إلى أصحاب المواضيع اللذين يطالبون الجمهور بالحضور .. حياكم
بسم الله الرحمن الرحيم
السلام عليكم ورحمة الله وبركاته .. وبعد
كلامي موجه إلى الجمهور بشكل عام
وإلى اصحاب المواضيع اللي يطالبون الجمهور بالحضور خاصه ...
قبل كل شي .. ما هو سبب حضورنا إلى الملعب ..؟
اترك الجواب لكم ..
اخواني اعزائي ..
اصحاب المواضيع اللي تطرح هنا في المنتدى .. ويطالبون الجمهور بالحضور ...
هل انت يا صاحب الموضوع تحضر للمباراة اللي تطلب من جمهور الزعيم حضورها ..
هل انت اول من يحضر ويساند ..؟
إذا كان الجواب بنعم .. اين انت في الملعب ..؟
إلى اصحاب المواضيع اللي تطالب الرابطه والجمهور بالاهازيج وتطالب الجمهور بعدم السكوت واشعال المدرجات ..
أين انت يا صاحب هذا الموضوع ..؟ هل تحضر إلى الملعب ..؟
إلى من يطالب الرابطه بتغير مكانها .. ووجودها بين الجماهير ..
أين انت يوم مباراة الزعيم مع القادسيه ..؟ الم يتم تنفيذ مطالبكم ..
أين انتم يا اصحاب المواضيع واصحاب الطلبات .. هل انتم تحضرون وتساندون والا بس كلام فاضي ..؟
عجباً لما يكتب ويقول انا بحضر وتحصله جالس في بيتهم ..؟؟!! شي غريب ..
معذور تغيب مباراة ثنتين لكن.... جميع المباريات فسمح لي انت ليس هلالي ..
انت تبحث عن النهايات فقط ..
انا اسف إذا جرحت احد بكلامي .. بس لازم كلام الحق ينقال ..
هل يعقل جمهور الزعيم بكامله .. وفي مباراة بحاجه ماسه له يحضر فقط الف الفين ..؟؟
شي مو معقول
احب اشكر اخوي الحقوي لحضوره واقول له يعطيك الف عافيه .. ويا جبل ما يهزك ريح ..
بصراح شي مو معقول جمهور
وما عندك احد ..
انا ماراح اتكلم عن نفسي ..
بس راح اتكلم عن اثنين شفتهم بعيني هم اللي قول وفعل اما الباقي ما عندك احد ...
ياخواني اللي خايف ع صوته تكفون لا يحضر ..
بصراح تجون للملعب وتجلسون ع المدرجات وتنامون ..
وتخدرون الرابطه معاكم ..
يا اخوان والله ودنا بحضوركم بس اللي بيجي ويحس انه حق رقص وهبال ونوم وسب
تكفى تك في بيتك احسن لك تخسر 20 ريال ع الفاضي ..
بصراح الوضع محرج .. وما ينسكت عنه
انا بصراحه مدري وش اقول وش اخربط بس هذا الكلام من القهر اللي فيني من جد .. شي يرفع الضغط ..
ومازال مسلسل سب الحكم والاعبين موجود بالمدرجات ... متى نتطور ونمسك لسانا ..؟؟
ما اقول الا الله يعطي العافيه لاعبينا ما قصروا .. والرابطه .. والمشجعين الاثنين اللي وقفوا مع الرابطه وساندوها والله ما اعرف اساميهم لكن اللي عرفته انه واحد منه موجود بالشبكه معنا ...
اتمنى من يطالب الجمهور بالحضور واشعال المدرجات ...
انه يحضر هو اول ويساند .. ويكون قول وفعل ..
يا هلاليه .. الزعيم بحاجتكم .. وشكرا لكل شخص يقف خلف هذا الكيان
سوا مسؤول كبير او صغير او مشجع ... او صحفي .. الزعيم لكم وانتم له فلا تبخلون عليه بوقتكم
والله يستاهل كل خير .. ويكفي انه الموسم اللي راح راضاكم ببطولات وبكم تستمر المسيره .. إلى المنصات
تقبلوا تحيات الشوق الازرق .. اخوكم طارق
واسف ع الاطاله