كيف تعرفت على شبكة الزعيم ؟؟؟؟
 

السلام عليكم
ياليت كل واحد يذكر لنا
كيف كان اول دخول له في شبكة الزعيم

عني شخصيا

دخلت عن طريق لنك في احدى المواقع
وشفت موضوع مشرفنا الطيب ابراهيم الي كان عن نادي ميلان < --- بدت المصالح :D :D
وبعدين دخلت لمنتدى الجمهور الهلالي
ولقيت اخبار الهلال من عند الغالي طلال
وقلت يا ولد وش لك والجرايد
ما يقصر بو فيصل
ومن يومها وانا مداوم في هذا المنتدى للقراءة بس
وبعدين سجلت ب 3 يوزرات ولا فاد فيهم ولا واحد
اسجل دخول ولما ابي اكتب موضوع يقول ما انت مسجل
و يالله انه زبط معي مع ذا اليوزر

يالله لا تبخلون علينا بالمشاركة
تحياتي لكم

انا من زمان دخلت المنتدى
 

انا عرفت المنتدى من يوم كانت هذي واجهته لكن بصراحة ماسجلت فيه كعضو الا من قريب للاسف لاني كنت اتوقع انه رياضي بحت 100% لكن بعد ماعرفت انه فيه منتديات عامة وعن الكمبيوتر وبعد نصيحة الاخ الحبحر الحار الله يقومه بالعافية على طول سجلت وتحسفت اني ماسجلت فيه من زمان وهذه هي واجهة المنتدى او الموقع اول ماعرفته .


http://d1d.net/1/sport/olayan99/alzaeem1.jpg


الاسير الهلالي - الرس

هلا محمد ,,,

أكيد تقصد الموضوع اللي في الإقلاع واللينك اللي فيه ;) ,,,

بس بذمتك .... الموضوع مايستاهل اللينك :cool: ,,,

<=== راح وطي مع كلامك :) ,,,

والله أنا مسجل قديم بالمنتدى ومن أيام السيرفر القديم وكنت متابعه من أيام السيرفر الأقدم بعد , لكن ماكان في حالي المشاركه ولا كنت أشوف بنفسي القدره على الإرتباط الوثيق بإي منتدى ,,,

لكن صار العشق بلوى .... ولا صرت أقدر أستحمل الإنقطاع عن النت يوم واحد علشان لا أغيب عن منتدى الزعيم :rolleyes: ,,,

وبصراحه ما أذكر كيف عرفت المنتدى أول مره لإنه كان في بداياته هذيك الأيام وكان أسمه الزعيم الملكي إذا ماخانتني الذاكره ,,,

تحياتي لك ,,,

أنا عرفت الموقع عن طريق الأخ /y2k أيام منتدى الزعيم الملكي قبل الشبكه وسجلت ولكني ماشاركت إلا قبل عدة أشهر في الشبكه بعد ماغيرت إسمي الأول عن طريق الرائع (الأسطوره) مع إني من أيام المنتدى الملكي وأنا متابع يومي للمنتدى وأعضائه ولكن ضروفي ماسمحت لي أكتب إلا قريب............تحياتي

السلام عليكم ..
 

اهلين اخوي محمد..
انا ماتعرفت على موقع الزعيم الا بفضل الاخ / ANMR الله يعطيه العافيه
وكنت اقرا فقط بعدين بعد ماشفت المواضيع والاخبار واجد حلوة
علطول انتسبت إليه .

وشكرا لك..


عاشق الليل

مرحبا ..
بصراحه انا عرفته ايام ما كان اسمه الزعيم المكلي .. قبل سنه بالضبط تقريباً ..
وكنت اتابعه دائماً .. وخصوصاً بعد اي بطولة او اي حدث .. وماتجرأت وشاركت الا قبل كم شهر ..


ومشكورين ..

سلام..

اول مره دخلت للمنتدى كان عن طريق موقع(( عمر العمري الرياضي))

علما ان عمر العمري عضو في شبكة الزعيم ومراسل معسكر الهلال في

الطايف وكان قبل فترة بسيطه ومن بعدها مافكيت المنتدى الى هذي

اللحظه:p

تسلم يا الهلالي محمد على هالموضوع

هلا والله بالشباب :

انا عرفت عن ها المنتدى الي ما اقدر انقطع عنه ابد عن طريق الاخ الغالي علي زعيم اسيا ( الله يرجعه بالسلامة ) .

شخصياً شاركت من أيام (( الزعيم الملكي )) :)

وكيف عرفت عليه !!!

والله اني ناسي :(

شيبة مايفتكر حاجه :D:D:D:D

اما عن طريق جريدة أو بحدث عن مواقع هلالية (( واحد من الاثنين )) والثاني هو الاحتمال الأكبر :)


وشكراًُ لطرحك هذا الموضوع ونفس ذا الموضوع طرح قبل ستة شهور تقريباً :p

والله انا تعرفت على الشبكة من مقال في الجريدة الرياض عن مواقع الأندية السعودية على الإنترنت

وكان موقع الهلال اسمه الزعيم الملكي
وكان الموقع بسيط جدا وفيه منتدى ايضا متواضع

وكنت احياناادخل واقرأ بعض ما يكتب
ونصحت كم شخص هلالي بزيارة الموقع ومتابعة الهلال عن طريقة ومنهم اصدقاء لي سجلو مع افتتاح الموقع اما انا فكنت مشغول في اشياء ثانية على النت ;)

وبعد شهر سجلت علشان قسم حذف الان كان اسمه منتدى التهاني
ووضعت فيه تهنئة بسيطة لصديق عزيز لي

ومن عقبها صرت اشارك

تعرفت عليه قبل لاتنفتح المنتديات ايام ماكان موقع تعريفي بسيط بالـهلال وتتطور شوي شوي الى ان افتتحت منتديات الزعيم الملكي وشاركت من بعدهـا الى يومنا هذا .. طبعا تعرفت عليه عن طريق الاخ كوكتيل بواسطة الاي ميل ..

انا تعرفت عليها من لينك كان موجود بالساحه السياسيه (خطيره) .. كان موضوع سب بس ما اذكر الموضوع بالضبط .. وعلى طول حطيته بالمفضله و اسبوع وانا ما اعرف الا منتدى الجمهور الهلالي .. وبعدها تعرفت على الباقي .. وكان مره مبهرني ..
:eek: :eek: :eek: :eek:
وكل من شفته قعدت اعلمه عنه ..

السلام عليكم ،،

عرفت منتدى شبكة الزعيم على ايام ماكان اسمه (الزعيم الملكي) ...اما بالنسبه عن طريق مين مااذكر بالظبط ..بس على مااعتقد وجدت موضوع في الساحة العربية موضوع فيه لنك المنتدى ، او عن طريق الاخ آهات ، او كوكتيل ....او سـفر ..!!! مااذكر بالظبط :) ،،

انا بصراحه اعرف الشبكه من زمان يعني من اول ما اسست الشبكه كنت ازورها بالاسبوع او الاسبوعين ومع الوقت زاد تعلقي بالشبكه اما تسجيلي كعضو فلم يتم الا عن طريق الاخ الغالي الشايب فهد وله مني كل الشكر.







:)

انا تعرفت علية من رسالة جتني في البريد تتكلم عن الموقع وبعدها وانا عضو فية