#1  
قديم 30/11/2005, 06:10 AM
زعيــم نشيــط
تاريخ التسجيل: 31/01/2005
المكان: الرياض ..
مشاركات: 700
... ( يقولون ما لايفعلون ) ... عزيز العضو رأيك مهم فلا تبخل علي برأيك !!

السلام عليكم ورحمة الله وبركاته .

كيفكم يا احلى شبكة رياضية على وجه الارض
يا احلى اعضاء شبكة رياضيه << مع اني عاتب عليكم شوي .. :sad:
يا احلى لاعبين في العالم << احس بينا لاعبين يناضرون الموضوع ..
يا احلى ادارة في السعودية << هذا شي معروف ..

أخواني بدخل في الموضوع على طول وبدون مجاملات من الحين اقولها .. ;)

عندما يكتبون من خمسة الى عشرة مواضيع وكلها سجل حضورك لمباراة الهلال القادمة
ولا يحضر احد بل عندما نشاهد لون الملعب بلونه البرتقالي خالي من الجماهير وكأن المبارة بين احد فرق الحواري
ولن اقول احد فرق الدرجة الاولى لان بعضهم يحضرون وبكثافه ...
نعتب على انفسنا اين جماهير نادي الهلال اين جماهير صاحب اكبر شعبيه في المملكة أم انها شعبية بالكلام وبس
هنا اقول لكم ايها الاعضاء ومع احترامي للجميع ..

(( تقولون ما لا تفعلون )) .......


عندما تكون أغلب مواضيع منتدى جماهير الهلال ..
لنادي الاتحاد ورئيس نادي الاتحاد ولاعبين نادي الاتحاد وكأن نادي الاتحاد كابوس لأي مشجع هلالي
اين الافكار الهلالية اين المشاركات التي نستفيد منها ..
(( بعضهم الله يهديهم أخذ الدعوه عناد الضاهر !! عندنا منتدى الرياضه السعودية وعندنا منتدى المنتخب السعودي
اي شي غير خاص في نادي الهلال الله لايهينك حطه هناك )) ..

البلوي يقول بأن نادي ا لاتحاد افضل من نادي الهلال وان محمد نور افضل من يوسف الثنيان
وان مبروك افضل من الدعيع .. البلوي راح البلوي جا البلوي قال البلوي فعل ..
اخواني الزعماء نحن اكثر من تضرر من افعال البلوي اعلم ذلك لاكن السؤال ؟
البلوي يستاهل اني افتحله موضوع طويل عريض عشانه قال ها الكلمتين؟ !!

أخواني ترى الكــــــــــــــــلام بـبلاش !!
خلوه ينهق لين يذن وش علينا منه حنا الزم ما علينا هلالنا ولا وش رايكم انتم ..
اذا انتم مهتمين بتطور منتدى جماهير الهلال اسمحولي اقولكم هنا ..

(( تقولون ما لا تفعلون )) .....




فواصل :::::::::::::::

يجي احد الاعضاء ويسب او يستهزئ بأحد الاعبين وينتقد الاعب بأنتقاد يجرح الاعب
لمجرد انه ضيع فرصه او اخطاء بتمريرة ..

حتى ان رأى المكتوب هنا سوف يقلل من عزيمة هذا الاعب كيف لا وهو يشاهد الانتقاد من احد جماهير النادي الذي يلعب به ومن احد اعضاء منتدى ناديه .. (( بالله انت لو انك محله ما تنقهر )) ..

نأتي لباكيتا ومدربين الغفلة ...
باكيتا حقق خمس بطولات وفعل مالم يفعله من المدربين طوال تاريخهم التدريبي..
من رأى طريقة لعب نادي الهلال في الاونه الاخيرة يتعجب من الاسلوب ومن تكتيكات التي ينتهجها هذا المدرب ..
لاحض جميع المحللين في كل القنوات يثنون على هذا المدرب وذكاء هذا المدرب ..
بينما هنا يأتيك احد الاعضاء بعضهم لم يلمس الكورة في حياته وينتقد المدرب بمجرد انه لم يلعب فلان او النتيجة لم تعجبه .. حتى لو الهلال فائز ينتقد !! ليه جابو ثلاثة كنت ابي ستة ...
لكل مدرب أخطاء لاكن الشاطر من يتعلم وهذا ماتعودناه من باكيتا .


نأتي الى الالقاب وما ادراك ما الالقاب ..
محمد العنبر احرز هدف في كوريا من افضل الاهداف في التصفيات ..
قالوا هـــــــــــــــــــــــذا يبيله لقب ..
صارو يتسابقون من اول واحد يطلعله لقب ::
باليوم نشوف تسعة مواضيع كلها صوت ليكون هذا لقب للعنبر ...
اللي يقول عنبرونا واللي يقول الصقر واللي مدري وش يقول ..
اخواني الاعب لم يتعدى العشرين سنه وطلعناله الفين لقب عشانه جاب هدف ..
الاعب توه صغير لم يقدم ولا 5\100 من مستواه .. وعلى طول دوم تك انواع الالقاب وانواع الاسامي ..
صدقوني هاذي اقرب طريقة توصل الاعب الى مقبرة الغرور ..
8
8
8
(( لنا في الموري العبرة )) ..

شخاميط من راسي ::

الهلال في احسن حالاته والنصر في اسواء حالاته ..
لاكن النصر قدام الهلال يلعب وهو داخل على بطولة ان فاز اخذ البطولة .
يعني الحرص واجب يا اخوان ...

خاص للغامدي :
عمر اعلم انك اكثر مني غيرة على الهلال وعلى الفنيلة اللي انت لابسها لاكن عمر ليه تغير مستواك
وين عمر الغامدي اللي قدام جابيليو الياباني . وين عمر قبل اربع سنوات ..
عمر انت تغيرت وانا واثق انك تبي ترجع زي اول شد حيلك يا عمر والله معاك وحنا وراك ..

خاص لنواف :
نواف اعلم ان هذا زمن الاحتراف وان لن يحدث الا ماكتبه الله ..
ولايوجد هناك من يعلم اين هي مصلحتك اكثر منك ..
لاكن دعني اهمس بأذنك (( من طلع من داره قل مقداره )) ...

خاص لكماتشو :
كماتشو انت لاتعلم اللغة العربيه الله يعينك يبيلك مترجم ..
صدقني انت افضل اجنبي يلعب في خط الوسط حاليا ..
مايعيبك هو هبوط مستواك لاكن ما يميزك هو سرعة عودة مستواك الى الافضل ..
كماتشو لاترحل فنحن نحبك ..





عموما اخواني انا كنت ابي اوصلكم معلومه ان هذا منتدانا وصدقوني بأيدينا نطوره وبأيدينا ندمره ....
أخــــــــــواني كلامـــــــــــــــــــي غلط ولا صح ...

ارجو اني ما طولت عليكم ولا ثقلت بالكلام عليكم لاكن وجهة نضر حبيت تشاركوني فيها وآسف على الاطالة ..

اخوكم :
ابو فالح ..
اضافة رد مع اقتباس
  #2  
قديم 30/11/2005, 07:16 AM
الصورة الرمزية الخاصة بـ سـ الزعيم ـام6
زعيــم نشيــط
تاريخ التسجيل: 20/08/2005
المكان: بكتيبة الزعماء
مشاركات: 871
هلا ابو فالح ويعطيك العافيه على ماسطرته اناملك

وقلتها انت (( تقولون ما لا تفعلون ))

اظاهر مايعجبهم من مدربين الا ادموس ياهو بيطيح الي بروسهم من كثر الأنتقا دات

وقبل الختام بسألك سؤال






ليه بكيتا مالعب بثلاث مهاجمين يمكن نجيب ثمنيه














امزح لا تطاق والله لو يلعب بتشكيله كلها دفاع ونفوز ماراح اقول شي
اهم شي نقاط المباراة
ويعطيك العافيه اخوي وان شاءالله بلملعب اشوفك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:25 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube