نادي الهلال السعودي - شبكة الزعيم - الموقع الرسمي

.
.
.

.
.
.
السلام عليكم ورحمة الله وبركاته

ماادري اقول هاردلك على التعادل او الحمدلله على السلامة ونجينا اليوم

صراحة لاعبين الهلال اليوم ابد مو في الفورمة وانا كنت متاكد من كذا
بصراحة مبالغة كبيرة سارة قبل المباراة

نتيجة تاريخية
بنحوسهم حوس
بناكلهم....الخ

للاسف كل الكلام هذا من هلالين!!!!!!!!

ترى الدعوة كورة تعطيها تعطيك ولا ضف وجهك

المهم دخلوا الاعبين بكل ثقة((نعم الثقة مطلوبة بس مو الغطرسة)) وهم مصدقين المشكلة ان اغلبهم لعيبة خبرة
يعرفون ان مباراة الديربي دائمًا لاتعترف باي امور اخرى خارج الملعب اوداخله
صفر الحكم يعني الحين بدأت المباراة
لــــــــــــــــــكــــــــــــــــــن!!!!!
الحمد لله على كل حال
المهم انه درس لابد يستفيد منه الجميع

واهم شي انكشف في هذي المباراة
ان اغلب الجماهير الهلالية العزيزة ماعندها ثقافة ان الكورة فوز وخسارة او حتى تعادل
صحيح الامور كانت مهيئة للهلال اكثر من النصر
لكن ترى هم بعد يبون يفوزون حتى لو لعبو بدون حارس من قوة النقص
بعدين المفروض نقول الحمدلله ان الدرس ماكان قاسي اكثر من كذا
وان المباراة كانت مجرد مباراة في سلم الدوري
يعني تخيلو لو فاز الهلال.................
يمكن نكون في مباراة اخرى اكثر اهمية اكتشفنا عيب الثقة الزايدة والافراط في التفاؤل

لكن كل الي اقدر اقوله:
ترانى مقبلين على بطولة اسيوية .....نرجو من الله العلي القدير ان تكون من نصيب الزعيم
لازم نحاول نتجنب اكثر الاخطاء ((ولاحظو كتبت اكثر الاخطاء وماقلت كل الاخطاء لان البشر من طبعهم الخطأ))

في النهاية احب اشكر الجميع واتمنى اننا ما نبالغ في ردت فعلنا على هالنتيجة الي كنا نطمح لافضل منها لكن
ربك كريم في المباريات القادمة

ايضًا لانسى شكر نجم المباراة اليوم وبدون ادنى شك او منافسة
الجمهور الكبير الي حضر المباراة