تابعت قناة دبي الرياضيه قبل و بعد المباراة.......تعال
 

بسم الله الرحمن الرحيم
اكيد اللي كان متابع قناة دبي الرياضيه قبل و بعد المباراة سمع المتصلين و آراءهم عن المنتخب و التعليق المحزن من بعض المتصلين اللي فشلوناعن الاماراتيين

الاتصال الأول :
يقول المتصل انا ما ادري ليش الدوخي يلعب بالمنتخب مع ان الدوخي كان قبل كم يوم
( لاحظوا قبل كم يوم ) بالقصيم يلعب و يستعرض مهاراته قدام بعض الاعبين
و قال الأخ بما ان التمياط مصاب ليش ما يضموا القهوجي للمنتخب

الاتصال الثاني :
يقول ، احب اعلق على كلام الأخ اللي متصل قبل شوي وابي اقول ان القهوجي لاعب مزاجي و لاعب فاشل و التمياط أفشل منه
مقدم البرنامج الأخ عبدالرحمن ما تركه يكمل ( الحمدلله )
ورد عليه الأخ عبدالرحمن : يا اخي نواف أفضل لاعب في آسيا
و القهوجي من الاعبين المميزين

الاتصال الثالث :
هذا الاتصال بعد المباراة
واحد الظاهر انه كان مو بوعيه من طريقة كلامه أو انه ( ناعم ) يقول :
ابي اوضح للإتحاد السعودي ان الجمهور مو مغفل حتى تضحكوا و تحطوا لاعبين بالمنتخب غصب ( يعني واسطه ) عبدالله سليمان كان مصاب و استدعيتوه للمنتخب و احمد خليل ايام ما كان بالاتفاق عمره ما استدعي للمنتخب ويوم راح للهلال على طول انضم ، و الاعب الثالث ما ذكر اسمه لكن قال انه هلالي و قال حتى جمهور الهلال مو معترف فيه لكن ما ادري ليش بالمنتخب
اما الاعب الرابع كابتن المنتخب سامي الجابر ، احسن ما فيه شارة الكابتنيه والا هو ما سوى شي بالمباراة ، ويقول ترى عرفنا وش اللي صار بينك وبين الخوجلي قبل مباراة المنتخب مع قطر و نقولك عيب عليك يا سامي
انتهى اتصاله



انا الحين اسألكم بالله وش الرد على ها الشريحه من الناس المتخلفه
و الملاحظ اخواني ان كل الانتقادات كانت للاعبين الهلال
تخيلوا لو ان فرصة ابراهيم سويد اللي ضيعها بالشوط الثاني لو كان الاعب هو سامي وضاعت الفرصه يا ترى كم اتصال بيجي و يعلق عليها لكن لأن ابراهي سويد ماهو هلالي عادي خليه يضيع قد ما يبي

حسبنا الله

الله يفشل وجيهم لاتكون تكذب بس

أنا اكذب :confused:
الله يسامحك

وسع صدرك حبيب البي على قوله ابو رشا

في اشكال حرام تصرف لها بطاقه احوال سعوديه

والمشكله انهم يتكلمون في منتخبهم قبل ما يتكلومن في الزعيم

اهل العقول براحه

مرحبا ..
والله بصراحه شي يفشل .. والمشكله ان هالظاهره قديمه والى الان ما اندثرت ..
للاسف انهم نسوا المباراة واحوالها وتكلموا في اللاعبين ..
وتحسون من المكالمات تدني مستوى التفكير الكروي عند الكثيرين (( ولله الحمد مافيه منهم هلاليين )) ..


ولاحظت ان جمهور الامارات يشجع بحماس ويحمّس معه اللاعبين ولو هي مباراة وديه .. (( الله يخلف على بعض جماهيرنا )) :( :(

مشكور اخوي ..
وخلنا ندعي لهم بالصلاح بس ..

الله يفشلهم ليتنا ما عرفنا القنوات الفضائيه!!!

صدق بعض العرب ودك تحجر عليه لين يقبض روحه ملك الموووت !!!

للاسف علينا ان نتقبل هذا الامر بما انه خرج من مشجعين عاديين اعماهم التعصب
لكن المشكلة الحقيقية بمن يسمون الكتاب الصحافيين الذين خانوا امانة القلم وبثوا
سمومهم باساليب واضحة لخدمة انديتهم على حساب المنتخب
هؤلاء هم اساس البلاء فباقلامهم تلوثت عقول كثيرة بالتعصب فمن يوقفهم عند حدهم؟؟

بسم الله الرحمن الرحيم

الحل هو تجاهل تلك الغربان الناعقة وأنا على قناعة أنة مع الوقت وإن كانت القنوات الرياضية الفضائية تبحث عن النجاح فستمنع هذة الإتصالات ( الفاضية ) .. كما فعلت أوربت ورأينا ماوصلت لة أوربت من مستوى راقي في التحليل لخبراء من الطراز الأول ومراسلين يشدونك للحدث بدل من تضييع وقت الجمهور في هذة التفاهات وتلك السفاهات ...

الأهم أن نتذكر أن هؤلاء المتصلين يعانون من نقص وخلل في شخصياتهم فتجدهم يتهجمون على الناجحين ويفرغون أحقادهم عليهم ولعمري إن من يستمع لهذة الإتصالات يتذكر تلقائياً نعمة العقل التي وهبنا الله إياها فالحمدلله على نعمة العقل ونسألك حسن القول والعمل ...

تحياتي ...