المعلق الحربي ماعجبكم في غيره 3 معلقين فيه اللي مادري وش يبي العدوان وفيه ابو محجز وفيه الأحمد كان قلبتو عليهن اما الحربي فتغنى بهدف الهلال كما النثر

المفرج البارح كان مرتبك أكثر من اللازم ..................

معليش انا احترم رد الكل خاصة موضوع بورفل لكن خلني اقولك شيء ؟؟!!!!

باكيتا لو تلف الارض كلها ما تلاقي احسن منه وانسب للهلال .. ومو ذنبه ان النصر كان مدافع بسته ما يتحركون او حتى سبعه .. ومبروك للنصر وحظ اوفر للهلال انشاء الله ويستاهل النصر التعادل خاصة على الهدف الحلو اللي ما ننكر انه حلو وانا كنت مع الجمهور الهلالي وانا هلالي صفقت له ..

لا اخفيكم ان البرازيليين يميلون الى بنو جلدتهم .. لكن افضل من اللي راحو كثير .. الحمدلله


وبالنسبه للدفاع ولا احلى 100% ولا احد يقدر ينكر لانه احسن دفاع في الموصم الماضي والموسم هذا انشاء الله بعد .. والمفرج غلط لكن تراه قدم مستوى جيد قطع واوقف هجمات وخلص كثر واول الدقايق كان بيسجل هدف لنا .. لكنها مرت من فوق العارضه..

المفرج الياس الغنام ............................... لا يستحقون ان يكونوا في الهلال ؟؟؟؟؟؟؟؟؟!!!!!!!!!!!!!!!!!!!!!!!!!!!
الاجانب بلا استثناء ,,,,,,,,,,,,,,,,,,,,,,,,,,,,, ؟؟؟؟؟؟؟؟؟!!!!!!!!!!!!!!!!!!!!!!!!! تفاريس افضل مدافع ولا عليه كلام وكماتشوا اللي عليه الكلام هو اللي جاب لنا كاسين بعد توفيق الله وتعاون الزملاء ....................... وخوينا جيلسون اصبروا عليه....



وياسر القحطاني يبغاله ينسجم اصبر عليه زيدان وروي كوستا ولاعبين كبار اول موسم ما سوو شيء فما بالك بياسر وهو الى الان مسجل اكثر من اربع اهداف في اقل من ستة مباريات لعبها مع الهلال وهو شيء اكثر من ممتاز ..



وبالنسبة لتعليقك على تغني المعلق فهو شيء من حقة وليس انت او انا من ننتقده او اي شخص واعذرني لاني لم اشاهدها في قناتك المحببه التي طالما طالبتم بمقاطعتها ..كنت في الملعب ..
والتغني من حقه !!!!!!!!


شكرا لموضوعك
اخوك نواف

أنا لا أوافقك الراي من ناحية الخثران فهو لا عب كبير

أما بالنسبه للمفرج أقول يجلس مع باكيتا شوي أحسن

والاجانب كلهم مميزون لكن يحتاااااج كماااتشو أنه يجلس كم مباااراة على دكة الاحتياااط


وبالنسبه للمعلق ترى هو قال قبل الأهدااف تجي أنه يبيقول شعر فلي يسجل الهدف الاول والحق يقاااااال

اتركو عنا التعصب الحربي قال نفس الكلام يوم جا التعادل

لا وشرايك سمو الامير ومعه باكيتا
وسامي والشلهوب
تيب انا بصفتي من اعضا شرف الهلال ههههههههههاي
وشرايك ماتدري الهلال من بكره ارووووح الحين احجز لباكيتا على البرازيل
وانت مرحبا بك ولاتنسى اللاعبين تراك طردتهم على فكره
جب معاك كم لاعب
وخلنا نشوف
يامستر كابيلوووووووووووووووووووو
ومشكووووووووووووووووووووررررر

الشباب ماقصروا امس حتى المفرج لولا غلطته الوحيده

كل الي ذكرتهم كانوا ممتازين واولهم الغنام والجمعان

عشان ماتحترق اعصابكم اكتمو الصوت لان المعلق تغنى في الهلال لكن زودها مع هدف النصر

الحمد لله والشكر

ياخوووي كان كتمت الصوت ولا ناظرت

محد طقك على يدك وقالك ناظر الـ Art

عندك اوربت وعندك السعوديه الرياضيه

وبعدين الحربي يوم سجل الهلال التعادل غنى

لكن نقطة الملاحظه الوحيده على الحربي انه يدق في ياسر القحطاني يوم قال العلياني لم تصرف عليه الملايين ولا يجلبوه بالملايين

وبالنسبه للنقطه الثانيه اللي كتبتها

2- هناك لاعبون لا يستحقون تمثيل ناد كالهلال ... الأجانب بلا استثناء ... والمفرج والياس والخثران والجمعان والغنام

وش بقيت الله يحيك؟؟

وش رايك نخليك انت تلعب بدالهم؟؟

انا اتفق معك بان المفرج هفواته تجي في مباريات النصر ودائما هفواته في هذي المباريات تسبب هدف علينا

ولكل مباراة ظروفها

وانتوا السبب في اللي صار للهلال

فاتحين مزاد على نتيجة المباراة وماقلتوا نبي الفوز قلتوا نبي نفووز بــ (( رقم خيالي ))

وكل مادخلت موضوع قريت فيه الهلال بيفوز بالنتيجه الفلانيه

تعاليتوا على رب العالمين وكأنكم تعلمون الغيب

اكثركم ما ربط الفوز بمشيئة الله

واللي يجي ويقول ماراح احضر اي مباراة بعد اليوم << شكلك اول مره تحضر ومتحسف على الـ 20 ريال

وياشباب اللي بيجي الملعب عشان يجلس يصارخ ويخرب على الجمهور لايجي

يا يشجع ويهتف مع الجماهير والا لا يجي

كل شوي واحد يصرخ مسوي خفيف دم لا انتوا اللي خليتوا الجمهور يرددون (( ياهلال )) زين ولا انتوا اللي شجعتوا زي الناس

كلام كثير ودي اقوله بس شكلي طولت <<< وش اللي شكلك الا طولت ونص

لانكبر الموضوع الهلال لم يظهر بمستواه وان شاء الله القادم احلى

ياشباب حنا لعبنا ضد فريق من 11 لاعب 10 دفاع وواحد حارس

ياشباب نبي النقد البناء ولايكون لاذع

تحياتي

يأخوان بلا سب وقلة حيا
والله ان في بعض الأعضاء يرفعون الضغط مليووون ولا ودك انهم يكونون هلاليين

وش قاعد تقول اللي صار خساره نقطتين

والفريق امس ماكان في يومه

اما المفرج انا معك اعطوا خليل او الهليل فرصه