بسم الله الرحمن الرحيم السلام عليكم ورحمة الله وبركاته
اخواني جماهير الزعيم ..... اول شي اباركلكم على انتصارات الزعيم المتتالية والمتكرره باذن الله تعالى
ثاني شي ان شاء الله يكون الجميع بخير وصحه وعافيه
واعتذر لكم عن الابتعاد الطويل عن المنتدى وعن عدم كتاباتي لمواضيعي من فتره ليست بالقصيره واتوقع تعرفون السبب
واتمنى ان تلمسلون لي العذر بسبب الدراسه وخاصه بالوقت الحالي وخبركم الدراسه برا مب مثل داخل .....
لكن الحمدالله اني اشوف مواضيعكم واتابع الزعيم اول بأول
لكن بهذا الموضوع بتكلم عن كم نقطه مهمه واتوقع انها من النقاط اللي شاغله الجمهمور بشكل كبييير بالفتره الحاليه
الكابتن :سامي
انا مب مطول ابد بالسالفه .... اسمه الكابتن سامي الجابر ! من بالقاره الاسيويه لايعرف سامي الجابر
لو شفتو مقطع وهو يسحب بمنتخب انجلترا ويطيح افضل ظهير ايمن عندهم (جاري نيفيل) تسكت الدنيا كلها وبيني وبينكم سامي مو محتاج اتكلم عنه ابدا
وبقولكم نفس الجمله الرائعه اللي قريتها من موضوع احد الاخوات بالمنتدى على ما اعتقد وكانت (ياصغير مايكبرني لقب)
سواء اخذ الجائزة او لم يأخذها ماتفرق معانا ياشباب ولا مع سامي ! ولا هو محتاج انجاز جديد لانه سابق الجميع وحنا عندنا قناعه سامي افضل لاعب اسيوي
ولو عطو سامي الجابر افضل لاعب بالعالم الحقد مب متغير فيهم شي لان بقلوبهم حقد على سامي ويظهرون بانهم لايعترفون بأفضليته !! لكن لو سامي اخذ ولا ما اخذ حنا مقتنعين بسامي بأنه الافضل
-------------------------
لكن ماهو طلب تشيلساوي !!!!!!!!!!!!!!!!!!!!!!!!!!!!!!!!!!!!!!!
سامي ضحى بالجائزة لعيون الجمهور ! ولعيون الهلال !! من اجل ان يعزف سميفونيات سامه بالملعب !
من اجل ان يجعلكم تردوون من خلف الحقوي باعل صوت ! من اجل ان يخلق التفاعل بين الجماهير !
فاتمنى من جماهير الزعيم الحضور وبكل قوة لانه الديربي ! لانه مباراه سامي ! فقط نريد ان نشكر سامي !
هي مباراه لعشاق سامي اكثر من مباراه لعشاق الزعيم ! فسامي ترك المصورين والاعلام ومثل مايقولون نجوميه الورق
وترك الجائزة والانجاز وكل شيئ من اجل المباراه !
فهل حضر جمهور الرياض !! وخاصه جمهور القهاوي ! يعني لاهنت يامشجع الهلال بالقهاوي تنازل عن المعسل ساعتين من وقتك واحضر وشجع الهلال بالملعب
واحلفلكم ان الجمهور وبكل صراحه مايستحق مجهود الهلال بالمباراه السابقه والرباعيه والاداء الجميل !
حتى كماتشو اللي طرتوا فيه انتقاد وجرحتو فيه لعب من اجلكم لكن المدرجات كانت برتقااليه !
نريد ان تهتز المدرجات ! نريد ان تهتز قلوب النصراوين ! نريد ان نزيد من شحنه سامي واللاعبين
فسامي يتأثر بالحماس الجماهيري بشكل كبيييير جدا !!
تذكرون يوم الطارقي عور الدعيع ! الدعيع رفض الخروج من اجل الجمهور !!!!!!
فهل يشجع الجمهور من اجل كوكبه من النجوم !! هل تحضرون وتساندون !!!
ام يطفو جمهور العالمي على الموج الازرق ويفضحنا .........
جمهور القصيم على ما اعتقد كان كبير جدا وقلنا نعذر اهل الرياض !! جمهور حائل كان اكثر من رائع وقلنا نعذر اهل الرياض ! جمهور المدينه كان جنوني وقلنا معليه نعذر الرياض !
جمهور الرياض فشلنا بمباره الاهلي قلنا معليه توه الدوري بادي !
اما ديربي ! وسامي ! و4 في مرمى الاهلي ما اتوقع اي سبب يردكم
خاصه انتهت فتره الاختبارات بالمملكه على حسب علمي والمباراه يوم جمعه !
فطلب خاص ان كان لي مكانه بينكم ياجماهير المنتدى من اهل الرياض ان تحضرو المباراه وتشجعو وتحضرو معكم كل من يقبل الدعوه للمباراه من اصدقاء واقارب
نريد ان نرى العجب في الملعب
فصدقوني مهما كانت قوتنا وضعف خصمنا فالديرربي شي مختلف تماما
خاصه لو جمهورهم طغى على جمهورنا
--------------------------------------------------------------------------------------------------
اما موضوع حقوي
كل اللي اتمناه ياقائد ! ان تزيد من شعله حماسك اثناء التشجيع وتجعل كل الهلالين يرددون من خلفك
وانصحك يعني بان تردد الاهازيج المعروفه لدى الجماهير بشكل عام مثل (العب العب العب .. ...يا ازرق معك اللله)
يهلالي يهلالي ...... ياهلال عزك عزنا.... بس تطولها وتتعطيها شي من الزياده وانت ابخض وادري وانشالله نسمع اهزوجتك الجديده ونستمتع فيها باذن اللله تعالى والله يوفقك .... لكن اتمنى انك تزيد ضعف حماسك ونشوف جمهور يهز المدرجات وقلوب الحالمين .................................................................................................... ..................
---------------------------------------------------------------------------------------------------
نواف التمياط وباكيتا
بكل عقلانيه باكيتا فاهم الشغل اكثر مني ومنك !
والمقارنه بين نواف وكماتشو غير مقبوله لان مراكزهم وادوارهم مختلفه
وانا مع المدرب بأشراك كماتشو من بدايه المباراه لين الناهيه لعده اسباب !
1- كماتشو ممكن يحسم المباراه في اي وقت من المباراه سواء من اول دقيقه او اخر دقيقه من ضربه ثابته !
2- كماتشو يحرث الملعب بالطول والعرض ! ويشارك بالدور الدفاعي ويرجع كثير خلف المنتصف ويساعد بشكل رهيب في بناء الهجمه اكثر من نواف !
3- كماتشو فيه حرفنه برازيليه ماتلققاها بكثير منا للاعبين ومتاقلم مع الشلهوب بشكل رهيب وخاصه ان كماتشو صانع لعب من الجهه اليمنى واليسرى !
اما نواف لاعب كبير وفيه كل شي تتمناه باللاعب لكن يبقى ورقه رابحه تستفيد منها متى ما احتجت لها
واتوقع كل متابع لمباريات الهلال يعرف هذا الشي ! نواف لاعب كبيرومافيه مثله لكن دوره مع التوليفيه الهلاليه ورقه رابحه اذا صار عقم بالهجوم
واتمنى ان تتركو المهام هذي للمدرب والجهاز الفني وتنشغلوا بخطه الحضور للتشجيع
----------------------------------------------------------------------------------------------------------
وبيني وبينكم كل زملائي بالدراسه نصراويين واتحاديين رافعين الضغط !!! والتحدي الجمعه !
فبالله اسكتوهم بحضوركم من خلف الزعيم
تراهم ممزعجين راسي خاصه اني مزكم من البرد ولا لي نفس اتنقاش معهم بان سامي الافضل والهلال الاكثر بطولات
تعرفون اسلوبهم بايخ وماعندهم سالفه ولا هم فاهمين بشي !
اقولهم مين مسيطر على كل البطولات المحليه ! يقولون تذكر ماجد وش كان يسوي بالهلال ! بالله احضرو وشجعوا خلف الزعيم واسكتو ناس ماعرفت ايش الكوره من الاساس
طبعا كالعاده احب ان اعطيكم التشكيله اللي اشوفها منطقيه جدا مع العلم انها فقط وجهه نظر مني اذ ما اعجبكم
الدعيع الخثران المفرج تفاريس الياس
الشلهوب الغامدي الغنام كماتشو
ياسر جيلسون
طبعا مع الزج بسامي الشوط الثاني ووجود الصويلح والجمعان بالاحتياط
م
ع الف تحيه وسلام خاص لكل مشجع هلالي وانتظر ردودكم جميعا
هلالي تشيلساوي يعود بعد طيله الغياب ! لكن بطلب ورجاء خاص منكم! ومنك ياحقوي 
الوضع العادي
