30/11/2005, 05:21 PM
|
| زعيــم متواصــل | | تاريخ التسجيل: 17/11/2004
مشاركات: 134
| |
|
نصراوي يستهتر بالهلاليين ويقول : فوزكم علينا في حلمكم الخامس (( قصة لا تفوتك ))
في يوم من الايام رحت الى احد المطاعم >>>>>>>> مسوي نفسه يروح مطاعم
وكان في ذاك اليوم زحمة على المطعم وجلست على الكرسي انتظر تخف الزحمة
والمهم ان في جوالي >>>>>>>>>>>>>>> مسوي نفسه بعد معاه جوال
كان في الجوال " ربطة " لونها ازرق وعليها شعار الهلال وبعض العبارات
وكان جالس جنبي واحد . وطلعت الجوال عشان اتصل , واتصلت وخلصت المكالمة . وشاف الشعار الهلالي
على الجوال وقال لي : انت هلالي . قلت له :ايه واحب الهلال حب جنون . وبعدها جلس يضحك
وقلت له : خير وش صاير . قال من جدك انت هلالي : قلت ايه والله انا هلالي , قال : تصدق اني ارحمك
قلت له : ليه ترحمني . قال : لأن بيجيك حالة صرع يوم الجمعة . قلت له : ايه ! قصدك المباراة الديربي
قال : ايه والله انكم بتاكلونها بثلاثة او اربعة او خمسة . المهم انا ماسك الضحكة . لأنني في مكان عام
واذا ضحكت بقوة تشوف هالعالم يطالعونك . والمهم من كثر ما انا ماسك الضكة وجهي صار " احمر "
وهو قال : شف وجهك صار احمر من كثر خوفك من النصر . عاد ان خلاص ما اقدر امسك الضحك في نفسي اكثر
كذا . وقلت له وانا مستعجل عن اذنك ثلاث دقائق وبرجع . رحت للسيارة وجلست فيها تقريبا سبع دقائق
وكل هذا الوقت والله عشان اضحك واطلع الضحك اللي باقي . عشان ما اضحك عند المطعم , ورجعت للنصراوي
وقال لي : عسى ما شر وراك تأخرت . قلت له : لا ما فيه شيء . ويوم رجعت له مرة ثانية قال لي : والله انكم
تنرحمون يالهلاليين . تبي تبارون فريق يملك افضل العناصر . قلت له : وش عناصره وش خرابيطه قال : عند النصر
لاعبين يرعبون الخصم . قلت له : منهم اللاعبين المرعبين . قال : عندنا ديدا اسيا . المهم انا استغربت منهو ديدا اسيا
وقلت له : منهو ديدا اسيا . قال : محمد شريفي . واول ما قال محمد شريفي . ضحكت ضحك رفع ضغط هالنصراوي
وقال : وراك تضحك ؟ . قلت له : انت من جدك تتكلم ولا تستهبل ؟ . قال : لا والله انا من جدي اتكلم . المهم قلت له
والله اذا النصر انهزم فالسبب حارسكم العالمي (( ديدا اسيا )) . المهم الظاهر انه تفشل وسكت عن مدح لاعبين النصر .
وقال لي : شف الهلال بيفوز بس في حالة واحدة . قلت له : وش ذا الحالة الوحيدة اللي يبي يفوز فيها الهلال
قال : الهلال بيفوز في الحلم الخامس . قلت انا : وش الحلم الخامس . قال : يعني لو انت تنام وتحلم ثم في حلمك تحلم
حلم ثاني ثم في هذا الحلم الثاني تحلم حلم ثالث وفي هذا الحلم الثالث تحلم حلم رابع وفي الحلم الرابع تحلم حلم خامس
قلت له : ما شاء الله الهلال بيفوز في الحم الخامس . قال : ان ما كان في الحلم العاشر بعد . قلت له : اذا الهلال
بيفوز في الحلم الخامس فهذا يعني ان الهلال بيفوز بخمسة اهداف . وقلت له : اذا الهلال بيفوز في الحلم الخامس
اجل النصر في اي حلم بيفوز ؟ قال : النصر بيفوز في الحلم الواقع . قلت له : خير ان شاء الله . يوم الجمعة نشوف
النصر يفوز ؟ أو الهلال يجعلها تاريخية ؟ ..........................
(( تقريبا هذا اكثر وابرز ما جاء في حديثي مع النصراوي المتفائل بالفوز )) طبعا التفائل بالفوز من حقه |
الوضع العادي
