#1  
قديم 03/12/2005, 03:20 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
الهلال× النصر [ مشاهدات من أرض الملعب + تحليل + ومن الحين ترى مافيه صور ]

السلام عليكم ورحمه الله وبركاته
====================
<------ يكتب لكم وفيه أثار أصابه
====================

مساكم الله بالخير والسرور , كيف أنتم , بالله لكم خلق دوام لبكره : , يالله لازم نجد ونجتهد ومن جد وجد ومن حصل أجتهد ;) <<لعبّ بحسبه أمل المثل

-------------------------- << يمديكم على الخط الفاصل اليدوي

معليش على التعادل , قسم بالله طقتني البتسوه وأنا خارج من الملعلب (( يبوي أرس على بر , "خارج" و"بتسوه " ماتجي مع بعض )) ياعيال قسم الله شعور جاني على طول ان التعادل هزيمه لنا , وحتى كل الجمهور الهلالي , حتى شف ألمواضيع , قسم بالله تقول أن الهلال أنصك بخمسه ثالثه (( ماجاء الا النصر يبي يصك خمسه )) ومايدري ألأا والهلال متعادل .
- وفي الجانب الآخر منتديات النصر مليانه مواضيع "مدرب داهيه" " كسبنا لاعب ناشئ جديد " << يقصدون الجنوبي : واللي يقول أدخل وبارك للنصر << جبتها من عندي ذي - معكم أن الهلال زفت اليوم, لكن مالبيد حيله

============================
قمت أدهن رجليني بفكس :sad:
===========================

المهم , دخلت الملعب المغرب , صليت عند الزرع ودخلت الملعب , وجلست بالمدرجات << قل قسم
المهم يوم جلست والملعب كل جمهور هلااااالي الا اثنين عمال بلديه , وبالاخير طلعوا نصراويه وفرحانين بالطواقي الصفراء حقتهم اللي موزعينها , المهم جلست أنا واللي معي , وأسمع صوت غبي شوي تسنه قلابيّ يمسح القزّازه بالمساحات ولافيه مويه : , صوت يقول قررررررررررر زي كذا : , أنا قلت للي جمبي ياولد ترى فيه حمامات (( وأنتم بكرامه )) , قال لا والله مالي شغل ::p : , يمين يسار طلع هذا صوت رابطه مشجعي النصر + الاتحاد , والله ياهي حامت تسبدي , صوتهم خياس وتشجعيهم مخيس قلت ياملحك بس ياجوروج وسّوف << طر عن مخي أنت وذبتك اللي تذكرني بوجه محمد شريفي لاصار طايح بالارض يمثل
- المهم يوم ذاك الوقت , وريحه لعيّبه الهلال تبي تدخل , والناس تصافق وتطامر وخذ لك تشيجع , والناس سامي سامي سامي ويجي سامي للجمهور عطانا بوسه وقال أنتم بقلبي , أنا لحظتها ختنقنتي العبره << وش عنده مسسلسل عيال بخش
- وفيه واحد نصراوي ابلشنا , كل شوي جاي ياخذ الكوره من عنده ملعب الهلال مدري وش قصته
-بدأت المباراه (( تلاحظون أني سحبت على التسخين وأختصرت ساعه ونص بجمله )) , دخل اللاعبين , : , واللي قام يوزع أوراق رول جزاه الله خير واللي يصفق واللي واللي .... , كل الناس مشعلله : , دخل لاعبين الهلال ومعهم لوحه مدري وش فيها , كل شوي أقول أغديهم يقربون , مااش محد حولك , كأنها مكتوب فيها "ضاعت فلوسك يابلوي " << يسمع بألاثاره الصحفيه
- بدأت المباراه , ووشكل ياسر الياس ما أعجبني , كذا من مشيته قلت ربك أستر ::sad:
======================
<< مازلت أدهن رجليني بالفكس
======================
- النصر بدأ يلعب , ويضغط , وحاول يسجل وكاد أن يسجل , والهلال يباغته .
- ياسر القحطاني وقّع تحت فكّي محسن وكولمان , وياسر الياس لاشفته أقول الله يذكرك بالخير يالنزهان
- أنتهى الشوط الاول ولن أتحدث عن الهجمات .
-الشوط الثاني بدأ بهدف نصراوي بغلطه فاااااااااااااااااااااااااادحه من المفرج !
- صّب أغلب الهلالين جامّ غضبهم على المفرج , صحيح المفرج أخطأ , وأخطائه فادحه ! تصيبك بمقتل ! لكن ماالحل ؟ لا أتوقع أن الهليل أفضل منه , وخليل لاعب كبير بالعمر , فأتاحه الفرصه للمفرج أفضل , وماجد المرشدي لم يٌختبر جيدًاَ , إذاَ المفرج أفضل الموجودين , ويحتم علينا كهلاليين أن نساند كل ماهو هلالي , يعني أنا معكم المفرج خطر على الهلال , لكن مالبيد حيله! نرفع معنوياته أفضل من : مستوى جيد يشوبه أخطاء فادحه + روح انهزاميه لكثره نقد الجمهور له , علاوةّ على ذلك , لايوجد مدافعين محليين , يملأون الخانه بأقتدار , أجل تكر أساسي بالمنتخب !
- الهلال دايم ياكلها من الفرق اللي تقفل , لاقفل الفريق الثاني , الهلال يدوخ , شف الوحده , شف النصر , لازم نشوف حل , أتوقع والعلم عند الله , لو يكون ظهير أيمن أفضل من الياس ومتقدر هجومياً لكان أفضل , كي يساند الفريق من ناحيه الهجوم , ولو كان الجمعان من البدايه أساسي ’ أكيد يبي يلعب لعبته ;)
, ويفكك الدفاعات بتسديدات خارج منطقه الجزاء , حتى أنه الضعيّف أول ماتجيه الكوره , ودّه يشوت بس ماش , لكن لمّا الفريق الثاني يهاجم الهلال ويتخلى عن الجبن والرهبه لمجرد لقاء الهلال , ياكلها أكل , وأقربهم الأهلي , والأتحاد بأذن الله بالطريق ;)
- شي شفتوه وشي ماشفتوه ;)


إقتباس
============================
قمت أدهن رجليني بفكس :sad:
===========================

-تدرون ليش قاعد أدهن رجليني فكس , بلاكم والله ماجاكم اللي جاني , يمين بالله خمسه كيلو راحت من شحمي , ورجليني جاها تمزق عضلات وشد عضلي وطحال البنكرياس وكل شي , تدرون من وشو ؟
- كل ماجت هجمه للهلال قاموا لازم أقوم معهم عشان أشوف , بعدين يجلسووون , بعدها بنص دقيقه يقومون , يحوووووووووول لازم اقوم , قيام جلوس جلوس قيام , لاهم اللي رسوا على جلوس , ولا رسوا على قيام , قايم جالس , وأغلب لاشوط ألأاول ماشفته ولا أدري أصلاً من كان يلعب , مار أزعل وأقعد واحلف إني ماقوم , وأكلت هوى أنا ووجهي ولاشفت الشوط الاول << لاعاد تحلف على عمرك

إقتباس
- ====================
<------ يكتب لكم وفيه أثار أصابه
====================

تدرون وش ذا ألاصابه , طالع أنا ووجهي ومعي أثنين , كل واحد تهاوش مع الثاني , هذا يقول لو المدرب مدخل سامي من الشوط الاول أصرف , والثاني يقول اخ ياجمعان , والثالث يقول ياعمي طير انت وياااه , لو أنه مدخل الغنام و و و .. في ذا اللحظه صار شي غلط , وشو ياربيه ؟ , من زود الحماس كنا نتكلم وكنت ملاحظ أن الجمهور فاقع ورى وهاج من شي مدري وشو , وأنا ووجهي للحين ماسكه معي سامي لازم يدخل من بدايه المباراه , مادريت ألا أنا وأخوياي بمكان فاضي :p , حتى أخوياي فطنوا للعبه وهجوا : , مادريت الا بحصاه بعرقوبي خلتني أصرخ وأقول ماجد عبدالله أحسن من سامي << لاتلومني كنت في هاللحظه فاقد الذاكره قليلاً من أثار الصدمه , أثري أنا ووجهي بين جمهور الهلال والنصر , وكل واحد يرجم الثاني , وأنا ووجهي لحالي بالنص :ignor: , أناظر جمهور الهلال يرجموني , والنصر يرجموني , لحظتها بغيت أشجع الشباب حياداً , وأكلها عرقوبي الضعيّف وبس .

عندي كلام واجد , بس قضت علبه الفقس بررب أبشتري وحده
اضافة رد مع اقتباس
  #2  
قديم 03/12/2005, 03:28 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
اجل قيام جلوس هههههههههههههههههههههه

والف سلامه على خروجك من المعركة سالما معافى ...

مشكور على الموضوع اللي وسع صدري هالعصرية ..
اضافة رد مع اقتباس
  #3  
قديم 03/12/2005, 03:41 PM
موقوف
تاريخ التسجيل: 19/04/2005
مشاركات: 2,521
سلامت رجلينك بس
اضافة رد مع اقتباس
  #4  
قديم 03/12/2005, 03:57 PM
زعيــم نشيــط
تاريخ التسجيل: 04/09/2005
مشاركات: 800
اهلين اخوي مشكوور على الموضوع والحمد لله على السلامه وبغا يجينا اللي جاك بس ستر ربي على ..

وبالنسبه للياسر الياس اشووف انه لاعب صح امس....
اضافة رد مع اقتباس
  #5  
قديم 03/12/2005, 04:18 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة المشذاب
اجل قيام جلوس هههههههههههههههههههههه

والف سلامه على خروجك من المعركة سالما معافى ...

مشكور على الموضوع ال

) ي وسع صدري هالعصرية ..

من جد , والله يسلمك , مرورك أسعدني يارجل ;
اضافة رد مع اقتباس
  #6  
قديم 03/12/2005, 04:19 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة اسد بحريني
سلامت رجلينك بس

عساك سالم ,’ قسم بالله تقول يكرفوني بالوادي ولا أقعد مثل أمس أقوم وأقعد
اضافة رد مع اقتباس
  #7  
قديم 03/12/2005, 04:20 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة الياس وبس
اهلين اخوي مشكوور على الموضوع والحمد لله على السلامه وبغا يجينا اللي جاك بس ستر ربي على ..

وبالنسبه للياسر الياس اشووف انه لاعب صح امس....


أحمد ربك أجل السعيد من وٌعظ بغيره والتعيس من وُعظ به . أثري تعيس أنا ووجهي , بس ياسر الياس لاتعليق
.
اضافة رد مع اقتباس
  #8  
قديم 03/12/2005, 04:31 PM
زعيــم مميــز
تاريخ التسجيل: 06/01/2005
المكان: في كـل مكــان ..!!
مشاركات: 6,124
ماتشوف شــر ..

اجل بغيت تشجع الشبــاب .. هههههههههههه

تسلمـ يمينكـ ;)
اضافة رد مع اقتباس
  #9  
قديم 03/12/2005, 04:35 PM
زعيــم متألــق
تاريخ التسجيل: 10/03/2005
مشاركات: 1,368
مبدع



يعطيك العافية
اضافة رد مع اقتباس
  #10  
قديم 03/12/2005, 04:43 PM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
والله دمك...شربااااااااااااااااات

حلوة (( ماجد احسن من سامي )) ههههههه

بالنسبة للمفرج انا معك فيها 100%

ولا تنسون انه المفرج قدم مستوى اكثر من رائع العام الماضي

وان شاء الله فهد يراجع حساباته و يركز اكثر

انا ما اٌول جاملوه........لان الهلال فوق كل شي

لكن ما لنا مصلحة في الهجوم عليه

وانا من ناحيتي.......اشوف فهد محل ثقة كل الهلاليين

لكن بعض المحسوبين علينا يحبون يهاجمون نجومنا

مع انها لا تفيد.........بل تخرب اكثر
اضافة رد مع اقتباس
  #11  
قديم 03/12/2005, 05:04 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة ساميو حضر
ماتشوف شــر ..

اجل بغيت تشجع الشبــاب .. هههههههههههه

تسلمـ يمينكـ ;)

تحت الضغوطات طبعاً مع سبق الاصرار والترصد

حياك ربي , والشر مايجيك وأنا أخوك ;)
اضافة رد مع اقتباس
  #12  
قديم 03/12/2005, 05:05 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة زمن الزعيم
مبدع



يعطيك العافية

حياك ربي , شرفتني بمرورك
اضافة رد مع اقتباس
  #13  
قديم 03/12/2005, 05:08 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة عطــر الأمــاكن
والله دمك...شربااااااااااااااااات

حلوة (( ماجد احسن من سامي )) ههههههه

بالنسبة للمفرج انا معك فيها 100%

ولا تنسون انه المفرج قدم مستوى اكثر من رائع العام الماضي

وان شاء الله فهد يراجع حساباته و يركز اكثر

انا ما اٌول جاملوه........لان الهلال فوق كل شي

لكن ما لنا مصلحة في الهجوم عليه

وانا من ناحيتي.......اشوف فهد محل ثقة كل الهلاليين

لكن بعض المحسوبين علينا يحبون يهاجمون نجومنا

مع انها لا تفيد.........بل تخرب اكثر

عين العقل في عندما قُلت
"انا ما اٌول جاملوه........لان الهلال فوق كل شي

لكن ما لنا مصلحة في الهجوم عليه"

رد منطقي وبأذن الله المفرج سيعود كبيراً , والشاطر اللي يتعلم من الماضي وقدها وقدود أبو عبد العزيز , شاكر لك مرورك يالغالي
اضافة رد مع اقتباس
  #14  
قديم 03/12/2005, 06:04 PM
زعيــم مميــز
تاريخ التسجيل: 06/10/2005
المكان: الريـــاض
مشاركات: 2,464
هههههههههههههههههههه
خخخخخخخخخخخخخخخخخ
كركركركركركركركركركر

حلوه منك يابطل وكل هذا انت كاتبه

الله يعينك والله انك مخلص لناديك000000
اضافة رد مع اقتباس
  #15  
قديم 03/12/2005, 09:21 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
إقتباس
الرسالة الأصلية كتبت بواسطة بجاد الحربي
هههههههههههههههههههه
خخخخخخخخخخخخخخخخخ
كركركركركركركركركركر

حلوه منك يابطل وكل هذا انت كاتبه

الله يعينك والله انك مخلص لناديك000000

مسوي تعرف تضحك بثلاث لغات , لووووووووووووووول << فاهم الحياه غلط حياك ربي أبوي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:42 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube