#1  
قديم 05/12/2005, 08:08 PM
زعيــم متواصــل
تاريخ التسجيل: 27/08/2005
مشاركات: 65
حمد&حصة (قصة حــب لا تنتهي)

بسم الله الرحمن الرحيم
*مدخل*
نعيب زماننا والعيب فينا
وما لزماننا عيب سوانا

ترا ذي مالها دخل بس حاطها من كثر مايقولها مدرس العربي

*مخرج*

إلى اللقاء < ---- قسم بالله بثر

*مدخل صدقي*
مرة من الساعات < --------- مسوي ينكت
دخلت على أبوي قلت له : أنت تحب أمي؟؟

قال: لا أحب المتعلم < ----- الله يذكره بالخير مسوي الهليل.

قلت: لا قصدي والدتي

قال: إيه، وقعد يقول قصيدة قسم بالله مافيه بيت موزون(( بس يالله الي قال قصيدة كويس))

بعدين قال آآآآآخ ورجع للماضي

*صلب الموضوع*
المكان :- المزرعة.
الزمن:- عام السبعين (على قولة الشيبان) بعد العصر.
الشخصيات:- أبوي وجدي.
قال جدي لأبوي :- ترا الزواج هو الي يحدد المستقبل.
قاطعه أبوي:- المستقبل ولا ال بي سي < ------ نصاب ماكانت طالعه
طبعا جدي ماقصر بالزبيرية سمعتها وأنا مابعد حملت بي أمي
قال جدي:- الزواج قسمة ونصيب وأنا خطبت لك حـثة < ----- حصة ولكن جدي ماعنده
سنون أمامية ؛)
قال أبوي:- آآآه ياحصة ،والله إني أذكر يوم تظحكين علي وأنا أنطق من كل عيال الحارة
بس أحبكــ <-- -------- معجبتني الحركة هذي

*فاصــــل*
تذكرون يوم كانوا أهلنا يهكون علينا الوحده اذا تزوجت تحمل من ربها
ويشقون بطنها علشان تولد الله يعيدها من أيام
*نواصل*
المكان:-يوم العرس
الزمن :- بعد العشاء
الشخصيات:- وااجد بينهم أبوي وحدي وأهل حصة أمي < ------ لا تصدقون وتفضحون بي
يوم قلطوا المعازيم للعشاء أبوي و نسميه حمد دخل معهم< ------ على نياته 
مسكه جدي قال وين مدرعم ياولدي إصبر منتب داخل على المره؟؟؟؟

حمد((أبووي)):- إلا بس المره مهيب طايره والعشا يبي يطير < ----- تفكير سعودي بحت

جدي :-والله إنك سبهه، أنت خذها ورح لم الفوال وأعزمها على قلابة وظبط وضعك

حمد:- والله فكرة بس....

جدي:- وش بسه؟؟؟؟؟

حمد:- معك سلف عشره؟؟؟؟؟< ------ لو تعد الديون الي عليه مليون بالراحة

*على الطاري*
تخيلوا مطعم فول قسم عوائل((وجه يرفع حواجبه))
*نواصل*
يوم راح حمد وأخذ حصه وركبوا السيارة ولا حمد رسمة قلب على القزازة الي قدام

وقالت حصة :- الله والله إنك رومنسي

حمد:- لا بس علشان مايبين الكسر الي على القزازة < ----- لو أنه مهوب أبوي كان قلت سبهة

يوم مروا من عند الفوال طنب بوري حمد وعيا الأفغاني يروح للسيارة يقول :- ممنوع من البلدية<- --------- تصريفتهم من تالي

حمد:- حصة يابعد قلبي إنزلي جيبيلنا عشا وخليه على الحساب

حصة:- هذا وحنا تونا متزوجين وين الرومنسية والمطاعم الزينة

حمد:- لا ميخالف أنا أحب التواضع ((وجه واحد غاسل وجهه بمرق))

يوم نزلت ويقعد يتفتف بالسيارة ويزعق ويسحب على حصة
ويروح لم العيال بالاستراحة

ويدقه راس معسل بحريني< --------------أسمع عنه ولاجربته ولا عندي نيه

يقولون هلا بالذيب والله سويتها

يقول:- سويت كل هذا علشان أبرهن لها حبي < ------- وش رايكم بأبرهن؟؟

ويمر عليها بعد ساعة ويقول :- شفتي إني احبتس ماتركتس عند الفوال

ومرت السنين

المكان:- مستشفى الولادة
الزمان:-والله ناسي < ---- نصاب يعجبكم
أمي بتولد أخوي الكبير وأنا أ قول عز الله الي راح الدلع < ------ مابعد إنولد النصاب

وأبوي مختب ويصج ويلج ويقول أبي غرفة زينة وسرير مرتب نظيف وممرضة زينة

تحلفون أنه هو الي حامل مهوب أمي
المهم يوم ولدت أمي دخل عليها أبوي ومعه ورد < ------- زارفه من الغرفة الي جنبنا

وقال:- الحمد لله على السلامة يا أم محمد

قالت:- والله مايصير الا صالح على إسم أبوي

هذا وهي توها والدة أجل بعد 6 عيال وش بيصير

وتهاشوا إلين قرروا أنه يصير بدون إسم < ------- أبد مهوب يقصد محل العبايات

أنا قعدت أضحك عليهم إلين صار بطن أمي يرج من ضحكتي

*فاصل*

أكره شي أسمه فاصل خاصة ً دعايات إم بي سي ودبي طويـــــلات

*نواصل*
يوم بالمستشفى أمي بتولدني طبعا ً أنا مستانس تصدقون إني طلعت من بطن أمي
وأنا أضحك!! < ------ حتى أنا ما مشيتها

أنا التفت أدور أبوي ما القاه أسأل أمي عنه تقول رايح للبحرين هو وأخوياه

آآخ يالقهر ياحسافة تفريش السنون علشان أبوي يستاني من أول يوم< ---- أبوه يصجه فرش سنونك.
يوم أخوي السربوت وأنت تحتريه أما أنا يا حسرة 

ويويق (أي ::يطل) أخوي السربوت علي وأتفل بوجهه أنقلع أنا ما بيك

القهر أنه هو قال :- ولا أنا <--- - أخوي مابه ذره من رومنسيتي

*ما يستفاد*
1- أمك وأبوك يتهاوشون وأنت ماتدري.< ------ الله من الشر
2- لازم تحترم أبوك وأمك
3- ترا أخوك بينفعك بس عطه وجه.< ----- معقده أخوه
4-ترا أسم أمي مهوب حصه ((وجه واحد يرفع حواجبه)) ولا أسم أبوي حمد ولا أسم أخوي بدون إسم< ----- هذا أعجبتني
كان أعجبك الموضوع رد
وكان على الموضوع ملاحظات ولا شي إرسل رساله خاصة أو إميل< ------- يموت على الاميلات والرسايل الخاصة وإذا كان من الجنس اللطيف شي ثاااااااااااني.

[email protected]

وإلى اللقاء
الساعة تشير إلى 2:26 صباحا يوم الأربعاء 7/10/1426هـ
أثناء كتابة الموضوع
ودمتم سالمين،،،،

سقطت التفاحة الكل قال سقطت الا نيوتن قال لماذا سقطت ؟؟<- ----------- أبيع من عمري يومين وأدري وشلون خطرت على باله ذي؟؟؟؟؟؟؟؟؟؟؟؟؟
اضافة رد مع اقتباس
  #2  
قديم 05/12/2005, 11:32 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
إقتباس
الساعة تشير إلى 2:26 صباحا يوم الأربعاء 7/10/1426هـ

والتاريخ اليوم ,, الأثنين 3/11/1426هـ ,, يعني قاعد لك 26 يوم تنقح في هالقصة ,,
إقتباس
كان أعجبك الموضوع رد

هذا أنا رديت ,, عشان القصة عجبتني ,, وونستني ,,
إقتباس
وكان على الموضوع ملاحظات ولا شي إرسل رساله خاصة أو إميل

كنت بقول لك الملاحظات ,, بس مادام إشترطت رسايل ,, تعيجزت لا أرسل !!
تحياتي لك ,,
اضافة رد مع اقتباس
  #3  
قديم 05/12/2005, 11:46 PM
زعيــم متألــق
تاريخ التسجيل: 16/09/2004
المكان: القصيم
مشاركات: 1,338
مشكور على الوجبة الخفيفة

إقتباس
سقطت التفاحة الكل قال سقطت الا نيوتن قال لماذا سقطت ؟؟<- ----------- أبيع من عمري يومين وأدري وشلون خطرت على باله ذي؟؟؟؟؟؟؟؟؟؟؟؟؟


نهاية ممتازة للموضوع ...
أما نيوتن هذا بسب تفاحة أصبح عالم <<<<<< دنيا حظوظ
وأزيد على كلامك نيوتن أفحمهم يوم قال لماذا سقطت ولماذا لم ترتفع؟
اضافة رد مع اقتباس
  #4  
قديم 06/12/2005, 06:37 PM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
إقتباس
الرسالة الأصلية كتبت بواسطة abu nawaf
فاصل*

أكره شي أسمه فاصل خاصة ً دعايات إم بي سي ودبي طويـــــلات

وانت الصااااادق حتى سبيس توووووون
اضافة رد مع اقتباس
  #5  
قديم 07/12/2005, 09:27 PM
زعيــم متواصــل
تاريخ التسجيل: 27/08/2005
مشاركات: 65
راشـــــد
26 يوم متعيجز اكتب موضوع جديد
ورد هنا مافيه مشكلة بس الاميل أحس اني شخصية

هلالمان
أشكر مرورك الغالي وقاهرني نيوتن ذا

عزوز
أكره ماعلي هالقناتين
اضافة رد مع اقتباس
  #6  
قديم 07/12/2005, 10:05 PM
زعيــم مميــز
تاريخ التسجيل: 07/09/2005
المكان: ::معقل الابداع الكاتلوني.::
مشاركات: 2,443
اضافة رد مع اقتباس
  #7  
قديم 12/12/2005, 09:10 PM
زعيــم متواصــل
تاريخ التسجيل: 27/08/2005
مشاركات: 65
صعبة أتغلى عليك
صحيح إن خير الكلام ماقل ودل بس مو بهالطريقة
ومشكور على مرورك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:01 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube