عظم الله اجركم ياهلاليين - نادي الهلال السعودي - شبكة الزعيم

هلالي مهد الذهب · #1 02/12/2005, 11:09 PM

السلام عليكم ورحمة الله وبركاته

كيفكم يازعماااء بصراحه اليوم حبيت اعزيكم في النتيجه لانها بصراحه

تعتبر هزيمه للهلال بتقولون لي ليش اقولكم لان الهلال يلعب بجميع عناصره

بس خساره مستوى الهلال اليوم ماعندك احد وما لعب من الهلال اليوم الا الخثران

وجيلسون والجمعان في كذا كوره والشلهوب في بعض اللمسات اما الباقين لو يروحون

ينامون افضل لهم وخاصة الغنام والمفرج والله والله واقولها وانا مقهور لو يسرحونهم

افضل وبصراحه افتقدنا لخالد عزيز خاصة في مباراة اليوم لان النصر الحالمي اعتمد على المرتدات

ولوكان عزيز موجود لقطع كل الامدادات مو الغنام اللي مدري وين ربي موديه والا المفرج اللي يقول

لوليد العلياني تفضل سجل

وزاداها الحكم اليوم بتغاضيه عن ضربة جزاء واضحه للهلال

بصراحه الهلال لديه مشاركات مهمه جدااا محليه وقاريه اتمنى من الهلاليين تلافي الاخطاء واللي اولها

احضار مدافع اخر بديل للمفرج واعارة الغنام لأي نادي اخر واحضار ظهير ايمن مكان الياس اللي بصراحه

اثبتت مباراة اليوم انها اكبر من مستواه

ويبدو ان الغرور اصاب ياسر بعد مباراة الاهلي

لانه اليوم ماسوى شي

ارجو من الاداراه الهلاليه والجهاز الفني البحث عن اسباب التعادل

اللي بمثابة الخساره واللي انا اتوقعه واضح واللي هو في المفرج والغنام كسبب رئيسي ثم بقية اللاعبين

كسبب تدريجي ........

اخيراا ............ بصراحه اعجبني الجمهور الهلالي اليوم ياعمري يالجمهور ماقصرتوا والله يالزعماء

لبيتوا النداء وكفيتوا ووفيتوا بس اللاعبيه خذلونا اليوم ولابد يحاسبون على المستوى السيء

الألـمـعـي · #2 02/12/2005, 11:33 PM

خالد عزيز له مكانه بالهلال والمنتخب .............لاعب ا يستغنى عنه نهائيا

قوي العــهــد · #3 02/12/2005, 11:37 PM

اسمحلي اخوي انت منفعل شوي صح انهم مالعبو زين اليوم كلهم لاكن ذولا لاعبيننا الاان كنت بتجيب لاعبين من زحل فالله يوفقك..........ون كنت تبي تنتقد الاعبين لصالح الهلال فحسن اسلوبك شوي .....تحيايي

هلاليه لاخر قطره · #4 02/12/2005, 11:37 PM

ايه خيرها بغيرها

علولا · #5 02/12/2005, 11:47 PM

والله عظم الله اجركم انتم لاعبو فيكم النصر وكلهم بزارين وانتم دوليين وبطلعة الروح تعادلتوا.ولا بعد فية ضربة جزااااء واضحة للنصر ما احتسب يا خنيث

الساهر99 · #6 02/12/2005, 11:47 PM

الله يعطيك العافية

فعلا المفرج والغنام كانوا سيئين وخصوصا الغنام

وكلها مباراة وعدت قدامنا الشباب والاتحاد في جدة

هلالي مهد الذهب · #7 02/12/2005, 11:48 PM

نواف المع

تسلم اخوي على المرور والتعليق وفعلا افتقدناا لخالد عزيز

قوي العهد

يبدو ان المنفعل انت وليس انا انا قلت وجهة نظري وهي ان اللاعبين اليوم ماهم في

مستواهم ابد لاكن المفرج والغنام اسمحلي ماينفعون الهلال ابد

هلاليه لاخر قطره

تسلمين اختي على مرورك وتعليقك

هلالي مهد الذهب · #8 02/12/2005, 11:51 PM

علولا

الحمدلله والشكر وانا اترفع عن الرد عليك

الساهر 99

تسلم اخوي على مرورك وتعليقك وان شالله الست النقاط القادمه وادعوا معي

نــ الهلالي ــواف · #9 02/12/2005, 11:53 PM

نحترم وجهة نظرك عزيزي
لكن الحمدالله على كل حال المفروض تلافي الأخطاء هذي في المباريات القادمة

Hillal Lover 4 Ever · #10 02/12/2005, 11:53 PM

انت لك ساعه تقول اليوم اليوم .. قلتها بنفسك اليوم .. يعني انت معصب الله يجزاك خير ومتنرفز

النصر كم فرصة جته فرصه بالعارضه وفرصه هدف

تبي تسريح للاعبين عشان مباراة وحده ؟؟

تعوذ من ابليس وانا اخوك

Edward Klein · #11 02/12/2005, 11:53 PM

بالتوفيق للزعيم في المباريات الجاية ...

مرتـــــــــــــــاح · #12 02/12/2005, 11:54 PM

كبوة جــواد إن شاء الله

مانلوم اللاعبين اليوم لاعبين قدام فريق كله مدافعين

إن شاء الله المستوى يتطور ويرجع الفن الهلالي

صــمـــت الــنـــار · #13 03/12/2005, 12:00 AM

صح لسانك

أبو شمس · #14 03/12/2005, 12:01 AM

حنا لو الله يفكنا من هالكماتشو ولا جيلسون ما قصر متحمس وأزين ألف مره من النيبالي ذا .. وآآآه لو الجمعان داخل مبكر كان علوم ..

سام15 · #15 03/12/2005, 12:02 AM

ما عليش شباب يوم كذا ويوم اخر احسن باذن الله

وبعدين النصر مدافع اليوم بثمانيه لاعبين حتى الحقباني ما طلع الا في هجمه واحده

والثقه هي السبب في التفريط بالثلاث النقاط
وهادلك مجددا