مشكلتي مع المــاسنجر ؟
 

السلام عليكم ....
مشكلتي باختصار .. ان الماسنجر صار يوافق على اللي يبون ينضمون عندي بدون مايشاورني ( هزلت ) !! حتى مايطلع اسمائهم في القائمه ؟؟

وش الحل ؟

وعليكم السلام ...
 

هلا بالمبدع العالمي ..

اولا افتح نافذة الماسنجر الرئيسية ثم قائمة ادوات ثم خيارات ... ومن تبويب (السرية) حط علامة على (الاعلام عند قيام مستخدمي .... الخ ) الموجودة في اسفل التبويب لانه كما يبدو انه احد لعب في الاعدادات ...

تقبل تحياتي

يابومنار البعض يقول انه فيروس تصير عبر الماسنجر وبسالك سوال انا مبتدا صراحه بس ابي اعرف وشلون اثبت الموضوع؟؟؟؟؟

هلا بالمهير ...
ما اعتقد انه فيروس ... ولو انه فيروس كان انتشر خبره وعرفنا عنه ... لكن الواضح ان احد يستخدم ماسنجر العالمي وغير باعدادات البرنامج ...

بالنسبة للتثبيت مهوب شغلك ;) :)

تقبل تحياتي

ماسينجرك هذا نشمي وذيب ولا يرد أحد .... ياعيني على الكرم هذا , وياليت كل الماسينجرات كذا :rolleyes: ,,,

ماسينجري إذا وافقت على إضافة شخص معين " يعيّي " وراسه وألف سيف ما " يقلّطه " :mad: ,,,

مادري هي الماسينجرات عباره عن إنعكاسات لأصحابها ولا فيه كلام غير كذا :rolleyes: ,,,

تحياتي لك ,,,

إخوي المهير ... لازم تكتب الموضوع اللي تبي تثبته بعد صلاة الفجر ولا قبل آذان العصر , علشان يوافق البرنامج اللي في المنتدى ,,,

يمكن ماتجي معك من أول مره , لكن أنت حاول كذا مره وإن شاء الله تجي معك ,,,

تحياتي لك ,,,

الاستاذ .. ابو منار ..
يعطيك العافيه حطيت الصح .. والف شكر لك ..

ابراهم النجيدي .. بكم شاري ماسنجرك :) ؟ ... وخلنا نشوفك على الماسنجر :) ..