السلام عليكم




( البدايـــــــه )

الكل وإن لم يكن الكل فهو الغالب توقعها تاريخيه لعدة إعتبارات وهي حــال النصر من ظروف إداريه
وظروف فنيه وحــال الهلال من إستقرار فني وتاريخيه في مرمى الأهلي ...
ولاكن النصر وأمام الهلال بالذات لايعترف بالظروف ولاغيرها
النصر أمام الهلال غيــر النصر أمام الفرق الأخرى بس نصيحه
[ ياليتكم تلعبون مبارياتكم الجايه بنصف مستوى الهلال ]
يكفي لقول أن تعادلكم مع الهلال يعد بطوله بالنسبه لكم أنكم وزعتوا مكافآت فوز
[ بس مع هالمستوى والفرحه هذي كله طلعتوا بس بالتعادل ]

* أحيــانا أحسد نفسي على هذا [ الهـــــلال ]
بسم الله عليهم من الحسد والله يبعد عنهم عيون الحساد

* بصراحه ليله كرويه جميله ولاكن لم يكمل جمالها بفوز الغالي

( أحداث اللقـــاء )

* بدأت المباراة بعنوان غير واضح أو بمعنى أصح بتحفظ من الفريقين
النصر أغلق المناطق الخلفيه ويلعب على مصيدة التسلل
سيطره هلاليه على معظم دقائق المباراة لكن دون خطوره نظرا لكثافة المدافعين النصراويين
* توالت الهجمات الهلاليه من دون أن تسفر عن أهداف
* وفي آخــر خمس دقائق من الشوط الأول بدأ النصر بالهجوم ولكن أيضا دون أهداف
* إنتهى الشوط الأول بالتعادل السلبي
* يبدأ الشوط الثاني مع غلطه من [ المفرج ] يهديها هديه [ للعلياني ]
ويتقدم بها ويراوغ أكثر من لاعب هلالي لتنهي بالشباك الهلاليه هدفا نصراويا أولا
بعد هذا الهدف إنتفض الهلال وبدأت الهجمات المركزه والخطره
* وفي الدقيقه 12 يتسلم [ الشلهوب ] كره من ناحية اليسار ويحولها عرضيه [ لجلسيون ]
ويودعها برأسه للشباك النصراويه هدف تعادل هلالي
وبعد الهدف الهلالي إرتفع مستوى المباراة
* ووسط كثافه نصراويه دفاعيه يحاول الهلال التسديد من خارج منطقة الجزاء
تأتي الهجمات الهلاليه لاكن [شريفي ] ردها ببراعه وأبعدها عن مرماه
*ومع هذه الهجمات القويه من الجانب الهلال التي كان آخرها كره خطره [ للجمعان ]
تستقر بين يدي [ شريفي ] ينهي الحكم اللقاء بتعادل إيجابي لكل من الفريقين

( نقـــاط من المبـــاراة )

* مهما قلت عن جمهور الزعيم من وصف فلن أوفيه حقه فهو رائع بكل ماتعنيه هذه الكلمه
* ماراح أتكلم عن [ باكيتا ] كل ماجيت أبي أعلق على تغيراته مأقدر ... مأدري ليه ؟؟!!
* يقولون قبل المباراة أنها عاديه والإستعداد لها مثلها مثل أي مباراة بالدوري ..
وبعد اللقاء تعــم الفرحه أرجاء الملعب لتصل لغرفة الملابس وتنهال المكافآت من كل حدب وصوب
وهم طالعين بالتعادل .. [ ويقولون مباراة عاديه ]
* يمسك الهلال زمام الأمور من أول دقيقه إلى أخرها
مع بعض الهجيمات النصراويه [ حتى لانبخسه حقه ] ثم يأتي بعد هذا كله ليخرج طفل
[ ماطلع من البيضه ] ويقول الهلال نازل للملعب خايف النصر وزيادة [ الطين بله ] يرجع ويقول
أن النصر عنده رهبه من الهلال أقول [ يازينك ســـاكت ]
* يقولون فيه بلنتي للنصر [ لمسة الكتف اللي على تفاريس ]
أنا صراحه مأبي أصدق أنهم يقصدون هذي مأبي أضحك عليهم
بس راح أضطر أنزل لمستوى عقولهم وأسألهم سؤال على قدهم ويــن عيونكم عن بلنتي الهلال
[ لمسة يد من أحد لاعبيكم ؟؟!! ] المشكله فرق بين الثنتين
بس نسمح لكم ياسيدي ولاتزعلون ترا فيه بلنتي لكم مإنحسب
وطرد لاعب من الهلال بس الحكم ؟؟!! ضدكم
* أعجبتني ربكة دفاع النصر بعد دخول سامي مباشرة
* بقي أن أشيد بحكم اللقاء [ عبدالرحمن العمري ] مثل مانتسابق على ذكر أخطائهم
لازم نعطيهم حقهم ... صحيح كان بخيل بالبطاقات بس صراحه حكامنا بدؤا من جديد ..

( رأيي بيــــــــاسر )

أول شئ مبروك علينا ياسر بمناسبة توقيعه النهائي للهلال
وثاني شئ نحن ننتظر منك المزيد بالقادم ... أنا شخصيا راح أصبر عليك ولما أحس أنك أخذت فرصتك الكامله ساعتها بقول رأيي وكل ثقه بأن يقدم القنـــاص مانتمناه كجمهور هلالي ..

( أقوال أعجبتنـــــي )

* تبغونها إنتصارات فكيــف معها ستفرحون إجعلوها ( شوق ) لن يطول فهي كبوة بسيطه ...
لاتهز جبلا إعتاد على الصعاب .. ( أحد الأخوه من شبكة الزعيم )
* لايمكن الوقوف أمام الأزرق إلا بالطرق الملتويه ..
الكتابه عن الهلال تكفيني لأن الرياضه في الأصل هي الهلال فالأحداث الرياضيه تخلو من الإثاره
مالم يكون الهلال طرفا فيها ..
* من يحب الهلال يتحدث عنه ومن يكرهه أيضا يتحدث عنه ( الكاتب الكبيــر صالح السلمان )
* مع الهلال مايحتاج تنسجم لأن فيه فرقه تجبرك على الإنسجام وبعدين لاعبين الوسط مإنسجموا مع الهجوم
* اللاعب الأجنبي المفروض من أول مباراة يبين ويثبت جدارته ( من الأقوال المأثوره للكابتن ماجد عبدالله )
* أحمد الله أنني ألعب بجانب سامي ( الكابتن ياسر القحطاني )

( شئ عجيـــب )

* مسألة سفر أسامه المولد مع ناديه لسببين لاثالث لهما ....
إما للعناد والمكابـــره
أو محاولة لرفع الإيقاف
* كيف سيكون حالهم بعد أن إعترف مدير الكره لديهم بأن الإتحاد السعودي وفر لهم اللازم من تأجيل مباريات وغيره أما زالوا يصرون على رأيهم بأنهم النادي المظلوم ؟؟!!

( قفلـــــــــــه )
الهـــــــــــــــلال معاناة لمن لايعشــقه



تحياتي ...
أثير 2006