[CENTER]
مساكم الله بالخير :
يا اخوان يا حبايبنا الاعضاء اقترب موعد اعتزال اسطوره الكره السعوديه بصفه عامه ونادي الهلال بصفه خاصه (( يوسف الثنيان )).
وبصراحه ما شفت أي تحرك او استعداد او مقترحات من تنظيم الجمهور الهلالي للمهرجان بحيث انه مابقي على اقامته اقل من شهر .
وماشف من الاخ ابراهيم الحقوي الا وش نغني والا جيبولي اغنيه جديده مع احترامي لاخوي ابراهيم على كل مجهوداته يعني ما اشوف ابدا انه هذا استعداد ؟؟
الان اختلفت طرق التشجيع والمؤازره يعني يا اعلااااام كبيره او قصاصات او لوحات ملونه
يا اعضاءنا الاعزاء المباراه بتكون منقوله على مستوى الخليج والعالم العربي وراح تكون منقوله باسبانيا ويعني ما نبي ياخذون فكره الا طيبه وحلوه عن الجمهور السعودي . ونبي نشجع بافضل واحدث واجمل الطرق التشجيع .
للاعب يستحق منا كل الخير والحب والتقدير
بالامانه يا اعضاء ما تتمنون تشوفون هذا المنظر ونكون اول نادي عربي يطلع بهذه الصوره
(( صدقوني هذه فرصة العمر )) يا اعضاء فيه وقت ننسق ونستعد لهذة المناسبه .
بعض الاعضاء بيقول كيف نجيب هذه الاوراااق انا اقولك نتفق مع احد الشركات مثل شركه ((هاتريك)) او من نفس الشركه الي اتفق معاها الجمهور الهلالي في احد المباريات .
واذا على تكالفيها نكلم احد اعضاء الشرف او المشرف على شبكة الزعيم الامير بندر بن ثامر الي متاكد راح يتحمس ويتابع الموضوع لو احد عرضه عليه او الامير عبدالله بن مساعد ولو انه ما عنده وقت متكفل بكل المهرجان ماقصر او رئيس النادي او أي احد الامراء الي دايم يحضروون التمارين للفريق يعني ننسق معهم ويعطيهم فكره عن المشروع .
واذا ما شفنا تجاوب وين وقفات الجمهور الهلالي احنا بندعم وانا مستعد شخصيا بان ادعم بالي اقدر عليه وانا متاكد ان فيه اعضا راح يدعمووون ويدفعوون بس يطلع الجمهور الهلالي بهذا الشكل .
يالله يا اخوان نبي وقفتكم مع الزعيم وابو يعقووب الي يستاهل كل خير واتمنى من الاخوان في التنظيم الجمهور الهلالي النظر والتحرك بجديه في هذا الموضوع وتثبيت الموضوع مو لاني انا كاتبه وابي اشتهر ولكن انا متاكد من الاعضاء في بالهم هذا الموضوع بس ما كتبوا .
ابو يعقووووب قاعد يستعد واحنا نايمين في العسل
اتمنى التوفيق لابو يعقوب في حياته الاجتماعيه واتمنى من التنظيم النظر في الموضوع
واذا سوينا حركة التشجيع هذي صدقنا راح نقهر جميع الانديه لانا بنكون اول جمهور يسويها
تحياتي لكم