ياسر القحطاني لمجلة أصوات : يحكي فية قصة حياته وبعد أن أصبح هلاليا ... كامل الحوار ..
أمووووت في رنيم ... في القادسية ذهبت للمعلب بدون البوت ... لاعبو المنتخب محظوظين بوجود هذين الرجلين ... أفتخر بجماهير الهلال .. الكويت سببت لي الأرق .. هذا الحدث لا يزال عالقا في ذهني منذ الطفولة ... تدربت في الاتفاق ولعبت للقادسية .... أحب اللكزس وسيارتي مر سيدس ... أحب الملوخية والضبان وأطبخ الكبسة والتعب عليكم .. أحمد الله أني بجانب سامي ... قبل كل مباراة اتصل بوالدي وهذا الرجل ..
الحوار كاملا ...
• نريد أن نعرف معلومات عن بطاقتك الشخصية ؟؟
ماجبتها والله ... ( قالها مازحا )) ثم أردف القول ... أنا ياسر سعيد القحطاني من مواليد 1982 م أعزب وبرجي هو الميزان 0
• كيف كانت طفولتك ؟؟
لا يوجد فيها شي مميز أنا واحد من بين تسعة أبناء الأوسط بينهم تحصلني لامدلع ولا منسي الحمد الله الوالدين الله يحفظهم مو مقصرين معانا كلنا 0
• ما كنت تغار من إخوانك اللي مأخذين عنك الدلع ؟ .
لا بالعكس الوالد والوالدة معطين كل واحد حقة بس يمكن ألي يميزني وخلاني أخذ شوية دلع هو أني جيت بعد 3 بنات فكان لولادتي فرحة عند الأهل وتدلعت شوي بس مو كثير 0
• ماأسم حارتك أيام الطفولة والمراهقة ؟
حارتي أسمها العقربية في الخبر في المنطقة الشرقية ولازلت عايش فيها منذ طفولتي 0
• هل كنت متعلقا بكرة القدم منذ طفولتك ؟ طفولتي كانت على مراحل في بدايتها ما كنت هاوووي للكرة لكن بعدين بديت أمارسها 0
• من هم أصدقاء الطفولة ؟
أصدقائي هم عيال الحارة لازلت معهم رغم مشاغلنا ، ألي سافر واللي مشغول بدراسته وأنا في الكورة . لكن يجمعنا شي واحد هو المسجد دائما بعد الصلاة نجتمع مع بعض وحنا خمسة أنا وفهد وسلمان الخالدي وعبد الرحمن الجنيد ونايف الحسين .
• هل تتذكر أول يوم لك في المدرسة ؟ هل تتذكر أسم المدرسة ؟
أذكر مابقى دمعة الا هليتها ( يقولها وهو يضحك ) كنت في روضة الواحة وكان نظامهم أتكيت وحركات ، أذكر الوالدة لبستني الكرفتة وكنت ابي المدرسة ومتحمس لها وأول مادخلت وتركتني الوالدة وراحت بكت عليهم لحد ماقالوا لي رح لبيتكم كان هذا في البداية وعدين تأقلمت وأذكر في حصة الرياضة كانو يخلوننا نلعب الكرة باليد وأنا ماحبيت هالوضع وصرت كل ماتجيني الكرة أحطها في الارض وألعب برجلي وأسحب بالصغار وكان فية اثنين من الصغار في كل حصة رياضة يجلسون يبكون وأذا جتهم المعلمة تقولهم ليش تبكون يقولون ياسر مايعطينا الكورة ..
• هل كنت مشاغبا وتضرب في المدرسة ؟
ماكنت مشاغبا بس كنت اتحرك كثير يعني ( مأاقر في مكاني ) ماأحب الجلسة .
• هل كانو مدرسين يعاقبونك على كثرة الحركة في الصف ؟
لا بالعكس ماكانو يعاقبوني للانهم يعرفون أن حركتي ماكانت مصطنعة وهذه طبيعة ياسر وتحصلني لو سألني المدرس وأنا ملتفت اجاوبه بسرعة للاني مركز بسمعي معه .
• كنت تنظرب في المدرسة بينك وبين الطلاب أو تضربهم ؟
لا كنت في الابتدائي مسالم لا أطق ولا أنطق .
• وبعد الابتدائي ؟
طبعا بعد الابتدائي اعتبر الواحد دخل مرحلة جديدة وكنت أشوف اخوي الكبير كل يوم داخل لنا بمشكلة وهواش في الحار ومشاكل هذاك الوقت لكن الشي الي تغير بالنسبة لي من الابتدائي كنت أشوف انه عيب أروح ببدلة الرياضة كنت أحس انه لازم البس ثوب وغترة للاتنة يلبس بدلة وقتها كان مدلع والي يلبس ثوب يعني رجال وبعدها عاد بدت المشاكل بالنسبة لي لاني كنت أتأثر بأخوي الكبير عبدالحكيم في لبسه والي يسوية عموما صرت ياطاق يامطقوق مع عيال الحارة .
• حدث عالق في ذهنك منذ الطفولة ؟
مأنسى وفاة صديق عزيز علي جدا درس معي من أولى ابتدائي حتى المرحلة السادسة وتوفى وقتها رحمة الله عليه ( قالها متأثرا ... )
• كيف توجهت الى كرة القدم ؟ حدثنا عن البداية ..
بدأت مع فريق الحارة الي كان أسمة فريق العقربية بعدين ألتحقت بفريق حواري أخر هو فريق شركة لوتو عن طريق المدرب القدير حمد الدوسري والي كان له الفضل بعد الله لما انا علية الان ألتحقت بفريق لوتو كان بقيادة المدرب حمد الي كان وده يسجلني في القادسية من البداية لكني رفضت وفضلت الحواري لاني أحبها وتعودت عليها وعلى اللعب حافي وحر في الملعب بدون التزامات بعد فريق لوتو رحت تمرنت بفريق الاتفاق رغبة مني .
• الكبسة رمز في الآكلات السعودية نبي غيرها ....
الملوخية وأسأل طباخ المنتخب ابو أحمد للاني متعبه كثيرا فيها .
• أكلة تجيد طبخها ؟
الكبسة .
• يعني أذا جينا الشرقية معزومين عندك عليها ؟
أكيد بس أذا بطنك عورك مالي علاقة .. ( يقولها ضاحكا )) .
• هل تحب الجلوس في المنزل أكثر أم خارجه ؟؟
ما أجلس في البيت ألا في الاوقات العادية إلي المفروض الواحد يكون فيها في البيت مثل الظهر والعصر وأحب أطلع كثير حتى أن أصدقائي يقولون لي دائما أنت ماتعرف تصير مشهور تحصلني في مطعم معاهم أضحك بصوت عالي وأمزح معهم بشكل طبيعي بس أحصل منهم انتقادات انه أنا معروف عند الناس لازم مأسوي أي شي في ألاماكن العامة زي كذا لكن بصراحة مأسمعلهم وعايش حياتي طبيعي مثل أي شاب .
• هل تعيقك شهرتك عن التنقل بحرية ؟ أذكر لنا موقف طريف أو صعب مر عليك ؟؟
مرة كلمني الوالد يوم الخميس وأنا برا البيت و سألني وينك ؟ .. قلت رابح لمجمع الراشد أستغرب انه كيف أروح لمجمع الراشد يوم الخميس والساعة 8 باليل قلت له أني محتاج للأغراض وأبي اشتريها وقال لي انت تعرف وضعك ممكن تتعرض لمواقف محرجة وزحمة لكني أصريت أني أكمل طريقي للسوق ورحت .
• ولما رحت وش صار هناك ؟؟
صدقت كلام أبوي بصرحة من أول ماد خلت كل خطوتين توقيع ووقف نصور معك يعني محسيت أبدا بالخصوصية حتى كل ما أشوف لبس تحصل خمسة ورأي يشوفوا إلي أنا أشوفه !!
• ما حسيت بالإحراج طلعت من السوق .؟
الا والله أنحرجت بس ما طلعت للآني صممت اسوي الي أنا جاي عشانة وهو أني أتسوق لي أغراض محتاجها كملت للآني أحب أكون بين الناس وما تهمني الزحمة .
• ماصا ر لك موقف صعب في السوق ؟؟
الا صارت زحمة عند محل كنت آبي اشتري منة شي وصارت زحمة بنات يبون يصورون وآنت تعرف عادتنا وتقاليدنا ترفض الشيء وأنا نفسي أرفض لكني أنحرجت كثير وجت الهيئة وطلبت مني آني أخلص غرضي بسرعة وأطلع . وفعلا اشتريت ألحاجه إلي أبيها وطلعت .
• موقف طريف ؟
مرة في السوق طفل صغير أكثر من مرة وكل مرة يجيني فيها يقولي وقع على هالورقة وكل شوي جايب ورقة جديدة بالأخير جاء وقالي من أنت وش أسمك ؟؟؟!!!
أنا بصراحة ضحكت على نفسي ولا عرفت وش أقول بس قلت له الأوراق وين وديتها .. ؟؟؟ قال هناك .. قلت طيب إذا سألوك عني قل لهم أنا راغب علامة .
• ماهي أوصاف زوجة المستقبل؟؟
آبي لي شفتها تحلو دنياي .. وأنسى هموم الليالي والبشر .
• بلد تعجبك وتحرص على زيارتها ( وما الذي يشدك فيها ؟؟)
مصر .. لأني أعشق الأماكن الشعبية في مصر جدا وأحرص دائما أنه جزء كبير من رحلتي تكون كلها زيارة لها للاماكن ووقتها عرفت مخرجين المسلسلات المصرية ما يتعبون بس يحط كأميرة على أحد المقاهي الشعبية ويجي يأخذها من بكرا يحصل مشهد طبيعي كامل لحياة الشعب هناك .
• متى أخر مرة رحت لمصر ؟؟
الصيف الماضي .
• ما واجهك موقف محرج خلال أحدى رحلاتك لمصر ؟؟
أذكر مرة كنت واقفا عند مطعم مزحوم بالمره والي يأخذ طلبات عرفني وكان ألي يسوى الطلبات مرتفع ضغطة من الزحمة وبس يصارخ على الزباين قال اللي يأخذ طلبات لصاحبة أن هذا الكابتن ياسر القحطاني عدية بسرعة رد علي إلي يسوى الطلبات معصب ( كابتن ولامش كابتن وأنا اعملووه إيه .. ))
• بلد تتمنى زيارتها ؟
أمريكا
• مدينة ترتاح للتواجد فيها في المملكة ؟؟
المنطقة الشرقية
• هل يأتيك إزعاج على الجوال ؟؟
عندي جوالين الأول أذكر كنا في المعسكر وجاني أحمد البحري زميلي في الغرفة يقولي ياسر جوالك وصلت المكالمات التي لم يرد عليها فيه ل 415 مكالمة !!!.. أما الخاص يعني يحيني باليوم من 6 إلى 7 أرقام ما أعرفها
• لو لم تكن لاعب كرة قدم ماذا كنت تتمنى أن تكون ؟؟
وأنا صغير كنت أتمنى أصير طيار حربي مدري لية ويمكن عشان كذا صرت مهاجم بالكرة .
• لو أعطيت مبلغ خمسة ملاين ريال وقيل لك اصرفها في خمسة أيام ماذا تفعل ؟؟
اصرفها لو تبي في يوم واحد .
• شلون ؟؟
مليون هذي بتبرع فيها للجمعيات الخيرية عشان ربي يبار كلي فيها والباقي بحطها في الأسهم .
• وأنت تشاهد طفلا يحمل حقيبته للذهاب لمدرسته ماذا يدور في ذهنك ؟؟
أقول الله أعلم هل يدري ها طفل أو يتصور يوم من الأيام وش ببصير علية .. ؟؟؟
• هل تحب الأطفال ؟؟
أموت فيهم
• من أقرب الأطفال لك في العائلة ؟؟
عيال أختي وبنت أخوي رنيم وساري وود وبدر .
• ولو بكى طفل بين يديك ماذا تفعل ؟؟
أتورط وأتوهق فيه ولا أعرف أسوي أي شي له حتى لو كان عمره خمس سنوات أدور على اقرب أم وأقولها خذيه عني .
• إذا كنت في مقاعد الاحتياط بما ذا تفكر ؟؟
ابحث عن الأسباب ألي خلتني اجلس على دكة الاحتياط وفي نفس الوقت أحاول أركز في المباراة وأدرس الفريق المقابل عشان لو طلب مني المدرب ألعب أكون عارف الفريق إلي أبلعب ضده .
• صف لنا جو الباص بعد الخسارة ؟؟
كئيب جدا والهزيمة أسوأ اللحظات عندي 0
• ماهو وقت التمرين المفضل لديك ؟؟ وهل تحب تمرين الصباحي ؟؟ وماذا سوف تفعل لو فرض ؟
الوقت المفضل بعد المغرب بالنسبة للتمرين الصباحي اعتقد الجو عندما ما يسمح لكن لو فرض علينا ما عندي مشكلة مع الوقت نتأقلم .
• مذيع يجذبك لمتابعة التلفزيون ؟
بتال القوس ومحمد الشهري وأحمد الحامد وبركات الوقيان .
• معلق يجذبك لمتابعة مباراة ؟
ناصر الأحمد ومحمد البكر ويوسف سيف
• شخصية تتمنى لقاءها ؟؟
كنت أتمنى لقاء خادم الحرمين الشريفين الملك فهد ( رحمة الله ))
• أختر شخص أو عدة أشخاص تود توجيه أسئلة معينة لهم ؟
عبد المجيد عبدا لله : لوين رابح بعقولنا يابو عبدا لله
راشد الماجد : أقوله لأي درجة أنت ناوي تخلينا نحبك .
رابح صقر : أقوله إلى متى وأنت ( خارشنا ) معك .. !!
• شعورك النفسي قبل الدخول لمباراة حساسة ؟
بالنسبة لمنتخب حنا كلاعبين محظوظين انه عندنا سمو الأمير سلطان بن فهد والأمير نواف بن فيصل لأنهم يشجعوننا بشكل كبير ويحفزوننا قبل لا ندخل المباراة ويهيئون لنا جو يخلينا ندخل المباراة متحمسين و ناوبن
الفريق اللي ضدنا وما نبي غير الفوز .
• قبل المباراة الكويت في تصفيات كأس العالم 2006 نمت ؟
بصراحة أذن الفجر وأنا ما نمت مو عن شي بس كنت أحس بأرق .
• زميلك في الغرفة أحمد البحري ماكان له دور في الموضوع ؟
لا بالعكس حتى هو مثلي ماجاه النوم تحصلني كل شوي كل واحد يسأل الثاني نمت ونقول لا وعلى الحال لحد ما نمنا .
• يوم كنت في القادسية ماصرلك مثل هذا الموقف أو شي مشابه ..؟؟
أذكر مرة أشجع الشباب قبل أحدى المباريات وأحمسهم وأقولهم ركزوا والمباراة مهمة ووو يوم وصلنا الملعب نسيت البوت حقي وهات يا تعليق من الشباب علي .
• كيف واجهت الجماهير الهلالية بعد نهائي كأس ولي العهد ؟
حسيت بالفخر بالجماهير ألي حيتني وطلبتني ألعب لفريقها حتى وأنا خاسر كانوا مصدر فخر لي بعد المباراة .
• كلمة أخيره ؟
أحب أشكر مجلة أصوات ألي أحبها على استضافتي وأتمنى أني أكون موضوع يقرأ في المجلة0


اتمنى أن أكون قد وفقة في نقل نص الحوار ,,

نتمنى كل التوفيق لياسر في مشوارة القادم