من اليوم إلى يوم الجمعة هالموضوع مفتوح سجل حضورك لمباراة الهلال والنصر من أكثر شعبية؟ السلام عليكم يا اخوان أنا من زماااااان ماكتبت موضوع عن الحضور واحضروا وسجلو حضوركم و...و...إلخ توقعت انكم مايحتاج أحد يقولكم احضروا ويحمسكم لكن خيبتوا الظن ياجمهور الرياض لكن نبي حضور مبارات الزعيم والنصر يوم الجمعة ترد على كل التشكيكات ياجمهور الرياض ونسكت جمهور النثر الي ياهو غثة حنا أكبر شعبية ومستانسين على رابطتهم مامعهم إلا طارين وأي اغنية على بالهم غنوها مهو زي رابطتنا وبو خليل مايقصرون زي ماقالكم أهزوجة يوم الجمعة جديدة غير: محال محال/هو يالأزرق والهلالي قوة/أوه ياهلال لعبك فن وطرب وغيرهم من الأهازيج نبي هجولة مب صاحية يوم الخميس أول ماتوصل الكرة عند الحارثي:أوووووووووو ويكون بعلمكم المباراة باستاد الملك فهد يعني مو الملز نبي الملعب أو جهة الهلال كلها ممتلأه مع اني أتوقع يحظرون من قبل جماهير النصر 5 أو 6 وصراخ وينبح صوتهم وبيخسر النصر(انشاءالله) ونبي ياشباب ترددون مع الرابطة ولا تسكتون تكفوووون دونت كراي دونت كراي ينقهرون منها النصراوية وانشاءالله نقول:واحد/ثنين/ثلاثة/أربعة إلى ماله نهاية مع اني أستغرب استدعاء القحطاني للمنتخب طبعا معروف عن ميول الإتحاد السعودي لنادي النصر وكرهه لشي اسمه الهلال لكن الموجودين فيهم الخير والبركة الشلهوب يسحب فيهم جيلسون يشقهم كباري كماتشو يلعب فيهم وكلهم كلهم بيبدعون وأتوقع سامي يلعب ويسجل بالنصر وينقهروون والهشي الي أبيه وأتوقع انشاءالله 4للزعيم1 للنثر يالله ياشباب لا أوصيكم الحظووور الحظووور ورددو مع الحقوي ولاتسكتون ونبي يعرفون جمهور النصر مين النادي الأكثر شعبية مع انها محسومة من زمان لجمهور الزعيم بس لازم نثبتلهم ورددو مع أبو خليل ياهلال عزك عزنا ياهلاااااال رجوا الملعب رج (المباراة بالملز) سلااام |
أفااا والله ماتوقعتها منكم مافي تفااعل أبد |
الجماعة نايمين شكلهم ياهلالي اصلي لاتشيل هم انشالله الجمهور بيزحف نحو المدرجات ويغزون المدرجات بأذن واحد احد والله الله ياجمهور الأزرق لاوصيكم بالحظور والتشجيع والله انا انقهر اذا شفت الجمهور سااااااااااااااااااااااكت حرام عليكم تكلمو شجعوا اصرخوا لحد يسكت |
إقتباس:
|
هلال وبس |
إنشالله جميع جماهير الزعيم بيحضرون و إنشالله بيمتلي الملعب يا شباب ما نبي نتفشل بعدين يصير جمهور الحالمي أكثر منا (ما في أمل) أرجوا منكم أنكم تحضرون المباراة |
لو كانت في استاد الملك فهد حضرت بس الملز بعيد ماقدر |
ان شاء الله الملعب بيمتلي عن اخره وانا اول الحاضرين |
مشكورين على الرد وأتمنى تفاعل أكثر |
5/0 للزعيم |
انشاء الله بيكون جمهور الهلال في المدرجات وانا اولهم |
<<<<<<ان شاءالله من اول الحضور |
والله انا ما اقدر احظر بسبب محل اقامتي والسبب الثاني هو ان يوم السبت علي اختبار لاكن الجمهور الهلالي انشاء الله ماراح يقصر |
ماتوقعت الاقي موضوع مثل هذا:no: خاصه في هالمباراه :rolleyes: تطمن وارقد وآمن ;) ان شاء الله بتشوف حضور اكثر مما نطمح s13s والاهم الفوز s13s تحياااااتيs13s s13s |
ابو منال.........انا عندي اختبار يوم السبت في الجامعة.......وبحضر ان شاء الله ولا تخافون............اضمن لكم أكثر من 30 ألف بيحضرون بس قهر.........وش بيكفيهم المستفيدين ............هم النصراوية لانهم ما راح يوصلون حتى لـ10 الاف يعني لو كانت في استاد الملك فهد بيوصل الجمهور الهلالي الى 30 الف واكثر يعني راح ناكل النصراوية اكل |
الوقت المعتمد في المنتدى بتوقيت جرينتش +3.
الوقت الان » 01:15 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd