حسبي الله ونعم الوكيل .. حضوركم مهم .. وين تجهيزات الجمعه !!! - نادي الهلال السعودي - شبكة الزعيم

شفشينكووو7 · #1 29/11/2005, 09:31 PM

بسم الله الرحمن الرحيم ..

السلام عليكم ورحمة الله وبركاته ..

أولا أحب أقول (سامي بن عبدالله الجابر ) أنت الأفضل بعيوننا ولايهمونك والله أنت الأفضل .. وبتثبت لهم إنك الأفضل يوم الجمعه بإبداعك وأنا كلي ثقه إنك بتنسي الجمهور الأزرق الجائه خاصة إذا جبت في النصر هدفين أو ثلاثه إحساسي كذا الله وأعلم .. ادعوا معي بالتوفيق سامي ورفاقه يوم الجمعه ..

سامي حبيب قلبي اتركهم والله أنت الأفضل عالميا ( بعيوني ) وبعيون جماهير الزعيم كلهم .. يوم الجمعه يومك ياأبو عبدالله أنت وياسر والشلهوب والجمعان وكماتشو والشباب كلهم .. نبيــــها تاريخيه ..

... نقاط سريعه ..

1- أحب أقول بس كلمه للإتحاد الآسيوي وللشيخ (6 سلندر ) شيخهم كما يزعمون منصور البلوي .. أحب أقولهم ان الله يمهل ولايهمل والظلم ظلمات يوم القيامه فياويلكم من عذاب الله ..

2- يالزعماء كل مايهمنا الآن زعيمنا وأبو سلطان والزعماء اللاعبين .. خلونا نوقف معه وقفه صادقه يوم الجمعه يومنا نحن يالجمهور إننا نثبت لأبو سلطان ولسامي بالخصوص ولجميع زملائه اللاعبين بأننا معهم مهما كان ومهما يصير حنا مع الهلال ..

3- أحب اوضح شي ممكن يكون مهم لباكيتا إنه لابد بأنه يلعب من البدايه بسامي وياسر لأنه راح يسوون شي مو طبيعي من البدايه وماأدري ليه احساسي يقول إنها تاريخيه في شباك الجار ..

4- أتمنى من جميع لاعبينا سواء المهاجمين أو اللاعبين الآخرين الحذر والحذر ثم الحذر من الجزار ( كولمان ) ترى لاعب يدور الساق فقط ولاغير ذلك ولا الكوره ماله فيها أبد ..

5- باكيتا صدقني دفاع النصر متهالك متهالك متهالك وكلنا شفنا لاعب الوحده الشمراني ناصر كان لحاله يعدي من بينهم بالراحه وحنا عندنا القحطاني وسامي إن شاء الله ماراح يقصرون ..

6- الفريق بقيادة أبو عبدالله وياسر والشلهوب وكماتشو والغامدي والغنام والبرقان وتفاريس والياس والخثران والمفرج والدعيع .. لاتخافون عليه ومثل ماقلت إحساسي والله أعلم يقول إنها تاريخيه في شباك النصر ..

7- خلصنا من اللاعبين .. نجي للجمهور الرائع جمهور الأزرق الجمهور اللي قال عنه أبو سلطان إنه الرقم الصعب والشعب الهلالي والجمهور الوفي أنتم الجمهور اللي قاد الزعيم للبطولات الموسم الفائت .. هالمباراه مباراتكم .. يوم الجمعه مافي إختبارات ولا شي وكلها ترى ساعه ونص ماراح تأخذ من وقتك والليل طويل .. وسعوا صدوركم وتعالوا للملعب عشان تستقبلون أسهم ياسر وسامي بإذن الله

8- بالنسبه للتنظيم وللأخ إبراهيم حقوي رئيس الرابطه نشكره صراحه على نقله للرابطه للواجهه ( الدرجه الثانيه ) لأن أغلب الجمهور يجي هناك فنتمنى من الجميع المشاركه بتفاعل وأتمنى أتمنى أتمنى من كل قلبي إن المدرج يكون بأكمله أزرق وأي واحد يجي لابد معه شعار أزرق وليش أبيض تكفون ياشباب وأتمنى وجود الشرايط البيضاء والقصاصات الورقيه والبالونات الزرقاء والشعله الزرقاء أو الحمراء ..

9- طلب خاص من الأخ إبراهيم حقوي أطلبك طلب طلب طلب وقت دخول اللاعبين لأرضية الملعب ودي إنك تقول للجماهير يبدأون بعمل حركة المراوح عشان يكون منظر الجمهور أكثر من رائع .. تكون هناك حركة المراوح ورمي الشرايط البيضاء مع القصاصات ..

10- أدري إني طولت عليكم وهرجي صاير كثير خخخخخخخخ

لكن أتمى الحضور الفعلي تكفون تكفون تكفون ..

11- نقطه نسيت أقولها لإبراهيم حقوي .. طلب طلب طلب لعيون سامي أول مايدخلون اللاعبين الملعب .. أنت تقول بتحبوا مين والملعب كله يقول معك ساااامي بتحبوا مين سااامي تكفى أخوي طلبتك ..

... قــــــفــــــلــــــــهـ ...

العــــقــــل الســــلــــيــــم فـــي تــــشــــجــــيــــع الــــزعــــيــــم

... أخوكم ...

راشــــد الراشــــد

ذيب العازمي · #2 30/11/2005, 12:13 AM

الزعيم شفشينكووو
رائع وابداعات جميله وتسلم يازعيم

رعبوبة الزعيم · #3 30/11/2005, 01:29 AM

والله مبدع
يسلموووووووووووو على الموضوع

أسير الزعماء · #4 30/11/2005, 03:23 AM

مشكور

هاوي سراب · #5 30/11/2005, 03:55 AM

تسلم يمناك شفشينكو

مبدع دائماً كعادتك

يعطيك مليون عافية

أخوكم
هاوي سراب