|
هذا هو كماتشو ياابو سارة !!!! بسم الله الرحمن الرحيم اولا : الف الف الف مبروووووك الفوز الكبير المقرون بمستوى الهلال الحقيقي اللي من زمان ماشفنا الهلال بها المستوى والروح ثانيا :كثر في الاونة الاخيرة كلام الاعضاء الموجه للمدرب وانه يحابي ان جلدته كماتشو على حساب اللاعبين المحليين والمقصود طبعا هو نواف التمياط انا لست هنا بصدد التقليل من نواف لان نواف لاعب لست انا الذي يقيمة ولكن بما ان الهجوم على كماتشو كان قويا وموجها وبما ان ابو سارة يعتبر الان هو من اشهر او اشهر كاتب في هذا المنتدى كان من ابرز من انتقد كماتشو بعد مباراة الوحدة وكان يطالب بما فهمته من خلال سياق كلامة بابعادة وان اميمته مشتاقه له وانا كنت صراحة كنت متحمس اني ارد عليه ولكن قلت كماتشو هو اللي بيرد عليهم لاني مؤمن بقدرات كماتشو وانه بالفعل الان هو الترمومتر والمحرك والقلب النابض للهلال فمتى ماكان كماتشو في الفورمة صدقوني ان الهلال بيكون توب ماشاء الله علية كنترول وتحكم خيالي بالكرة تمريرات من ماركة انت وضميرك فاولات عرضيات ولا تستخلص منه الكورة الا بفاول او انه هو يبي يتريق وهو رد على كل من انتقدة وبين لهم من هو كماتشو واما عن مباراة اليوم صراحة مستوى الهلال يطمن جدا جدا جدا من الدعيع الى ياسر الدعيع : ماشاء الله عليه مصحصح وبدى يرجع لمستواه المعهود الياس : والله بطل صراحة دفاعيا مسكت مسكت مسكت يعني اليوم جاب لهم ( الصمرقع ) مغطي خانته صح الخثران : كالعادة ماشاء الله عليه مشعلل الجهة اليسرى ومغطي خانتة صح المفرج : ماشء الله عليه توه راجع من اصابة ولكنه كالعادة مقاتل حماسي تفاريس : والله ياتفاريس ماهو هذا مستواك خاصة اذا قعدت تتفلسف ولكن لا زلت نجم البرقان : والله حرام هاللاعب احتياط واليوم تذكرت مقولة واحد من الاعضاء يوم لقبة ( بيرلو السعودية ) الغامدي : اللاعب المظلوم يحرث الملعب انطلاقات هجومية تغطية دفاعية يعطيه الف عافية كماتشو : يكفي كلامي اللي فوق الشلهوب : هذا الشلهوب موهوب هذا اللي اقدر اقولة ياسر : برافو يابطل ولكننا لا زلنا ننتظر اكثر داري اننا طماعين ولكن لاننا نعرف ان عندك اكثر تقدمة للهلال باذن الله جيلسون : قلتها ولا زلت مصر عليها لاعب مجهود فقط يعني يحرث الملعب ولكن بفائدة قليلة ولكن ننتظر الايام القادمة بيبين اكثر |
يعطيك العـــــافية ,, وأثبتـــا كمــاتشـو انـه المحتـرف .. الأول في السعودية بـعـد تشيكــو .. أمـا يـاســر اليـاس لاعـب دفــاعي فقـط .. ؟؟ أم الهجــوم .. يبيلهــا العصـفـور .. $$ |
يعطيك العافية صدوق الود إقتباس:
|
الحمد لله اني ما أنتقدت كماتشوا |
السلام عليكم .. .. كل نجوم الهلال اليوم مبدعين ومن كذا واحسن ان شاءالله وكل الاعضاء يبدون وجهة نظرهم ., وهذا كله يصب لصالح الزعيم |
كلهم رااااااااااائعين |
كبير ياكماتشو حرث المعلب في كل الأماكن خط الوسط مر عليـه كاملا الأجنحه حتى الهجوم لم يسلم منــه أن شـاءالله هذي رجعته للتألق من جديد بس الناس مايعجبهم العجب ولا الصيـام برجب لو هو سـامي الي منخفض طلعوا له ألف عذر وعذر وأقصد انا حبيبي أبو سـاره والمقصد انه أي لاعب ينخفض مستواه يعطى فرصـه سبحان الله صبرنا على المفرج فتره طويله حتى عاد لمستواه وعجزين نصبر على كماتشو كم مبـاراه ثاني شيء تشرك لاعب منقطع اكثر من سنه ونص على الملاعب على حسـاب لاعب منسجم بالفريق حتى لو انخفض بس الأنسـجام له دور لكن هذا العقليـات وأرضاء الناس غايه لاتدرك وتسلم على موضوعك |
اشكر لك كلماتك الرنانة يا حبيب البي يا فهووو وانشاء الله ماتنقطع عنا ونشوفك على طويل كفيت ووفيت مع كامل احترامي للاخ القدير ابو سارة تقبل فائق احترامي وتقديري يا سيدي عظيم مر من هنا ... s13s |
يسلمووووووووووووووو |
هههههههههههههههههههههههههههههههههههه شكل ابو سارة مستحي يا حبي له بس على فكره اخووي مجدت كماتشو حسستني انه حسن من لعب ولا كان الشلهووب اليووووووم شايل الفريق وهو اللي جد تيرمومتر الهلال,,,,, فالشلهوب هو من كان نجم المباراه ولا ينق من حق كماتشوو شي وجيلسون اعطيه بالميه تقريبا بين 85 الى 90 بالميه كان لعبه كويس,,واعتقد بحاجه قليل من الوقت بس لنحكم عليه مضبوط :> |
اضم صوتي لصوتك بالفعل كماتشو رد عى منتقديه من خلال هدفين ومستوى ولا اروع وهذا كماتشو هو الاعب الوحيد اللي اطمن لما تجي معاه الكوره يا بيسوي تمريره متقنه او بيفر وبيطلع مهاراته او يكسب فاول يعطيك الف عافيه |
نزيه المشاعر أزرق زعيم نواف ألمع المتعذب منكم المتغرب شكرا لكم على مروركم مجروح الهلال إقتباس:
ويعطيك العافية اخوي مجروح عظيم يا هلال إقتباس:
انواع الترقيص تصدق اني ماصدقت ان فيه احد يرد علي بهاللباقة :wallbash: والذوق ياذوق <<< مهوب وقت غزل :nono: يعطيك العافية حبيب قلبي على مرورك المـمــلـــوح إقتباس:
إقتباس:
إقتباس:
الشلهوب غير مهما مدحته ومهما تكلمت ماراح اوفيه حقه واتوقع الكلمتين اللي فوق توصف لك الشلهوب وشكرا لك على مرورك الكــلاسيكي يعطيك الف عافية اخوي على مرورك |
هـلا آند غـلا .. حاجز موضوع باسمي :d: لا عااادي صدقني تبقى وجهات نظر والاحترام والود موجود .. -------> أنت بس اطلع لي في الطلعه ويصير خير :wallbash: :wallbash: :d :d يا غالي .. ممكن تجاوبني :- كماتشو الشوط الأول مارأيك فيه ؟؟ عندما كان الأهلي مقفل ولا فتح ملعبه .. شفت كماتشو كيف يتبطح ؟ قسم بالله كأنه يغير زيت في ورشه كل شوي منسدح !! عموما أنا ليس بيني وبين المدعو كمتشو أي شيء .. سوى أنه هلالي لي حق نقده إذا أخطأ .. وله علي حق الإشادة إذا أجاد .. لكن الله يهدي الشلهوب ما خلانا نشوف أحد ثاني في المبااراة غيره .. عزيزي : تعرف وش أتمنى ؟؟ أتمنى في مباراة النصر الجايه أن كماتشو يبدع ويبدع ويجون اللي بالمنتدى كلهم ويقولون يابو سارة مامعك سالفه. ادع تكفى معي أنه يوم الجمعه يفشلني . في الأخير الأهم هو الهلال وليس ما أكتب |
جبتها على الجرح.. وابو ساره كبير دايم بس من الحب ماقتل وانا ضد التشكيك في لاعب هلالي وضد المتعصبين والمبزره .. اللي يطالبون بابعاد ياسر وكماتشو وباكيتا << الحمدلله على العقل بس ويسلمو خيو على الموضوع |
يا اخوان كماتشو فعلا لاعب كبير .. والله ثم والله انكم لو تشوفون اهداف الهلال الموسم الماضي نصها يا من تسجيله ولا من تصليحه .. مع ذلك ما عرفنا قيمته الا في آخر الموسم .. كماتشو لاعب نتيجة .. يغير لك النتيجة في اي لحظة .. ممكن يبقى طوووول المباراة واقف مكانه لدرجة انك تشك ان المدرب منزله يتفرج .. ولكن ممكن في لحظة يغير لك النتيجة .. يا بهدف أو تصليحة أو غيرها .. مع اني معجب في اللاعب ومهاراته .. لكن اذا ما كانوا كل الناس يشوفون مهاراته أكيد كلهم بيشوفون أهدافه وتصليحاته .. لأنها تسجل له في التاريخ على عكس المهارات .. شكرا لكاتب الموضوع وللأخ ابو سارة .. والأهم مصلحة الهلال :) |
| الوقت المعتمد في المنتدى بتوقيت جرينتش +3.
الوقت الان » 02:27 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd