بسم الله الرحمن الرحيم

مساكم الله بالخير ياجماعه واحب اخش بالموضوع على طول

لاحظت ان اكثر الجماهير ضامنه الفوز على النصر

لا وبعضهم ضامنها تاريخيه !!!!

وزي ما انتم عارفين ترا المباراة هذي ديربي ومعروف ان الديربي دائما غير

يعني المباراة ما تعتمد على ان الفريق الفلاني ناقص او انه يمر بأزمه لانها مباراة جماهيريه وتجمع بين الجارين العدوين

لذلك شاهدنا الكثير من مباريات الديربي يكون فيها احد الفرق يعاني قبل المباراه ومع ذلك يفوز في الديربي

عموما اتمنا من الاعضاء انهم مايضمنون الفوز اتمنا منهم التفائل فقط

ولنا في مباراه البحرين الاخيره عبره وشفنا كيف لعيبة وجمهور البحرين كانوا ضامنين الفوز ومع كذا خسروا

وعلى فكره ترا احنا كذا اذا ضمنا الفوز راح نأثر على نفسات اللاعبين وراح نحملهم ضغط كبير

وزياده على كذا فيه انقاص من الفريق الخصم اللي علينا احترامه مهما كان

وتذكروا جواب ابو بندر نواف التمياط يوم فزنا على الشباب سألوه كيف فزتوا قال احترمنا الخصم وفزنا

عموما الله يوفق الزعيم في المباراه الجايه ولكم خالص تحياتي،،،،،

يعطيكم العافيه شباب على الردود

عموما مهما صار الخصم علينا نحترمه

وعلى فكره ترا النصراويين بيدخلون المباراة متحمسين بتجيهم مكافات ماعمرهم حلموا بها اذا فازوا علينا

يعني المباراه ماراح تكون سهله على الزعيم