.. في رأيك ’’ ماهو سبب خسارة نادي الهلال ,, أقصد التعادل .. ( شاركنا برأيك ) - نادي الهلال السعودي - شبكة الزعيم

Mr.Hilaly · #1 02/12/2005, 11:26 PM

بسم الله الرحمن الرحيم

الموضوع باين من عنوانه

انا برأيي :

أقول الهلال كان بكامل جاهزيته و لكن تقصير أداء اللاعبين نسبيا في الشوط الأول خصوصا و التنظيم النصراوي الجيد كان سبب في الخسارة

و إنت وش رايك ؟؟

مستر هلالي

BuManar · #2 02/12/2005, 11:51 PM

دلاخة باكيتا

شــاهــيــن · #3 03/12/2005, 01:05 AM

إقتباس

الرسالة الأصلية كتبت بواسطة BuManar


	دلاخة باكيتا

بصراحة باكيتا داج وجيب أي واحد من الشارع وعطه نجوم الهلال وشوف شنو النتيجة قدام النصر ..

بعدين يا إخوان لو لعب النصر على قولتكم 11 دفاع حنا بكم لعبنا هجوم ؟؟؟؟

ليش حاط باكيتا (إذا كلامكم صحيح ) قلبين دفاع واثنين أظهرة وخمسة وسط ومهاجم يدربي راسه بين كل هالدفاع؟؟؟؟

شتبون ياسر يسوي ؟؟؟

بعدين متى بدى بتغييراته الذكي (أي هين ) باكيتا؟؟؟

يعني كان راضي باللي يصير أنا كنت متوقع يغير بين الشوطين أو بعد بداية الشوط الثاني بعشر دقايق كحد أقصى لكنه متكي وأهم شي عنده مايطلع خسران ...

إذا الدعوة كذا ياعالم خلوة يخسر بس يلعب كورة زي الأوادم نبي نشوف فريق يهجم ويضيع ويسجل مو مهم المهم يمتعنا

يعني نفتخر في لعبنا حتى لو خسرنا مو فايزين بسماجة وبرود باكيتا ...

بالله شوفوا هجوم الوحدة كم سجل وهجوم القادسية وهجوم الإتحاد ...

البعض يقول ياخي شف دفاعنا كم دخل فيه يعني إن لعبنا متزن

حنا نبي كورة زي الناس نبي إبداع مو سماجة من شان ثلاث نقاط وفرق هدف..

الموسم الماضي قعدنا نحسب فرق الأهداف بينا وبين الشباب وكم يبي لنا من شان نصير المركز الأول وطلع الشباب وصرنا الثاني وفزنا بشوتين !!!!

تذكروا النهائي المثير والحماسي اللي جمعنا بالشباب وقذيفة سامي ياعالم ....

G A T T U S O · #4 02/12/2005, 11:53 PM

السبب داخلين الملعب و هم ضامنين الفوز وعدم الحماس الافي العشر الدقائق الاخيرة

على العموم حظ اوفر في اللقاءات القادمة

نبض الحرف · #5 03/12/2005, 12:07 AM

صدقوني الانتقاد الصحيح هو الطريق المؤدي إلى سد الثغرات في فريقنا ، ياأخوان هل الدعيع الآن مثل قبل ثلاث سنوات ، وانظروا ماشاء الله لتفاريس ماشاءالله ثبات وثقل ، وأيضاً المفرج لايلام لأنه أراد تشتيت الكره ولكن جلا على العموم راح نستفيد من أخطاءنا والحمدلله قدر الله وماشاء فعل وهذا حال مبارياتنا مع النصر هجوم هلالي وانكماش نصراوي وأتحدى أحد يجيب لي مباراة صار فيها الهلال متقوقع في الدفاع والنصر يضغط عليه أتحدى .

ابوراشد الهلالي · #6 03/12/2005, 12:24 AM

11 واحد دفاع
عادي نطلع بتعادل

عبــــادي · #7 03/12/2005, 12:29 AM

إقتباس

الرسالة الأصلية كتبت بواسطة ابوراشد الهلالي


	11 واحد دفاع عادي نطلع بتعادل

كلامك صحيح ....

عادة النصر ... مايجتهد الا قدامنا وباقي المباريات خساير وفضايح....

النصراويين لعبوا بحماس وتركيز شديد... واعتقد انها أفضل مباراة لهم من سنين....

فقط تابعوا المباراة القادمة النصر وشوفوا مستواهم السيء ....

**العتيبي** · #8 03/12/2005, 01:14 AM

المدرب باكيتا رافعٍ ظغطي لأنه ماطلع جيلسون على حساب انه برازيلي , والمفروض أن سامي لاعب من بداية المباراة بدلاٌ عن جيلسون اللي مابراسه كورة وأيضاٌ العصفور بدلاُ عن الياس , ويلعب بخطة 4-4-2 .
وأيضاُ لاتنسوا أن فريق الفقر دينه ودين انه ينهزم من الهلال لانه يعتبرها فقدانا لبطوله تقام في السنه مرتين وهو طرف ثابت في النهائي .

هلالي والفن في علالي · #9 03/12/2005, 12:40 AM

النقل البطي للكره وعدم الاستفاده من الهجمه المرتده

يمشون حبه حبه

الافضل · #10 03/12/2005, 12:45 AM

الثقه اللي اصابت لاعبين الهلال والكل متوقع هذا الشي

ولا يوجد بديل للهلال مع احترام للي يقول سامي ولا الجمعان

سامي هذي اول مباراة يلعبها في هذا الموسم يعني صعبه يلعب من بداية المباراة والجمعان كذلك نفس

المشكلة

السوال

وين التمياط والعنبر وعزيز والصويلح