المفرج أفضل لاعب في المباره بلا منازع - نادي الهلال السعودي - شبكة الزعيم

احساس خالد الزعيم · #1 02/12/2005, 11:44 PM

السلام عليكم ورحمة الله وبركاته ،،،، لكل الزعماء هادلك معليش كنا نتوقع انها تكون افضل ولكن بلشنا بمدربنا

باكيتا انا اللي ابي اعرفه ((( المفرج))) لمتى المدرب والجمهور صابر عليه يعلم الله ان كل نكبات الهلال منه لاعب بطئ

لاعب لايملك المهاره بس اقبع الكوره اذا جات على رجله وصدقوني اي لاعب يسحبه وعندي ثقه واتحدى وهو نقطة

ضعف الهلال قلت أكثر من مره يامدرب ياميرنا المحبوب ياجمهور نا ابعدوا المفرج وعطو فرصه للمرشدي والله مشروع

مدافع عالمي جسم ومهاره وقوه وتمرير ممتاز ولكن المفرج اعتقد اخذ اكبر من حجمه ولا عاد نبي مجاملات الهلال مقبل

على بطولة اسيا بنلعب مع فرق قويه مو النصر ولاعبه وليد العلياني ولا الوحده ولا الاهلي يعني المفرج لابد من ابعاده

وعطاء الفرصه للمرشدي او خليل والله انه اصرف ::::: وابعاد جليسون اللي مافي راسه كوره بس الكوره تمشى معه

مثل حمزه قول لاعب الاتهاد :::بالله ابي اسألكم في مدرب عنده سامي والجمعان ويعلب امام فريق ضعيف مع احترامي

لنصر بمهاجم واحد ولمن جاء الهدف يتأخر بالتغيير ولا يغير الا بعد فوات الأوان بصراحه تخبطات باكيتا كثيره

واقسم بالله ان الحظ ماشي مع المدرب :::::: معليش لايتخذوني احبتي الزعماء على العصبيه ولكن والله مانلام من القهر

يوم نشوف التخبطات قدامنا والكل مع شايف اذا انتقدنا قالوا مندسين واذا قلنا ملاحظه محدآ يخذها ::::::

وانا أبي اقول لكم شي اذا المفرج مدافعا لعب ببطوولة اسيآ اقول لكم يازعماء الله يرحمنا ويرحم مزنه لاتفكرون

ببطوله وحدكم العين لان المفرج هو صاحب نكبات الهلال من زمان ولكن الكل مو شايف اذكركم البيشي وش سوى فيه

والقهوجي وش سوى فيه وباقي الدور على سبيت خاطر ورفاقه وتذكرو كلامي بالله عندنا المرشدي لاعب عملاق

بلعبه والمفرج يعلب قمة الاستغراب لاعب بالعربي منتهي الصلاحيه حتى لو تنظر بجسمه وجريه تحس انه معاق

اكرر آسفى على بعض الكلمات ولكن من شاف المفرج مايلام.

اخوكم ::::احساس خالد الزعيم

جنون حب الزعيم · #2 02/12/2005, 11:59 PM

انا أول من يضم صوته معك ولا تلا حظ ايضا تفاريز جروه ولعبو به وهالسنة اتوقع انة مصارع مو لاعب

هلالية من زمن آخر · #3 03/12/2005, 12:01 AM

صح كلامك

بس تفاريس لا ...لاعب موهوب وصخر الزعيم ...يكفي انه مريح نفسيا للهلال ومحبته للجمهور والهلال ...

بس بصراحه باكيتا يجامل كماتشو بشكل غير طبيييييعي !!!!

الــhilalــوادي · #4 03/12/2005, 12:03 AM

حرام عليك...

نسيت ويش سوى في الموسم الماضي

احساس خالد الزعيم · #5 03/12/2005, 12:07 AM

بالله ابيك تقول لي وش سوى من عرفت المفرج وهو صاحب نكبات بدفاع الهلال والموسم الماضى ياحبيبي ياقلبي

الله يخلي له تفاريس يرقع له الكوره اللي تطلع من تحت رجوله وبعيد وماشفت العليان وش سوى فيه لاعب الحواري

ياشيخ فوق من نومك ((( المفرج))) لاعب يعلب بالواسطه مثل المسعري اللي نشبلنا سنين بالقوه فاتكينا منه والدور

المفرج

G A T T U S O · #6 03/12/2005, 12:09 AM

اي والله صدقت كماتشو اليوم فاشل والمفروض يتغير ماسوى شي حتى الفاولات في السماء
لقحت معه قدام الاتهاد والشباب قالو يشوت ويرسم رسم الافاشل ومغرور والهجمه ماتنقطع الاعنده

الشمس الزرقاء · #7 03/12/2005, 12:21 AM

كلامك سليم الى متى ؟؟؟؟؟؟؟؟؟؟

آآآآآه بس والله انك قاهرني يالمفرج

اسير هلابولي · #8 03/12/2005, 12:31 AM

ياااشباب المفرج خلاص انتهىى اقول لكم من يوم اشووفه يركض اقول هذ1 بيطيح على خشمه شووفو ركضته تعرفو شلون يلعب بصراحه المفرج مكبة الهلال خلاص لا تجاملوون دفاع ماعندنا احد تفاريس هو الي شايل الهلال ودفاعه لو استمر المفرج اقسسسم بالله الاهداف بالهبل

هذا العلياني وشوفو وش سوى وش بيصير بكره اذا لعبنا مع الاتحاد كالون وجوب وامين واذا لعبنا مع العين خلاص المفرج لاعب ثقيل وموره على رجله اليمين مايشوت باااامجلي هو المفرج نكب الهلال ماقصر لكن نكبنا

والله وانا في المدرجات من الفهر نفسي انط على المدرب واقول غيره ولا طلعه ولا تحط بداله احد وجوده مثل عدمه

الــــــوافـي · #9 03/12/2005, 12:35 AM

لي سنة وانا اطالب بابعاده

وعلى فكرة تفاريس الموسم الماضي وهو يصحح اخطاءه لكن ما عاد نفع

والله احمد خليل اطلق منة مية وعشرين مرة

هلالي مغرور · #10 03/12/2005, 12:42 AM

وصوتي مع صوتكم المفرج لايصلح للهلال

هلالوبي 10 · #11 03/12/2005, 01:05 AM

بصراحة لقد مللت من المفرج وعن التحدث عنه وباختصار أقول لكم ( أن فاقد الشي لا يعطيه )

احساس خالد الزعيم · #12 03/12/2005, 01:08 AM

تسلمون يازعماء على المرور واتمنى الكل يضم صوته لي بأبعاد المفرج احنا مقبلين على بطوله اسياء ولابد من اجاد

لاعب بديل للمفرج بأسرع وقت كي يأخذ الانسجام وافضل المرشدي لانه لاعب صغير ويملك المهاره والقوه الجسميه

هلالي جدهـ · #13 03/12/2005, 02:55 AM

ياااااااااهوه ما نبي المفرج هذولي ما يفهمون اللاعب يطلع الكوره بـأحترافيه وهذا وقصمن ما غير يفشق كرعانه خلاص ما عاد اسميه الا ابو تفشيقه...

ياخي بعد تفاريس موب بمستواه الي عرفنه العـام ياخي صار ترافيس موب تفاريس والله قهررر00..

ياخي عندك المرشدي والله لاعب شوف وشلون يطلع الكوره بـأحترافيه ياخي هاللاعب والله له مستقبل ويحتاجه الفريق واتمنى من الأداره التدخل والله طفح الكيل عندناا0...

لكم تحيـآتي ،،،

tsunami · #14 03/12/2005, 03:08 AM

نكب الموسم الماضي مرة وهذا الموسم مرة

ونسيتوا ماقدمه خلال الموسمين من مستويات يكون فيها الأفضل بين اللاعبين

على العموم تكر مافي أكثر من نكباته

والمنتشري نكب نكبة العمر ضد الشباب في نهائي الملك ولا قالوا شيلوه

أنا السعودي · #15 03/12/2005, 03:10 AM

حقيقة المفرج أحسن من النكبة أحمد خليل