وصفك التخيلي للاعضاء !!!!!!!!!!!!!!!!!!!!!!!!
 

احينا تكون بعض الافكار او الالعاب ممتازه في الاثاره او زياده التقارب بين اعضاء المنتدى .

و اقتبست فكره من احد الاشخاص اعجبتني و حبيت اطبقها في منتدانا ..

والفكره هي ان يقوم كل عضو عضو في المنتدى بوصف تخيلي للاعضاء الاخرين ..
الاسم احقيقي:
العمر
الشكل العام
مواصفات خاصه
الطول
الوزن
الخ...


و ساكون انا الاول في الوصف
ابراهيم النجيدي
السم الحقيقي ابراهيم (سهل صح )
العمر 23
الشكل العام شكله زين بس غير منظم في اللبس
مواصفات خاصه : لماح ويفهما على طول ...بس يعاني من صعوبه في السمع :D :D :D :D
الطول 160
الوزن 65
فيه حور بسيط يميل الى الحول (الله يسامح المنتدى العام ):rolleyes: :p :p :p
فيه كويه في اسفل العنق بسبب حاله صرع وهو صغير ..

لا تزعل يا ابراهيم بتشوف العجب من الاعضاء الباقين في بعضهم
وفي انتظار مشاركاتهم ...........


ياشيييييييييييييييييييخ خلهااااااااااااااااااا على الله:o

اتركولي النمر


اسمه/ متعب

عمره / 18

جنتل حق وحقيقي ( صاحب هـندام وسيم);) ;) ;)

مزوح وقت المزح وأقشر وقت لمسة الخشوم

يعني وقت الخير خير وقت الشر شر

واثق من نفسه :) :mad:

طوله 181

وزنه 72

عيونه سود ووساع ورموش ماشاءالله:rolleyes: :rolleyes: :rolleyes:

اما الرقبه ياساتر ريم الفلاء:o :o :o

وشي كثير ماقلته عن عاشق النمر:eek: :eek: :eek:

يارجال لاتحدني أحط صورتي بالمنتدى وانا لابس " الجينز " الضيق اللي أبسافر به عقب كم يوم, كأول واحد يعملها بالمنتدى , علشان تشوف قد أيش أنا " أطخم " :rolleyes: ,,,

الشيء الوحيد الصحيح بالموضوع هو إني زين ولماح :cool: ,,,

الطول .... أنا أطول من كذا بكثير :cool:

الوزن .... برضه أكثر من كذا بكثير :cool:

الكويه .... موجوده لكن بإيدي نتيجه لكسر قديم :cool:

الحور .... ماهو موجود , لكن العيون بسم الله ماشاء الله كأنها عيون بقره , قصدي عيون غزال :cool: ,,,

كلي على بعضي " لؤطه " ويابخت اللي تبي تاخذني , لكن والحق لله أنا اللي رافض هالفكره حاليا :cool: ,,,

ننتظر بقية مشاركات الشباب مع الأعضاء اللي يختارونهم ;) ,,,

تحياتي لك ,,,

الله يخليك يابو سليمان على وصفك الدقيق لي :cool:



بس ترى نسيت حبة الخال اللي على خدي الأيمن :rolleyes:





وبالنسبه للكوي اللي في بعض الناس فحدث ولا حرج :D
لانه كان في حارتهم طبيب شعبي وحاطه فار تجارب يتعلم عليه :rolleyes:

حبيب قلبي النمر


هي على حبة الخال

ياشي بك ماينوصف

بس تدري

يحقلك وأفعل على مابدالك 0000 ((( زين ودلال ومال وش عاد باقي ));) ;) ;)

انا اتوقع هذا العضو كذا
 

انا اتوقع العضو ابو سليمان من واقع ردوده وكتاباته بهذا الشكل

الطول تقريبا 170
الوزن تقريبا 77
الشكل العام رجل رزين بنيته جيدة ذو لحية خفيفة نوعاً مّا ذو خلق متزوج واتوقع ان له مابين ثلاثة الى اربع ابناء يحمل مؤهل علمي عالي يعني جامعي على اقل تقدير .
اتوقع ان اسمه حمود او محمد او فهد
واتوقع انه ليس ممن تهمهم المظاهر لاني اتوقع وبنسبة 95% انه راعي برّ .
وارجو انه مايغضب مني اذا لم يصدق توقعي .

الاسير الهلالي - الرس

الله يهديك يابو سليمان على ذا الوصف بس

عاشق النمر اسألني انا عنه تراه دبيبه وقصير وله دقن خليجي :)
واتحداه ينكر كذا :)

انا ابخربهااااااا واتخيل سفرررر :)

بصراحه اتخيله طويل شوي يعني فوق 170 وجسمه حلو متناسق مع طوله

واتخيل بصراحه انه له سكسوكة شيااااب يعني طويله شوي مثل الكاتب السماري

ويلبس نظارات ولايهتم بالشخصيه كثير اتخيله دايم ناسف الشماغ

واذا صار يشتغل على الكمبيوتر اتخيله لابس قميص ولابس الطاقيه

واتخيله مايفصخ الطاقيه ابد الا اذا بغى يتروش :rolleyes:

ارجوا انك ماتزعل مني ياسفر :) لانها مجرد تخيلاااااااااااات

ارجو ان لايزعل سلمان99999
اعتقد انة شديد لايعرف المزاح
طوله 165
وزنة 70
المفروض انة مدرس بالثانوية
يحب الهدوء

بصراحه انا احس ان ابوسليمان من اسمه شايب لكن الصدق لالا هو صغير وفي عز شبابه الله يطول عمره ......

اما انت يامحب يوسف فاقول لك العكس مررررررررررره صح انا مثل ماقلت ممكن شديد شوي ولااعرف حلولو وسط ......

الطول اطول شوي الوزن اقل بشويه يابعدي ....

اما الزعل الا انا الحين زعلان عليك ليه تكشف شخصيتي للشباب :):) ...

الا الشديد القوي يردني عنك ======= ؟؟؟؟

انا اتخيل الشديد سلمان يوم سفروه وانهوا عقده كذا

لا لا لا لزيارة اقاربه:D

http://www.cosmiverse.com/newsimages/yahi.jpg

سبحان اللى يغير ولا يتغير ..

http://www.home4arab.com/members//en...lh/abu/001.gif

...................:p :p :p ...................

بصراحه , حتى ما افكر واوجع دماغي ( كسول ) ابغى اوصف لكم نفسي
ان صدقتوني والا بصركم :
الاسم الحقيقي: خالد
العمر : 22

الشكل العام : مربوع ، اللون زي غالبية السعوديين ، حنطي
.........خالي من الفلوق , يعني ماني بأقشر ( حليو ) .
صفات خاصه
الطول : 5.7 قدم ابي اعذبكم ، احسبوها بالسم .
الوزن : 198 باوند رشيق جدا، ومستحي اقول كم كيلومتر .


رامبو الاطخم ، ياراعي الجنز المقطع من عند الركب , وين تبي تخت ؟
ماودك اخاويك ، تراني حليل واجودي وعاقل واعجبك ، انت جربن وبتشوف .
تراني احب الشواطي ولا اعرف اسبح ولا احب الدسكوات والصجه , بس فيني
عيب وحيد ، اصحى بدري وانكدعلى ربعي .
واذا بتحط صورتك بالجنز في المنتدى حط صورتي معاك ، خلنا كأننا جوز
كناري ( ياوالله اللزقه ),
هاه وش رايك ، المهم لا يحوشنا عاشق النمر الداج ويدججنا معه .
طالبك قل تم .

انا مخربها مخربها

انا اتخيل شكل الاعصار :eek: :eek:

الاسم طبعا معروف: احمد

الطول : 186

الوزن : سمين شوي :D :D

الشكل العام محيوس دايم مخابيته و ثيابه حوسه

كلها ايملات الاعضاء الجدد وما يحب يلبس الا الزبيريه

وشرط تكون مسحبه ;)




ان تاخرت عليكم وما عادشوفتوا اسمي اعرفوا اني ......

الله يستر بس ولا يزعل علينا الاعصار

khaled79 ====> بس ماقلت لنا انت مرتبط والا لا :p :p

اما السفر معك مغري بشكل انت وشكلك :D :D :D

صدى الامس =====> الله يهديك على هالمواصفات صار الاعصار شريطي :eek:


بس وينك فيه غايب :confused: عسى المانع خير ..

والا نتفك احمد:rolleyes:

:D :D :D :D :D :D :D

إشقحها ياخالد .... أما أخاويك فهذي كثر لي منها :cool: ,,,

أنا أطخم وأخاف أمشي من ناس ما أعرفهم بصراحه ,,,

وبعض المرات إذا طلعت للشارع " أضيع " فيه وما أدل الشوارع والأحياء لإني مانيب متعود على " اللفلفه " بالظهاري :rolleyes: ,,,

وبعدين أخاف أحط صورتي مع صورتك بالمنتدى , وبعدها يضيع سوقك وماتلقى من يرد عليك سلام :cool: ,,,

بصراحه ياغالي , تشرفنا الروحه معك لإي مكان , لكن ماظنيت إنك تقوى على الديره اللي أبروحها ;) .... علاوة على إن سنك صغير وماتستحمل طبايعي :cool: ,,,

لكن إذا أنت مصر فمايخالف " تدز " لي إيميل نتفاهم بالأمور هذي شخصيا . وترى التذاكر عليك , والسكن عليك , والأكل والشرب " بجميع أنواعه " ;) برضه عليك .... وأنا علي إني أجيب شنطتي وجوازي ..... وطلعتي البهيّه :rolleyes: ,,,

تحياتي لك ,,,

يالله انا باتخيلني

وسيممممممممممم مرة وانيق على قولة المصارية
ماطع السمكة وديلها

الاسم عبود طبعا
الطول اطول من ابوي شوي
الوزن انحف من اخوي شوي
العمر الثاني بين اخواني
لون الوجه ورثته عن الوالد الله يديمه
فصيلة الدم احسن فصيلة بالنسبة للي يدرسون بالجامعات A+
يعني دافور ما شاء الله علي (في معجم عبود دافور يعني شاطر بالدروس)
و هذي ترجمة فورية لبعض الناس

اما عاد الاخلاق
وخر عني بس ......اصلا اهم حاجة الاخلاق

انا مؤدب يعني لو تصفقني من الحين لبكرة ولا اطالع فيك
لكن اصحى تغلط وتمد يدك هذا اهم شي:confused: :confused: :confused: :confused:
وش السالفة

ترى من اهم صفاتي اني اضيع احيانا
وش كنا نقول

ايه

انا معاكم انا لازم نسوي حد لطول الرسايل في المنتدى

هه اسف هذاك موضوع ثاني

اختم بس

مع السلامة ( كذا يختمون بمنتدى)


خلاص خلصت
اههههه تعبت