رساله لكل من تهجم على معلق Art
 

السلام عليكم ورحمة الله وبركاته ...

أنا تابعت المباراة عبر قناة Art ,,, وللأسف لقيت كتابات من بعض الاعضاء أقل مايقال عنها أنها صبيانيه وتدل على صغر عقل كاتبها وضحالة تفكيره(لاتسألون وش معنى ضحاله)...

المعلق من بداية المباراة وهو يقول : " تراني مجهز أشعار لكل فريق ..والفريق اللي بيسجل هدف راح نغني له شعر ...والفريق اللي يتعادل راح نغني له شعر أيضا ...والفريق اللي يقلص الفارق راح نقوله شد حيلك وعدل النتيجه علشان نغني لك شعر ". أدري ان كلها خرابيط ماخشت مزاجي والمعلق أيضا ماخش مزاجي ...بس للأسف بعض الناس يحطون على القناة وقت الهدف علشان يتصيدون على المعلق وش يقول ...مسوين أذكياء ...وفووق كذا قالو عنها انها فضييحة معلق المباراة !! ... لا ياشيخ؟ وش قالولك مانفهم ولا مانتابع؟ حتى يوم الهلال جاب التعادل قال شعر أحلى من اللي قاله يوم هدف النصر ..ليش ماقلتو انه فضيييحه بعد؟؟ بعض الناس كانو يبون المعلق يوم جا هدف النصر يزعل ولا يقول ياخساره جا قول للنصر !!
والله حرام تظلمون الرجال ...اذا كنت متابع كل كلام المعلق من اوله لاخر يحق لك تقول رأيك ...لكن ماتسمع الا مقاطع منه وتجي هنا تسب ومسوي انك كاشف الفضايح ..عيب والله عيب....

وبالأخير أقول ..ترى هالمعلق ماطيق تعليقه أبد,,ودفاعي عنه بموضوع الأشعار فقط.لاغير... ولو اللي يعلق بالسعوديه واحد غير العدوان كان شفتها عالسعوديه..بس عندي هذا أرحم من العدوان اللي ماتحمله

يلله عن اذنكم بروح اشوف ليفربول :d

المعلق الاتحادي كعادته يغلط على القناص في كل مباراة للزعيم على ال ار تي لماذا لانه رفض ملايين سيده البرميل لكن سيرد عيهم القناص بطريقته الخاصه باذن الله عز وجل

ترى مو عبدالله الحربي المعلق اسمه يوسف سيف وهو من طبيعته يحب الأشعار واذا ماتحب له ليش تابعتها على الار تي؟؟

منصور الأحمد في اوربت ولا السعودية مدري يقولون جايبين غازي صدقة (ترى انا مادري لكن سمعت) لحب أسمعه وهو يقول هيا دي هيا دي

ميشو الهلال واحمد التويجري ... أنا أتكلم يمين وانتم رايحين يسار ...أنا أتكلم عن شي وانتم رايحين لشي ثاني

ميشو : أولا أنا وضحت وقلت اني أدافع عنه في نقطة الاشعار فقط ...راجع كلامي فوق ...يعني الكلام كله عن الاشعار ..وانت رايح لموضوع ثاني مدري من وين جبته الله يهديك

احمد التويجري ..المعلق اسمه عبدالله الحربي ..يوسف سيف بالجزيره وش جابه لـart...؟

ثانيا يا أحمد لو تقرى كلامي قلت لك اللي علق بالسعوديه عبدالله العدوان..من وين جبت غازي صدقه تقول انه بالسعوديه؟