السلام عليكم ورحمة الله وبركاته



يالله هذا كله عشاني جيت بس



بدون احراج لا احد يصفق


عارف اني وحشتكم يعني يمكن لي (ون منث) ماجيت المنتدى


الزبدة .. في الثلاجة


الخلاصة .. بكتاب القواعد حق رابع ابتدائي



تدرون يعني يوم الجمعة مباراتنا مع الجار والرسول (صلوات الله عليه واتم التسليم)

وصى بالجار ولذا يعني فإن ربما حيث .....


وحنا انشاء الله بنتبع وصيتك يارسول الله وبنكرم جارنا وبنضيفه ..


الحين هذه المعادلة كلها ولا فهمتوا شيء

يعني اكرام الضيف ثلاث وان شاء الله بنصك ابوهم ثلاث ..


هذه كانت التفاصيل واليكم العناوين :ــ

@ كماتشو ومسواك الجن (جيلسون) .. في مبارة الجمعة .. انثروا كل الابداع وكل الفن .. @

@ مستوى المباراة بيكون حامي .. إذا لعب السفير سامي .. والحارس طبيعي بيقول ياليتك مالعبت يا اللي قدامي .. @

@ ماردونا العرب ( الشلهوب ) .. إذا لـــعـــب لـــعـــب .. لعبه فن وطرب .. لعبه فن وعجب .. @

@ لا حارس مرمى ولا حارس خاص .. مباراة الجار يوم القناص .. هدف بالراس وهدف بالرجل وهدف بمصاص .. @

@ وضعوك في الأحتياط .. وانت مكانك بين زيكو وسقراط .. ماعليك من الجرايد تراها خراط .. لاتلتفت للناس وواصل ياتمياط.. @

@ ياسر الياس .. شديد الباس .. اعجب كل الناس .. وانا عندي احساس .. ان فريقهم منك بينحاس .. @

@ لا حارثي ولا كولمان .. ولو لعب سوبر مان .. يقدر يوقف الجمعان .. لانه للاهداف جيعان (جوعان) ..@

@ تكفى ترى تكفى تهز الرجاجيل .. وتهز فنجال به قهوة هيل .. ان توقفهم عند حدهم يا ابو خليل ..:@

@ عاد الاسد الى عرينه .. عاد ليحمي شباك فريقه .. عاد وواصل بريقه .. وللمنتخب بيواصل طريقه .. @

@ مافي مجال مافي مجال .. انك تمر من الجنرال .. لا وجنبه المفرج .. اذا لعب هز المدرج .. وصدقوني هجومهم راح يتفرج ..@

@ والحين جاء دور الفنان .. اذا لعب تحس بالامان .. انه بلا شك عبدالعزيز الخثران ..@

@ التزوير أصبح هواية لذلك النادي .. حيث انهم ادعو وبالبراهين ان ملكهم المحيط الهادي .. واتحادنا نايم ولا حياة لمن تنادي ..@

@ دوام الحال من المحال .. لكن بالنسبة لذلك النادي فان تغيير حالهم محال .. يريدون ولو بطولة لكن الزعيم ماتركلهم مجال ..@

@ وفي الاخير .. اتمنى ان انال منكم التقدير .. لان هذا طبعكم ياجمهور الزعيم الغفير .. وسلام عليكم كاعداد الطير ..@



كان معكم النمر الازرق ..