قصيدة بنت ليلة زواج حبيبها - نادي الهلال السعودي - شبكة الزعيم

بندرابوحمد · #1 06/12/2005, 11:35 AM

عجبتني القصيده فائردت ان اطلعكم عليها

اتمنا ان تنال اعجابكم

جاني الخبر يا صاحبي واظلم الكـــــــون
قــدام عــينـي ثـم نــطقـت الــشــــهـاده

على العــمــوم اقــولـها الف مـليــــــــون
مــبـروك مـن قــلـب شكـــالــك ابـعاده

مــبروك لا يهمــك سواليف وضـنـــــون
مـن عــاشــق يــهديك فـــرحة فـــؤاده

ســو الــفرح اليوم وابليس مـــلعــــــون
واللــي يشــب الـــنار يــجني رمــــاده

انـــا اول الــــعـالم على القصر يلفــــون
اول مــــعـازيم الـــــفـــرح والــحــداده

ابشر انا برقص على العرس بالهــــــون
كـــــل يـــــعـبـر فـــرحــتـه بــاجتهاده

لــــو الـــبلا رقــــصي يقولون مزيـــون
الـــمــشكلــه الــقلب يــفـضـــــح وداده

يـــوم الـعذارى في دخــولـك يغنـــــــون
وعــروستك باحلى ثــواني السعــــــاده

كــنت اتــمنــى بـــدالها والـله اكــــــون
واحـط انـا كـفي تحت راسك وســــــاده

واشلون ابكتم صرختي يوم تمشـــــــون
تـــكــفى ..خــذنــي للعروسه قـــــــلاده

حتــى مــعـازيـم الفرح قامو يمشــــــون
واصبــحت انــا وحدي بدون استفـــــاده

وطـــفو عــلي الــنور مــن غير يدرون
قــصر الــفرح يـا قـبر(مـنيرة) ومهــاده

وصــيتي لـو جــاك بــنت وانــا امــون
سمــيتــها لك (مــنيرة) قــبل الــــــولاده
منقـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــول

abu_riman · #2 06/12/2005, 12:37 PM

الأخ بندر ،،،

قصيدة قوية المعاني و كان الله في عون منيرة ..

تيماوي · #3 06/12/2005, 12:47 PM

^
^
@ كأنها كسرت خاطرك ..;) شد حيلك وعوضها عن الحبيب .

@ تسلم اخوي بندر على نقل القصيدة وبالفعل في غاية الإبداع .

مـن نـظـرة حـبـيـتـك · #4 06/12/2005, 01:24 PM

ربــي يــخــلــيــك أخــوي عــلــى الــقــصــيــده الــحــلــوه والــلــه إنــهــا تــكــســر الــخــاطــر

رويلي هلالي · #5 06/12/2005, 01:39 PM

تسلم تسلم تسلم على هالقصيده والله انها قوية بالحيل والله ان قلبي تعب يوم قريتها

تقبل تحياتي

أبكـي حـال الزعيـم · #6 06/12/2005, 01:55 PM

يعطيك الف عافيه..

والله تخيلت الموقف ..

صدى الامس · #7 06/12/2005, 02:33 PM

[align=center]
كــنت اتــمنــى بـــدالها والـله اكــــــون
واحـط انـا كـفي تحت راسك وســــــاده

واشلون ابكتم صرختي يوم تمشـــــــون
تـــكــفى ..خــذنــي للعروسه قـــــــلاده

قصيدة قوية .. كلماتها معبرة وطالعه من قلب محروق ..

مشكور اخوي ..

[/align]

نـــــــ15ــــــمر · #8 06/12/2005, 03:26 PM

قصيده جميله واعجبني البيت هذا
وصــيتي لـو جــاك بــنت وانــا امــون
سمــيتــها لك (مــنيرة) قــبل الــــــولاده

والله يعطيك العافيه للنقل
وتشـــــــــــــــــــــــــــــــــــــــــــــــــــــــــــــــــــــاو

abu_riman · #9 06/12/2005, 05:09 PM

"أخاف ما تبيني ؟!

أقول مندوب لجنة التطوير صدى الدجة و أمس واليوم و باكر حتى نرضي الجميع وخرب موضوع راشد لا تكون مندوب الإشراف و تخرب موضوع الرجال ؟! تطوير و إشراف صدى الدجة و حبي تيماوي و يا قلب لا تحزن"

أخي بندر العذر و السموحة .

عزوز الأزرق · #10 06/12/2005, 06:16 PM

تهي .. تهي .. تهيييييييييي

اللله يكون في عونها ,,,

قصيدهـ جميلهـ جدا جدا جدا ,, >>>>>>>>تصلح من معلقات القرن العشرين

القيصر رهيب · #11 06/12/2005, 06:29 PM

عاد تصدقون أنه ما يستحي

راشــد · #12 06/12/2005, 06:37 PM

ومن الحب ماقتل !!

الله يكون في عون منيرة ,,

إقتباس


	أقول مندوب لجنة التطوير صدى الدجة و أمس واليوم و باكر حتى نرضي الجميع وخرب موضوع راشد لا تكون مندوب الإشراف و تخرب موضوع الرجال ؟! تطوير و إشراف صدى الدجة و حبي تيماوي و يا قلب لا تحزن"

شكلك يابو ريمان بديت تحب !!
الكلام اللي فوق مافهمت منه شئ !!
وين راح أسلوبك ؟ جملة مفيدة ماطلعت معي !!

abu_riman · #13 06/12/2005, 06:54 PM

^
^
^
^

من عاشر صدى الدجة يوم واحد يدج

راشــد · #14 06/12/2005, 11:22 PM

يازينها من دجه ,, يابو ريمان ,,

متيم بك ياهلال · #15 06/12/2005, 11:25 PM

يعطيك العافية...........
والله ذكرتني بقصتي مع بنت خالتي اللي حبيتها أكثر من عشرسنين
وكانت النتيجة

ســــــــــــــــرابxســــــــــــراب