خمسه اهداف عراقيه والله ثقيله بقووووووه
 

السلام عليكم

الكل شاهد منا المبااره التي انتهت قبل دقائق والكل شاهد الخلل الدفاعي اللي لولى رب ستر لكنا شلينا 20 هدف

يا جماعه والله فضيحه النتيجه هذي في فريق متأهل لكأس العالم ولا تقولون لي مهوب الفريق الأساسي على الأقل في عناصر من الفريق في المنتخب الأول

ارائكم وانتقاداتكم مع التحيه

والله فشلونا
في لاعبين المفروض ما يحطهم كالديرون بالمنتخب
والله حرام عليه شايلين اسم المنتخب السعودي
وما توقعت هذا اللعب من نواف توقعته احسن من كذا
وكالديرون غير سبع لاعبين في المباراة الثانية
وفي لاعبين مب عارفين يناولون الكورة
والصراحة ما في ولا لاعب فيهم يستحق انه يبقى مع المنتخب إلا الصويلح
مع احترامي لكل اللاعبين
وحتى ما شفنا روح قتالية في الملعب
واتمنى من كالديرون انه يتدارك اخطاءه الواضحة قبل كأس العالم
عشان ما تكون فضيحة ثانية لا تنسى
والله انه في كلام بعد ودي اقوله من القهر
لكن ما نقول الا الله يعين في المونديال

بكرة تجيك الأعذار ويقولون لعبنا بالرديف يعني ماهو فريق يمثل دولة ولا سمعة بلد

والله مهزلة ما بعدها مهزلة

فيه مقوله سابقه لمسؤل رياضي تضحك

يقول فيها اننا سوف ننافس على الكأس في عام 2006

الكلام صار في عام 94

والسنين مرت ومحلك سر

ويا عين لا تبكي ويا قلب لا تحزن

مشكورين على المرور