11/08/2001, 09:22 AM
|
| زعيــم متواصــل | | تاريخ التسجيل: 13/12/2000 المكان: بيتنا
مشاركات: 92
| |
وش الفرق بين غاده....وفهد؟؟
السلام عليكم..
الاربعاء-الظهر-يوم ظهور النتايج
يروح عبدالله صديق فهد يشوف النتايج....لا مو معقول فهد تخرج...ما اصدق..
ويدق عليه بسرعه...
موبايل فهد يرن"تررت تررت ترتتتا ترتت ترتت ترتتا" وهو نايم...
فهد"يوووووووه من ذا الي يدق الحين؟؟اذا قمت بشوف من هوو ادقيت عليه"
عاد عبدالله ما عنده بيستنى لين يرد عليه..وفهد نايم موب قايم علشان يرد..
قام عبدالله ودق على البيت..طبعا الخط حق فهد يعني ياويله يا سواد ليله الي
يرد عليه..ويوم شاف عبدالله ان ما فيه امل((ولا دلال ولا حصه))انه يرد عليه ..دق على تليفون
بيتهم علشان يبشر امه..ردت روز((لايروح بالكم بعيد..هذي شغالتهم))..
-هلو
-هلا وين ماما ام فهد
-استنى شوي..........مدام فيه واحد يبقي انتي اعلى تلفون
الترجمه((تعالي كلمي))...
تجي ام فهد..
-الو
-هلا والله يا خاله..وشخباركم؟؟
-بخير الله يسلمك..انتم شخباركم؟؟
-الحمد لله أقـ ..
-وشخبار الاهل؟والعيال؟
بخير..اقول يـ..
-والجميع ان شاء الله بخير؟؟
ايه الحمد لله...يا خاله ترىفـ...
-والاخوان والخوات؟؟
والله العظيم ورب الكعبه انهم طيبين..
-ايه الحمد لله..بس اقول من معي؟
-انا عبدالله يا خاله صديق ولدس فهد..((كل هل الاسئله وهي ما تدري من انا
اجل لو درت وش بتقول))...ما امداه يخلص كلامه..الا وترجع..
-هلا والله شخبارك يا وليدي؟؟
-والله بخير
...........نفس الاسئله الي فوق..
<<-----------زوله
راحت نص ساعه وهي ما غير تسأله..
-يا خاله انا حبيت ابشرس ان ولدس فهد تخرج..
-وش قلت ولدي..تخرج ؟؟من يقوله؟؟
-انا اليوم رحت للجامعه ولقيته ناجح..
-متأكد انه ولدي..
-ايه واالله.. والله يعافيس يا خاله اذا قام قولي له يكلمني..
والعبره خانقه ام فهد..
-ان شاء الله..
-فمان الله..
-فمان الله..
وتطقها بتسوه ام فهد..مهيب مصدقه الي تسمعه
بعد ساعه من البتسي..
ام فهد:روز...رووووووووز..
روز:نأم ماما
ام فهد: روحي قومي غاده..وقولي لها اذا ما قمتي بتجي امتس وتسحبتس من شوشتس..
روز تهز راسها وهي مو فاهمه شي..
وتروح غرفة غاده..
روز:ماما قاده ماما قاده يلا قوم((شوهت الاسم))
غاده وهي في عز نومها:وجع يوجعس بعد هذا الي ناقص قال ايه ماما
خلاص يله روحي الحين بقوم..
روز:ماما ام بهد قولي ازا انت ما فيه قوم هي في ايجي و عفس شوشه مال انت..
غاده:نعم نعم وش قلتي؟؟اقولس انقلعي لا اقوم انا الحين واشلع شوشتس
والله شغالات اخر زمن..
تروح روز تكمل الغدا..
وتنزل غاده وهي تصارخ...الحين وشوله ترسلين لي هال((جراده))..تقومني
"عيارتها جراده"..ازعجتني..الله يزعجها لا وتهدد بعد..
ام فهد:اها بس لا ترفعين صوتس علي..وبعدين انا الي قايله لها...تدرين الساعه
كم الحين؟؟الساعه وحده وشوي..وانتي ما قمتي..
غاده:يا سلام انت عارفه انا امس متى نمت مانمت الا الساعه وحده ونص علشان
اسوي حلى لام جيرانا جعلها الحراويل..هي عندها عزيمه ما ادري احنا وش دخلنا
نسوي لها حلى..قصدي انا اسوي لها الحلى...لا وليتها عازمتنا بعد..
ام فهد:عيب عليتس...وش ذا الحتسي هذي جارتنا والجار قبل الدار..و...و..
غاده:ايه طيب ان شاء الله على عيني وراسي تامرين شي بعد..
ترى عادي اذا ودها نشتري الذبيحه..
تقاطعها ام فهد:انت ما تستحين يا قليلة الادب..روحي قطعي السلطه اشوف..
خواتس ورجاجيلهم الحين بيجون..
غاده:اوووووووف وانا بس هذي شغلتي بالبيت..
بعد الغدا.."ما شاء الله مستعجلين"
قعدوا يشربون شاهي..
نوره"اختهم الكبيره":اقول يمه وين فهد ما شفته اليوم؟؟
ام فهد:يا حياتي فهودي امس ما نام الا سته الفجر...وخليته نايم علشان
يشبع نوم((طبعا في هذه الاثناء ام فهد نست ان ولدها تخرج))
غاده:ايه هو يا حياتي وانا بتنتفين شوشتي..
الام:اذا صرتي مثله يمدي..
غاده:ليش وش فيه هو زود..على الاقل انا قاعده اسوي حلى شي مفيد
(اول مره ادري ان الحلى مفيد)..
موب هواربعه وعشرين ساعه مقابل الانترنت..والا في يدور في الشوارع..
ام فهد:خلاص يا كثر حتسيتس ودندرتس ما تسكتين..
غاده:ايه صرفي الموضوع..
نوره:هو غاده عيب ترى هذي امس..
غاده: لا ياشيخه احلفي..
............هواش وسواليف و...و...و...
الساعه 6 المغرب..
ترقى ام فهد بكبرها لغرفة فهد...
تفتح الباب بشويش..
فهد..فهد يله يا بعدي قم...وش تبي غدا؟؟
فهد:يووووه ما ااشتهي شي..
امه:لا لازم تاكل...اذا ما تشتهي اكل البيت ارسل السواق يجيبلك اكل..
فهد:اقول ما اشتهي غصب يعني....
امه:لا ابد على راحتك بس يله قوم خواتك عندنا..
فهد:يا ربيه ما تخلون الواحد يعرف ينام في هالبيت..
امه:اذا ما شبعت كمل نومك ترى ما ورانا شي..
وتطلع من الغرفه...للصاله..وغاده قاعده تكلم..
غاده بس هذا شغلتس اربعه وعشرين ساعه ما تخلين الخرط والحتسي الفاضي..
يله سكري..
طبعا بعد ما تفشلت غاده عند صديقتها استأذنت منها...ونزلت عند خواتها..
شوي ونزل عليهم فهد..يصارخ..
ابشركم تخرجت..
الام:ايه والله نسيت ترى ماجد داق عليك وانت نايم..نسيت اقولك..
الف مبروك يا وليدي...
غاده:لا لا مو معقول اخيرا...تدري لوانك قاعد سنه زياده كان نجحوك..
ام فهد..تمسع دموعها ..
اقول بس يا غاده ورا ما تنطمين ما شاء الله عليه على الاقل تخرج مهوب مثلتس..
غاده:ليه وش فيني بعد...الحمد لله ما عمري عدت سنه..
ام فهد: بس فهد ما شاء الله عليه كان مواعدنا بعشره سنين وخلصها بسبعه..
غاده:الله اكبر ما شاء الله..خمسه وخميسه.. بسم عليه من العين..
نوره:يمه لا تقولين ذا الحتسي لاحد لا ينظل ولدس على ذكائه ونباهته..
ام فهد:هين عارفه انكم تطنزون على وليدي بس ما علي منكم.
فهد:لا اله الا الله كل يوم هواش...يـ..
ترن ترن...خط فهد
ينقز فهد ولا يكمل كلامه..
فهد:الو هلا
غاده:بسم الله عليك شوي شوي مهوب طاير...
ما تدري الا زبيرية فهد بوجهها..
ام فهد:الا بيطير..يمكن هذا صديقه ماجد..كان يبغاه ضروري...
غاده:يا حليلك يمه...تلقينه كلمه خمسه وعشرين مره...عقبها..
نرجع لفهد..
فهد:بخير الله يسلمك..انت وش خبارك؟؟
فهد:الله يبارك فيك
فهد:عقبالك
فهد:ههههههه الله ياخذ بليسك..
فهد:لا والله..هههههه...احلف يا شيخ..
ويسد اذنه وهو يكلم...يعني ازعاج..
وترفس ام فهد غاده ذيك الرفسه...راحت خذت عمره ورجعت..
ام فهد:غاده غاده؟؟
وغاده يعنني زعلانه مهيب راده..
ام فهد:غاده وصمخ...ما تشوفين اخوتس يكلم يا مال العمى..
قصري على التلفزيون..
غاده تقصر ع الصوت..تك تك تك تك........الصوت صار صفر..
يسكر فهد السماعه..
فهد:يله انا طالع...سلام..
ام فهد:وين ما شفناك...طيب ما تبي غدا؟؟
فهد:اقول لا...ويطلع ويصفق بالباب..
ام فهد:مع السلامه بسم الله عليك..
طبعا..هو طلع من هنا وهي مسكت التليفون من هنا..وتبشر الناس وتعزمهم
على الغدا باتسر..
غاده:بتسون له عزيمه بس ؟؟..المفروض تسون له عرس على هالانجاز..
ام فهد وصلت معها كلش ولا فهودي:غويده ان ما سكتي لا بنعله على خشتس..
غاده: ان شاء الله انا بفتح محل نعال بوجهي..يله عن اذنكم بروح انام..لاني عارفه انكم بكره بتقوموني من الساعه ست...اقطع السلطه..واسوي الحلا..واذا ودكم اسوي لكم جريش والا قرصان...
ام فهد:طسي جعلتس ما تقومين..
الساعه 4 الفجر...
يرجع فهد من برا...ويقلب القنوات...ما فيه شي عجبه...يدخل غرفته..يشغل
الكمبيوتر...ويشتغل عليه شوي...
اوف ملل...يقوم ينسدح..بس فيه شي شاغل باله...تدرون وشو؟؟..
.
.
.
.
.
.
.
.
.
.
.
.
.
.
.
.
.
.
ان ما عنده صديق اسمه ماجد...
يا عمري العجيز راح الي بعقلها يوم درت عن نجاح ولدها..
------------------
اسفه على الاطاله..
اتمنى تكونون فهمتوا الغايه من موضعي... |
...
وبعدها يدور له على بنت الحلال ويالله يجمع لها المهر 
الوضع المتطور
