|
هذا ديربي ياجماعه بسم الله الرحمن الرحيم مساكم الله بالخير ياجماعه واحب اخش بالموضوع على طول لاحظت ان اكثر الجماهير ضامنه الفوز على النصر لا وبعضهم ضامنها تاريخيه !!!! وزي ما انتم عارفين ترا المباراة هذي ديربي ومعروف ان الديربي دائما غير يعني المباراة ما تعتمد على ان الفريق الفلاني ناقص او انه يمر بأزمه لانها مباراة جماهيريه وتجمع بين الجارين العدوين لذلك شاهدنا الكثير من مباريات الديربي يكون فيها احد الفرق يعاني قبل المباراه ومع ذلك يفوز في الديربي عموما اتمنا من الاعضاء انهم مايضمنون الفوز اتمنا منهم التفائل فقط ولنا في مباراه البحرين الاخيره عبره وشفنا كيف لعيبة وجمهور البحرين كانوا ضامنين الفوز ومع كذا خسروا وعلى فكره ترا احنا كذا اذا ضمنا الفوز راح نأثر على نفسات اللاعبين وراح نحملهم ضغط كبير وزياده على كذا فيه انقاص من الفريق الخصم اللي علينا احترامه مهما كان وتذكروا جواب ابو بندر نواف التمياط يوم فزنا على الشباب سألوه كيف فزتوا قال احترمنا الخصم وفزنا عموما الله يوفق الزعيم في المباراه الجايه ولكم خالص تحياتي،،،،، |
صدقت اخوي بس ترا حتى مباراتنا مع الرياض وسدوس ديربي المفروض الديربي الرئيسي في المنطقه الوسطى بين الهلال والشباب والدربي الفرعي(الثانوي) بين النصر والرياض الناس مقامات ومستويات إدارة الزعيم لن تتهاون صدقني والله لو تتبارى البرازيل والسودان صدقني محد ضامن الفوز واللبيب بالإشاره يفهم (وجه ماد لسانه) يعطيك العافيه |
اخوووووووووي لا ديربي ولا هم يحزنون النصر صار مثله مثل الحزم والانصاااار يعني فريق ضعيف ومن الاهانه للهلال ان تسمى مباراته مع النثر بالديربي لان في هذا اجحاف في حق الهلال |
صراحة أقولها وبكل صراحة هذا بالنسبة لي هذا ما يسمى ديربي بالله تقارن الهلال بالنصر الهلال قي شرق والنصر في غرب |
يعطيكم العافيه شباب على الردود عموما مهما صار الخصم علينا نحترمه وعلى فكره ترا النصراويين بيدخلون المباراة متحمسين بتجيهم مكافات ماعمرهم حلموا بها اذا فازوا علينا يعني المباراه ماراح تكون سهله على الزعيم |
يا هلال النصر هو الفريق اللي يستحق الديربي النصر ومهب الشباب شوف ايهم اكثر جمهور النصر ولا الشباب وتعرفون وش الديربي |
إقتباس:
|
هذاك أول .. أيام كان النصر نصر .. الآن النصر اصبح فرع للاتحاد .. وهذه حقيقة لا ينكرها احد بوجد البلوي .. النصر فقد هويته .. ففقد احترامه .. يا اخوان لو النصر يلعب من اجل النصر كان نقول انه فريق كبير ومحترم .. ولكن الآن لا نعلم لاعبينهم يلعبون من أجل ماذا ؟ البلوي ولا الاتحاد ولا وش بالضبط ما نعرف .. النصر كان في يوم فريق كبير .. ولكن الآن أصبح من فرق الوسط وحل الشباب محله .. ولا أحد ينكر الموضوع هذا .. والأرقام في آخر المواسم تثبت كلامي .. وجهة نظر شخصية اتمنى محد يزعل .. |
صح كلامك اخوي كاتب الموضوع ياناااااس هذا ديربي ديربي الرياض الجماهير النصراوية ستكون متواجدة وستحفز لاعبين النصر على الفوز وشــــكرا |
ديربي هههههههههههههههههههه كان زمان لكن هالحين ماحولك احد |
| الوقت المعتمد في المنتدى بتوقيت جرينتش +3.
الوقت الان » 02:53 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd