نادي الهلال السعودي - شبكة الزعيم - الموقع الرسمي - واحد .. اثنين .. ثلاثة .. اربعة .. كفاية

واحد .. اثنين .. ثلاثة .. اربعة .. كفاية
واحد ..اثنين .. ثلاثة .. اربعة .. حرام عليكم

لم يردها الزعماء خماسية .. و اكتفوا بأربعة تفننوا في إطلاقها جو .. أرض جو

و مثل ما حذر احد الاخوة في المنتدى من خطورة الوضع في الرياض
و كأني به يناظر من سترن رقيق .. فجرها الهلال و أطلقت الرياض صفارات الانذار
و ارتاع مرتادوا الاستراحات .. و تمنوا لو كانوا قرب الشلهوب و ياسر و لكن هيهات هيهات

ياسر القحطاني .. كبير حتى في فرحتــك .. و اللي اهداك السهم كان اللي اهداك الرقم
الله يديمها محبة في الهــــلال

محمد الشلهوب .. أبدعت و أبدعت و ابدعت حسبي الله على الكورة ما عاد خليت فيني عقل !!
تفوقت على أساتذتك .. و من الآن يجب ان نخجل من عمارنا و حنا نسميه مارادونا العرب
فمارادونا هو شلهوب الارجنتين و لا دوروا لكم صرفة ثانية ..

لعب الهلال و كأنه لم يلعب منذ سنوات .. نهم و عطش .. كنا بنرتوي لو جا الخامس لكن قدر الله
لعب و أبدع .. ضرب و أشبع .. داس على الطحالب البحرية كما لم يفعل

هجوم مرعب .. مرعب .. مرعب ..هذا و الذيب لم يكشر عن أنيابه
وسط رايــــق رايــــق رايـــق .. يا عيني عليكم ..
دفاع .. يكفي وجود تفاريس الله يخليه هو و مطرسته و ربي مــــا قصر .. و المفرج أيــضاً

صدق مسكين اللي ما عنده هلال .. و لا شلهوب .. و لا ياسر

الدفاع الاهلاوي كيف الحال ؟ يا ترى كم فتح الشلهوب الليلة من مشروع

الهدف الأول .. خيال .. الثاني .. فنان .. الثالث .. اقدر اقول هبــــال
سيطرة و تحكم ... ثم تأهب و توثب .. ثم رفع اللاصق و رمى القنبلة لتدوي أفراح الرياض
هذا باختصار ما فعله الآســــــر ياســـــر

لم ينقص المباراة الا مقعد واحد في الدرجة الثانية
لِمَ النفور من سيد البــــدور .. يا حضرة الجمهور .. في فمي ماء على قولة الصويلح

السنة اللي فاتت رباعية مع شوارع بإضاءات و كافة الخدمات من سعادة السفير سامي الجابر
و السنة هذي زادت الخدمات و توالت البركات بإضافة الكباري و الانفاق من الموهوب الشلهوب

وش بقيت يا هلال للقاء النصر ؟؟
أنا اقترح يخلون الملعب في دحديرة و يخلون باب النصر فوق لتفادي الضغط الهلالي

فاز الهلال بأربعة و فاز الاتحاد بأربعة .. أحلى من قدهم بكرة يقولون الاتحاد مع الهلال فازوا بأربعة

نجيب يقول بدون تعصب اجانب الهلال أفضل من اجانب الاتحاد كلمة يمين كلمة يسار

محمد الدعيع يا ليتك رديت ضربة الجزاء نفسي أفرح و لو مرة بضربة جزاء يردها حارس هلالي
ما هو السر .. الخوف مثلاً استبعدها و الله .. قلة الكفاءة ؟ كنت ترد مع الطائي ضربات مو ضربة

خالد عزيز .. الساخر الله .. الله يبعد عنك شلة السوء .. في حالتك اتمنى مشاركات المنتخب على مدار السنة

محمد بن فيصل ظهر و هو يتوعد بعد الهدف الرابع .. تتوقعون متراهن على النتيجة ؟

با كيتا العب باربعة اجنحة و خمسة اظهرة و حارسين .. يا شييييخ سو الي تبي
الي سويته فينا لا يصدق لا يصدق لا يصدق

من هلال 2003 الى 2004 الى 2005
يالله مسافات و أزمنة ضوئية تفصل المستويات في كل سنة عن اللي تليها

في مباراة الاتحاد نبيها عنقودية يالموهوب .. و ياســـر

كتيبة إعدام .. قنابل عنقودية .. صواريخ ارض جو بحر موعودين خير هالموسم بمشيئة اللـه

هل هلالك يا بلد *** و زاد خيرك و السعد

العذر و السمـــوحة على القصور ,, الهلال ما خلا فيها عقــــــل بس و ينكم يالجمهور ؟

لا زال النداء يتردد صداه في استاد الأمير فيصل