا قاعدة اقولها : تعالي ياحرمة مهم جدا بالحياة ..

انتم لازم تفهمون هالدروس ..

افرض رحت للبقالة مرة واختبصت عليك الحسابات .. واضطريت تستعمل النهايات .. وش بتسوي ؟؟

صرنا نهذري بالمواد .. ندخل بيوتنا يسلمون اهلنا وحنا نقول لهم نها د(س) = 2
وحسب نص لوشاتلييه وقانون الجاذبية العام ..
وبمعني آخر سيرة احمد شوقي واتجاهات الأدب في العصر الحديث
>> بعض الناس ماودّك يبالغ << وش تقصدين يعني أنا كذابه ؟؟ >> لا ماقلت شي << ودك تقولين >> لو بقول اقول وش اللي يمسكني << بهجّدك تراني >> خلاص ببيتنا نشوف من يهجّد الثاني .. الحين فشلتينا عند الناس ..

>> حوار نفسي <<

وش دخّلكم موضوعي وانا حرة فيه ..

مايستفاد من المذكور أعلاه :

أن الله تعالى فرض الحجاب على نساء المسلمين1

لازم المراعاة بتوزيع الحصص ومايكرفوننا ذهنياً 2

انهم يعطوننا فرصة في ابراز مواهبنا في انشاء المواد 3 >> عطوا سداح فرصة

ردوا لحد يفشّلني .. ترى اول مرة اكتب موضوع فيذا ..

رحبوا فيني اول بعدين ردوا >> تتشرط ..
وردودكم خلها بالألوان >> وش رايتس تكتبينها انتي بعد ..

يالله .. مع خالص الود ,,,
[/FONT]
اضافة رد مع اقتباس
  #2  
قديم 06/12/2005, 04:44 PM
زعيــم مميــز
تاريخ التسجيل: 15/02/2005
المكان: الرياض
مشاركات: 1,839
ههههههههههههههههههههههههههههههههههههههههههههههه

حلوه مهب انتي الموضوع

<<<<<< في ثالث ثانوي ويحس بالمعانات

والله وانتي صادقه كل شي كوم والدوال كوم ثاني والله مشكله ولا يهون لوشاتلييه جعل اهله يوم ولده شاتوه وريحونا منه

لكن مشكوره وماقصرتي ولو الدعوى في يدي لا اخلي كل الحصص رياضه ونوم واهم شي الماده الاخيره
اضافة رد مع اقتباس
  #3  
قديم 06/12/2005, 04:49 PM
الصورة الرمزية الخاصة بـ مارد البطولات
زعيــم مميــز
تاريخ التسجيل: 01/09/2005
المكان: الطائف
مشاركات: 2,266
ومبدأ برنولي وباسكال
نهايه س توول الى سالب مالا نهايه
وحموض قويه وضعيفه

والله انك صادقه انا في التوجيهي والله يعين تراها سهله بس ضغط نفسي
اضافة رد مع اقتباس
  #4  
قديم 06/12/2005, 04:52 PM
الصورة الرمزية الخاصة بـ مارد البطولات
زعيــم مميــز
تاريخ التسجيل: 01/09/2005
المكان: الطائف
مشاركات: 2,266
لاتنسين تقولين لنا النسبه
وبالتوفيق
اضافة رد مع اقتباس
  #5  
قديم 06/12/2005, 05:40 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
يبدو أنه علينا مجاراة الوضع و الرد على المشاركات من هذه النوعية رغم أنها فن لا أجيده ؟!

الأخت جيفنشي ،،،

" والله ما أعرف أكتب مثلكم و لا ودي أخرب موضوعك بس الأكيد إنه موضوع جميل جداً و عندي تعليق و سؤال من أكثر من جزأ و جزأين و ثلاثة و اعتذار و سجدة شكر :

التعليق : لووووووووووووووو(وجه يضحك)ووووووووووووول ---------> دايم فيو تسويها.

السؤال :

أ / ما يستفاد من المذكور أعلاه ثلاث نقاط بالعربي ليه أرقامهم على اليسار ؟
ب / كيف الله قدر عليك ودرستي ثالث ثانوي ، أقصد أكيد عديتي كل المراحل السابقة أو واسطة ؟
ج / أول مرة أسمع عن شاعر اسمه المذكور ! ممكن نبذة ؟!
د / درستي تمهيدي ؟ ---------> مدري لكن أحس ما لها علاقة !
د / المقصود من المذكور أعلاه أحمد شوقي أو الموضوع ؟
----------------------------------------------------> ممكن من دون ترجيم لو سمحتي ؟!

الاعتذار : آسف ما لونت الرد .

سجدة شكر إنك مو موظفة في وزارة التربية و التعليم أما رئاسة التعليم ما عندي مانع أتوسط لك تتوظفين فيها بس ترى بتصيرين لحالك الله يرحم حالك ! وين رئاسة التعليم يا قدمك ؟!

شكراً لك و اعذرينا ترى ما نعرف "
اضافة رد مع اقتباس
  #6  
قديم 06/12/2005, 08:19 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
[align=center]

هلا GivenChy ..

إقتباس
ياالله وش هالعذاب ليش محد فاهم عليّ ؟؟

والله المشكلة ما تعرفين تشرحين وتقولين وش هالعذاب محد يفهم عليتس !!
اشوى انتس بس ما تدرسين بناتنا والا ضاع مستقبلهن !!
إقتباس
مشكلة لاصرت تحس إنك فريد بهالمجتمع وعبقري

المشكلة هذي عانيت منها كثير ;) مهوب بس احساس لا عشتها بالواقع !!
إقتباس
ومشكلة لاصرت تحس إنه محد فاهم عليك

لا هذي الحمد لله ما شفتها ولا عشتها ولا شئ ;) !!
إقتباس
انا قدر الله علي وصرت بثالث ثانوي ..

الله يعطينا ويعطيتس
إقتباس
ازين شي بالمنتدى مافيه قسم مواضيع ماصلة

فيه صيد الإنترنت ;) وفيه المواضيع المحذوفه ;)

إقتباس
انا بس ابي افهم .. ورى اللي حطّوا المناهج ماخذوا راينا ؟؟

تبينهم يأخذون رايتس بأي صفه !!
يعني تبينهم يأخذون رايتس وانتي في ثاني ثانوي !!
وقتها ما درستي المواد ولا تدرين وش الزين لتس والا وش السهل والا وش الصعب !!
ماش اقتراحتس مهوب لم سنع !!
<< انا ووزير التعليم متقاطين في هاليوزر ..

اقول اشوى انتس بـ ثالث بس هذا وانتي بـ ثالث تسذا !!
اجل لو مسكتي منصب وش بيصير الظاهر يبي ينقلب اللعب لـ صن ;) !!

إقتباس
ردوا لحد يفشّلني .. ترى اول مرة اكتب موضوع فيذا ..

ان شاء الله آخر مره !!

اثر الإختبارات مغبيه بلاوي

[/align]
اضافة رد مع اقتباس
  #7  
قديم 06/12/2005, 10:09 PM
زعيــم مميــز
تاريخ التسجيل: 19/03/2005
المكان: كورنيــــــش الدمـــام
مشاركات: 1,564
الصراحة مافهمت اي شي
اضافة رد مع اقتباس
  #8  
قديم 06/12/2005, 11:29 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
اوووول شي

لاتغلطين على لوشتلييه
والله اني احبووووووووو

ههههههههههههههههههههههه
حلوه قوانينو


اغلطي على ريمان وكرشوف حلالك ولا يهون نيوتن بقوانينه الثلاث >>>ولا ذول الترم الثاني
(((مو ابو ريمان العضو والله تشابه اسماء ))

تصدقين ذكرت موقف بمناسبة الاحماض والقواعد
في ماده الكيمياء
عطتنا سؤال الاستاذه لديك قارورتين احداهما حمض والاخرى قاعده كيف تفرقين بينهما؟
وحده من البنات الله يذكرها بالخير اليوم الثاني متحمسه تبي تجاوب
وقامت
تدرين وش قالت
7
7
7
7
7
نتـــزوقه >>>يعني بالمصري:p
فإزا كان حامزا(حامضا)فهو حمز(حمض) واذا كان ليس حامزا فهو قاعده:p خخخخخخخخخخخخخخ
تضحيه في سبيل العلم



والنهايات ليس لها نهايه ستمتد معكي الى الترم الثاني فوسعي صدرك


وتصدقين انا فاهمه عليك بقوووه
لان ثالث عقده محد ينساها :p >>> ابد ماتحطم

لكن ثالث حلوه بس نفهمها >>>ترقع الاخت لرفع المعنويات


وش رايك باللون ترى انا ماالون اتكسل بس علشانك

بالتوووفيق ان شاء الله

نصيحه مني :sad:
شدي حيلك وجيبي نسبه عاااليه
اضافة رد مع اقتباس
  #9  
قديم 07/12/2005, 04:13 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144


بسم الله نبدأ ..

يالله انك تحييهم ..

هلالي شقراء
إقتباس
ههههههههههههههههههههههههههههههههههههههههههههههه

حلوه مهب انتي الموضوع

<<<<<< في ثالث ثانوي ويحس بالمعانات

والله وانتي صادقه كل شي كوم والدوال كوم ثاني والله مشكله ولا يهون لوشاتلييه جعل اهله يوم ولده شاتوه وريحونا منه

لكن مشكوره وماقصرتي ولو الدعوى في يدي لا اخلي كل الحصص رياضه ونوم واهم شي الماده الاخيره

احلوّت أيامك ..

كلهم فيهم البركة .. لوشاتلييه ونيوتن والطقّه كلهم ..

انتم عندكم رياضة .. حنا ماعندنا .. ودنا كل الحصص فراغ ..

ألف شكر على مرورك ..
اضافة رد مع اقتباس
  #10  
قديم 07/12/2005, 04:18 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144


مارد البطولات ..
إقتباس
ومبدأ برنولي وباسكال
نهايه س توول الى سالب مالا نهايه
وحموض قويه وضعيفه

والله انك صادقه انا في التوجيهي والله يعين تراها سهله بس ضغط نفسي

لا برلوني وباسكال مابعد خذناهم .. بنتعرف ان شاءالله وندقّها صحبية >> على قولة اخواننا المصريين


لأن خذها قاعدة : العلماء لو ماصادقتهم ماتنجح

والله هي حلوة إلى الآن بس فعلاً ضغط نفسي كبيير .. والله يوفق الجميع ..

ألف شكر على مرورك ..
اضافة رد مع اقتباس
  #11  
قديم 07/12/2005, 04:31 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144


أخوي ابو ريمان ..
إقتباس
يبدو أنه علينا مجاراة الوضع و الرد على المشاركات من هذه النوعية رغم أنها فن لا أجيده ؟!

الأخت جيفنشي ،،،

" والله ما أعرف أكتب مثلكم و لا ودي أخرب موضوعك بس الأكيد إنه موضوع جميل جداً و عندي تعليق و سؤال من أكثر من جزأ و جزأين و ثلاثة و اعتذار و سجدة شكر :

التعليق : لووووووووووووووو(وجه يضحك)ووووووووووووول ---------> دايم فيو تسويها.


هذا الفن الذي لاتجيده من أسهل الفنون ..

هذا من ذوقك .. وتفضل برد على كل اللي قلته ..

إقتباس
السؤال :

أ / ما يستفاد من المذكور أعلاه ثلاث نقاط بالعربي ليه أرقامهم على اليسار ؟
ب / كيف الله قدر عليك ودرستي ثالث ثانوي ، أقصد أكيد عديتي كل المراحل السابقة أو واسطة ؟
ج / أول مرة أسمع عن شاعر اسمه المذكور ! ممكن نبذة ؟!
د / درستي تمهيدي ؟ ---------> مدري لكن أحس ما لها علاقة !
د / المقصود من المذكور أعلاه أحمد شوقي أو الموضوع ؟
----------------------------------------------------> ممكن من دون ترجيم لو سمحتي ؟!

أ\ عاد هذي طال عمرك بالغلط طلعت المهم الموضوع طلع .. ماشاءالله شدّت انتباهك
ب \ لا والله حرام عليك الله لا يقوله .. بس كذا تتابع قصصي لا أكثر ولا أقل .. ماعدت ولاسنة ياربي لك الحمد
ج \ لاتتهور وتطلب نبذة .. لأن بتطول عليك .. وشكلك ماتحب القراية .. قول ايه
د \ تمهيدي .. مدري .. ابوي يقول انتس دارسة ..
هـ \ مو دال مثل ماأنت كاتب .. تراك كتبتها مرتين .. السؤال الأخير غير مفهوم ..

كذا كلام السياسيين لازم فيه شي ماينفهم ..


إقتباس
الاعتذار : آسف ما لونت الرد .

سجدة شكر إنك مو موظفة في وزارة التربية و التعليم أما رئاسة التعليم ما عندي مانع أتوسط لك تتوظفين فيها بس ترى بتصيرين لحالك الله يرحم حالك ! وين رئاسة التعليم يا قدمك ؟!

شكراً لك و اعذرينا ترى ما نعرف "

لا عادي .. المرة ذي سماح .. المرة الجاية تدفع غرامة ..

لا والله رئاسة التعليم .. وش ابي فيها ..؟؟ ندعي عليهم ونخربط .. وبالأخير اروح اشتغل عندهم ..

الشكر لك لتشريفك موضوعي ..

اضافة رد مع اقتباس
  #12  
قديم 07/12/2005, 04:39 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144

تغريد ..
إقتباس
اوووول شي

لاتغلطين على لوشتلييه
والله اني احبووووووووو

ههههههههههههههههههههههه
حلوه قوانينو


اغلطي على ريمان وكرشوف حلالك ولا يهون نيوتن بقوانينه الثلاث >>>ولا ذول الترم الثاني
(((مو ابو ريمان العضو والله تشابه اسماء ))

سلّمي ياحرمة .. واقلطي أول .. بعدين نتفاهم .. ماراح نختلف


إقتباس
تصدقين ذكرت موقف بمناسبة الاحماض والقواعد
في ماده الكيمياء
عطتنا سؤال الاستاذه لديك قارورتين احداهما حمض والاخرى قاعده كيف تفرقين بينهما؟
وحده من البنات الله يذكرها بالخير اليوم الثاني متحمسه تبي تجاوب
وقامت
تدرين وش قالت
7
7
7
7
7
نتـــزوقه >>>يعني بالمصري
فإزا كان حامزا(حامضا)فهو حمز(حمض) واذا كان ليس حامزا فهو قاعده خخخخخخخخخخخخخخ
تضحيه في سبيل العلم

هههههههههههههه .. من جد رهيييييييييبة ..


إقتباس
والنهايات ليس لها نهايه ستمتد معكي الى الترم الثاني فوسعي صدرك


وتصدقين انا فاهمه عليك بقوووه
لان ثالث عقده محد ينساها >>> ابد ماتحطم

لكن ثالث حلوه بس نفهمها >>>ترقع الاخت لرفع المعنويات


وش رايك باللون ترى انا ماالون اتكسل بس علشانك

بالتوووفيق ان شاء الله

النهايات .. عادي تعودنا .. انتهينا وهم ماانتهوا

يابعدي والله .. لوّنتي ؟؟ بلا ماعندتس ثالث ثانوي

وياك ياقلبي ..

يعطيك ألف عافية على مرورك ..




اضافة رد مع اقتباس
  #13  
قديم 07/12/2005, 04:47 PM
زعيــم متواصــل
تاريخ التسجيل: 30/01/2005
المكان: قدّام بوابة نادي الهلال
مشاركات: 144


صدى بكرة .. معليش نسيناك ..
إقتباس
والله المشكلة ما تعرفين تشرحين وتقولين وش هالعذاب محد يفهم عليتس !!
اشوى انتس بس ما تدرسين بناتنا والا ضاع مستقبلهن !!

لا ترانا سنعات .. تبي تجرب أشرح لك شي

إقتباس
المشكلة هذي عانيت منها كثير مهوب بس احساس لا عشتها بالواقع !!

ماترتاح صراحة لا صرت تعاني منها .. اسألني انا

إقتباس
لا هذي الحمد لله ما شفتها ولا عشتها ولا شئ !!

يالله .. هي تجي مع اللي فوقها كلهم متلازمات .. الله يرزقك أجل

إقتباس
فيه صيد الإنترنت وفيه المواضيع المحذوفه

وفيه مواضيع مميزة ..


إقتباس
تبينهم يأخذون رايتس بأي صفه !!
يعني تبينهم يأخذون رايتس وانتي في ثاني ثانوي !!
وقتها ما درستي المواد ولا تدرين وش الزين لتس والا وش السهل والا وش الصعب !!
ماش اقتراحتس مهوب لم سنع !!
<< انا ووزير التعليم متقاطين في هاليوزر ..

بصفتي أنا اللي بدرس .. ومن باب الديموقراطية >> استر عليها

أجل وزير التعليم متقاطّ معه .. كيف الحال ؟؟

إقتباس
ان شاء الله آخر مره !!

اثر الإختبارات مغبيه بلاوي

افا بس .. يالله .. الدنيا فانية >> رجعنا

ألف شكر على مرورك ..
اضافة رد مع اقتباس
  #14  
قديم 07/12/2005, 05:26 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376

السلامـ عليكمـ ورحمة الله وبركاته ،،،

هلا بـك GivenChy

إقتباس
فاهمين معي انتم ؟؟

مافهمت

إقتباس
طيب بشرح .. فاهمين عليّ انتم ؟؟ ياربي ليش محد يفهمني ؟

لنتس جايتن من كوكبن غريبون وعجيبون ، وأنا أختس يحلفون أن سكان كوكبنا ذا مايعرفون شي بهاللي تقولينه :p

إقتباس
انا قدر الله علي وصرت بثالث ثانوي ..

يااااااااااااازين ثالث ثانوي ودجتها وربي انها فلللللللله ----->> بلاااك داجتون

إقتباس
بحط مدارس داخلية ..

وأنا اختس لاتشوفين سالي كثير ، باديه تتأثرين فيها :p .

إقتباس
تصدقون من كثر ماتشبّعنا رياضيات .. حتى شغالتنا قاعدة اشرح لها النهايات

الرياضيات شي أساسي ، إذا دخلتي الجامعة او الكليه وقسم علمي لأبد بتدرسين رياضيات
أسسي نفسك في الثانوي وبالذات 3 لأن ترى دروسها بتكرر عليك بالجامعه ،،،،

إقتباس
أن الله تعالى فرض الحجاب على نساء المسلمين1

لووووووو وووووووووووو وووووووووووو وووووووول

إقتباس
انهم يعطوننا فرصة في ابراز مواهبنا في انشاء المواد 3 >> عطوا سداح فرصة

تيب ، ورى ماتروحين تدرسين لك بالثانويه المطورهـ !
ترى فيه ثانويات بالرياض طبقوا عندهمـ هالطريقه ..

إقتباس
ردوا لحد يفشّلني .. ترى اول مرة اكتب موضوع فيذا ..

حياتس خيتو ، وهذا رد علشان ماتتفشلين















الفيروسه الزرقاء
اضافة رد مع اقتباس
  #15  
قديم 07/12/2005, 07:44 PM
زعيــم متألــق
تاريخ التسجيل: 16/09/2004
المكان: القصيم
مشاركات: 1,338
إقتباس
يااااااااااااازين ثالث ثانوي ودجتها وربي انها فلللللللله ----->> بلاااك داجتون

صدقت يالفيروسة

احلى مراحلي ثالث الله يذكرها بالخير
وعلى فكرة كنت اتمتع وانا احل بهالنهايات والدوال وطقتهن <<<<< درينا انك عبقري



ومشكورة على الموضوع الخفيف
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:16 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube