|
حملة الـ 500 توقيع !! للمطالبة بسحب شريط الهلال الجديد من الأسواق ( سجل توقيعك ) بسم الله الرحمن الرحيم كثير يقول كثر هرجك يا مستر هلالي لا والله هذا من حبي لنادينا بالله ياناس هذا شريط حرام فيه والله مبلغه و بعدين المغني اسمحو لي سعد إبراهيم صوته يا اخوان مو مظبوط اول مره احس صوت أبو بكر سالم ناعم و بعدين اتمنى الإدارة الهلالية تفكر مليا قبل طرح الشريط شفنا شريط عبدالمجيد عبدالله و كان 10 / 10 و أتمنى الإدارة الهلالية لاتسمح لأي شخص بإنه ينزل أشرطه بإسمها إلا بعد مايشوفون محتوى الشريط اما شريط زي حقك سعد إبراهيم هذا إسمحوا لي أطالب من هذا المنتدى بسحب الشريط من الأسواق و أدلي بصوتي اول صوت تحياتي مستر هلالي |
يعني بالله انت شريت الشريط؟؟ والله يانت فاضي |
شريته لا واول مانزل بعد ياهو شريط حرام فيه قعد يهرقل علي راعي المحل الهلال و الهلال و مين تتوقع يفوز اليوم و قلبناها رياضة مو محل تسجيلات وفي النهاية من بطوله في بطوله عيب والله احد يسمعه |
مستر هلالي سعد ابراهيم كان يغني على وقت ابوي يعني الحين عمره فوق الستين ولا ادري من اقنعه يغني غنيه رياضيه غير كذ من الشركه المنتجه يعني كل الدلائل تشير الى فشل الشريط بصراحه العمل فيه علامه استفهام |
وش شريطه ذا ووش السالفة بالله |
؟؟؟ |
شريط فيه اغنيه عن الهلال المطرب اسمه سعد ابراهيم هذا المغني كبير بالسن يعني من عمر سلامه العبدالله وصوته رايح فيها |
ويش شريطة |
يعني اللحين هالشريط وش بيسوي الله يهديك بس :) |
وش سعد ابراهيم ذا تصدقون انه ذكرني باسم فوال يماني في البديعه |
وش ذاالشريط ماسمعت عنه اي شي |
الشريط انا شريته اول ما نزل .. الكلمات جميلة .. تقول الكلمات .. من يطوله .. من بطولة .. في بطولة .. الهلال شي ماهو عادي .. اهتفوله يالجماهير اهتفوله .. اشهد انه منتخب ماهو بنادي .. لكن اللحن ضعيف .. والغناء أضعف .. الشريط موجود بالتسجيلات .. باسم .. "الهلال .. من يطوله " بصراحة اخراج الغلاف روعة .. لكن المحتوى .. ضعيف جداً .. |
الشرهه على اللي يسمعه ....,,,,,,,,,,,,,,,,,,,,,و |
اشكر الجميع لكن عشان ننجح و نتفادى الأخطاء لازم ننتقد إنتقادات صريحة ولكم اجمل تحية مستر هلالي |
اتمنى من الاداره النظر بالشرط قبل طرحه قبل لا احد ينصدم بالزعيم |
يا ناس يا حبايب مايأثر شين الشريط او زينه بالعكس هذا دليل على عظمة الزعيم كلا يتغنى فيه بعدين هذا مهما كان فنان قديم وكبير فالسن يجب ان يشكلا على مجهودة . الحين شف فرق جدة اللي كل يوم تطلع شريط للاتحاد جلسة على البحر وجلسه بالحارة وجلسه الزقاق ههههههههه ماقالو شي التشاديه مبسوطين خلوا الناس تخني كيفها تحب الهلال يعني مايحب الهلال الا انتم والله عجيبه بعد |
مع إحترامي ما عندك سالفة والموضوع تافه ولا يستحق العنوان 500 توقييييع ؟؟؟؟!!! |
بسم الله الرحمن الرحيم - أنا أوقع معك .. وأوقع لسحب ( أي شريط غنائي ) يطرح في الأسواق !! - دمتم بخير .. |
واللة هل موضوع المهم |
الصراحة اول مرة اسمع باسم سعد ابراهيم |
s60s لو فيه جوائز للتعليقات والردود كان حاز على جائزة أجمل تعليق إقتباس:
سلام s102s |
والله انك صادق كبير في السن انا من رايي انه يحطون الفنان مزعل فرحان ويغنيها بصوت حزين فله:d :d :d :d |
اقول الله يهديك انت تعرف ان سماع الأغاني من الكبائر وورد تحريم الأغاني في القران الكريم في قوله تعالى ( ومن الناس من يشتري لهو الحديث ليظل عن سبيل الله بغير علم ويتخذها هزواء اولئك لهم عذاب مهين ) سورة لقمان وفسرها بن مسعود بأنها الغناء - ارجع تفسير بن كثير - وفي الأحاديث الشريفه ( ليكونن من امتي اقوام يستحلون الحرً والحرير والخمر والمعازف ) آمل ان تكون من احسن من اتبع العمل وعمل به. الله يتوب علينا وعليكم يارب العالمين وارجوا سحب جميع اشرطة الأغاني سواءً للهلال او غيره |
أشكر الجميع على المرروووورر |
اي شريط؟ |
توني ما شريته!! . . . . تحياتي!! |
هههههه صوته يقطع الخميره من البيت |
لا بارك الله بكورة تخلينا نسمع اغاني لا حول ولا قوة الا بالله العلي العظيم |
اشكر الجميع على المروور و أحترم آرائكم |
أنا أوقع معك .. وأوقع لسحب ( أي شريط غنائي ) يطرح في الأسواق !! |
| الوقت المعتمد في المنتدى بتوقيت جرينتش +3.
الوقت الان » 12:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd