حينما سبقت السلحفاة الأرنب . . . وألبسوها تاج السرعه
 

حينما سبقت السلحفاة الأرنب . . . وألبسوها تاج السرعه

السلام عليكم ورحمة الله وبركاته ...




أول ماجا في بالي يوم قريت الخبر .. قصة الأرنب والسلحفاة .. يوم ينام الأرنب بنص الطريق بعدما تعدى السلحفاة بمسافه طويله ... وفازت السلحفاة ..وأخذت السلحفاة لقب الحيوان الأسرع .. ولبسوها التاج ...وسوو لها صجه ولجه لدرجة انها صارت تدرس (بضم التاء وتشديد الراء بالفتحه) بكتب المدارس واشتهرت وصارت من الحكم مدري الأمثال ( (مصدق إن السالفه جد :d ) ) ... وصار فيه احتفالات ومهرجاناااااات فرح بفوز السلحفاة ... وحطو لوحات فيها صورة السلحفاة وكتبو عليها "الأسرع في الغابه مدري بالحديقه.".ناسي وين كانو يتسابقون فيه بالضبط..

السؤال هنا : هل فعلا السلحفاة كانت تستحق لقب الأسرع ؟ وهل فعلا الأرنب أقل سرعه من السلحفاة؟

مايختلف عليها اثنين .. الجواب "لا "...
طيب ليش أجل صارت صجه ولجه بالغابه مدري الحديقه يوم فازت السلحفاة؟ ليش صار فيه احتفالات وفرحه أكثر من السنوات اللي كان يفوز فيها الأرنب؟
الجواب ..لأن الأرنب قاهرهم كل سنه كان هو اللي يسبقهم ..

فوز السلحفاة في القصه المذكوره لايعني انها الأسرع...فالمقارنه بين السلحفاة والأرنب بالسرعه مثل اللي يجيب ميزان ويحط بالكفه اليمنى نبيل شعيل وبالكفه اليسرى رابح صقر ...كان تشوف رابح ناشب بالسقف والا طايح بحوش بيتكم




المهم ..نروح للي يسمونه الاتحاد الاسيوي ...

الاتحاد الاسيوي في قصتنا كنه حيوانات الغابه(مع احترامي لحيوانات الغابه) اللي انبسطو يوم فازت السلحفاة على الأرنب..لكن فيه فرق واحد ..الفرق ان حيوانات الغابه كانوأشرف وعندهم ذمه وضمير وماتدخلو وحالو سحب النتيجه من المحسومه مسبقا للأرنب علشان ..كان ينتظرون اللي بيفوز ويستاهل الفوز بغض النظر عن العواطف والميول






قفله على قولتهم مدري خاتمه :
يقولون بعد مسابقة الأرنب والسلحفاة وفوز السلحفاة .. صرحت السلحفاة أن نوم الأرنب ماكان له أي دور في فوزها :d

هههههههههه بس والله جبتها .. من جد ماتخش العقل المنتشري افضل من سامي
وانا من جد ماستغربتها لأن الاسمين مطابقين لبعض هذا الاتحاد الاسيوي وهذا
الاتحاد السعودي ... يعني مايبيلها ذكاء

يا خوي كلام جميل...

بس غلطان في التشبيه....

(الذئب)و(السلحفاه)

هههههههههههههههههههههههه والله جبتهااااااا ههههههههههههه
حسبي الله ونعم الوكيل

ساامي ضـاعت عليه الجـآئزه بسبب غيـآبه عن التمارين او مزواله الكوره هذا رأيي..

وبصـراحه ما يستاهله حمد ممكن مبروك زايد بس هالسنه ما قدم حمد شيء يشفع له هالجائزه..



لكم تحيـآتي ،،،،

اخوي الكنق ..
التشبيه المقصود به أحداث القصه وليس الشخصيات ... تحياتي لك ولباقي الاخوان اللي ردو

فتى الذهب

مرررررره حلووووووه ويعطيك العافية

الله يعافيك يارب :)

عزيزي
قصدك الذئب والسنجاب

متيم بك ياهلال ..
ماعرف ان فيه قصه اسمها الذئب والسنجاب..اذا فيه ياليت تقولها لنا

مايكل
من توقيعك ماااش ..الامور فيها إن (بتشديد النون) :)