رجل ثوبه ملطخ بالدماء يطلب النجدة !!! - صفحة رقم 2 - نادي الهلال السعودي - شبكة الزعيم

الحاتمي · #16 22/11/2005, 07:15 PM

الـحـاتـمــي ..

مــر مـــن هـــنــــا ...

ويـقـول : ما قصرت والله يا هلالي الظهران واللي سويته لك عليه أجر

لكن في رأيي ولو كنت مكانك كان ( لقطت ) الرجال ما دام أنه فيه حياة و حتى لو هو مترنح لكنه يمشي ;)

و إذا وديته للمستشفى و سلمته لهم أروح أكمّل أي إجراء روتيني للشرطة أو المرور ..

والنقطة الأخيرة طبيعية لأنهم لازم يتأكدون من الموقف و ما دام إنك منقذ و ما سويت شئ فما عليك

أي خوف إن شاءالله ...

هلالي الظهران · #17 22/11/2005, 07:22 PM

يعطيكم العافيه جميعا على مروركم وتعليقكم.. بصراحه اسعدني اني رايت كثير من اليوزرات الغائبه وجميعها من الوزن الثقيل القادرة على انعاش المجلس من جديد..

احب اوضح نقطه.. انا ذكرت هالموقف من باب مشاركتكم الموقف واخذ ارائكم وليس من اجل ان اقف موقف البطل الشجاع.. اتوقع الغالبيه بيتصرفون نفس التصرف..

لي رجعة تفصيلية مع ردودكم جميعا..

عاشـ(الذيب و ياسر)ـق · #18 23/11/2005, 03:16 AM

تصرفك سليم ماشاء الله عليك , بس كان مفروض اتصلت بسرعة على الاسعاف بدل ما جلست تفكر ساعه

هلالي الظهران · #19 23/11/2005, 03:43 AM

الداوود

حياك الله مشرفنا العزيز ومنور المجلس..

إقتباس


	<<يمر بنفس الحالة الحين وكان بيسوي نفس الشي الحين لكن شكلي بأهون

سبحان الله ضيقة الصدر تمر على كل بني ادم:sad: ..

نصيحتي لاتهون بس لاتطب الهافمون ولا تقربه .. يمدحون الواجهه البحريه.

.

إقتباس


	هذا هو التصرف السليم والصحيح

الحمدلله ربي الهمني على هالتصرف..

حياك الله يا الغالي وشرفتني بردك..

الفيروسة الزرقاء

حياك الله ومنوره المجلس بعد الغيبه.. قلتي العشر الاواخر وعطيتي ولا شفنا لك خبر

..

إقتباس


	حمدلله ع سلامتك

الله يسلمك يارب..

إقتباس


	الله لنا ، إذا مليت وطفشت الساعه 1 وضاق صدري ، أنتظر حضرت أخوي متى يجي علشان يطلعني بالليل ... أما أنتمـ شغل السيارهـ وأمش لا تنتظر أحد !

احمدي ربك ان اخوك في خير ويطلعك.. بعدين وش هالطمع عندك السطح

..

إقتباس


	ماشاء الله عليهمـ فزعوا لك بالأخير ... ماطنشوك

اكيد.. الشرطة في خدمة الشعب

..

إقتباس


	ماهي إثباتاتك يافتى

انسان مافيه النوم.. زهقان .. زعلان.. فاتح درايشه .. منطرب مع ابو نوره.. توهق .. اسمي عمر .. رقم الجوال...

..

يالربع تكفون الحقوني قبل لا اجيب العيد:p ..

إقتباس


	لأ ماشاء الله تصرفك سليمـ ، والحمدلله قدرت تسيطر ع الموقف ...أشوى أنك ماتهورت ورحت ونقلته للمستشفى ، كان الحين أنت في سين وجيمـ ! عاد متى تطلع من التحقيق !

الحمدلله على كل حال.. اللي قلتيه اخر شي فكرت فيه

..

إقتباس


	ليه هالموقف يصير لك ----- ->> منقهرهـ منكمـ

ياشين اللقافه والغيره لا اجتمعوا:p ..

لا تنقهرين ولا شي .. طبي من الدريشه وسوي اكشن وبتشوفين نفس الموقف هذا ان قدرتي

..

منورة فيو ولا عاد تقطعينا من جديد..

فرصة ضايعه

يالله حيها زميلتي في المناوبة الليليه..

إقتباس


	أنا الصراحه في موقفك مافيه أمل أوقف .. << على بالها معها سياره

هذا بيكون تصرف اغلب الحريم واصحاب القلوب الضعيفة (<< اخس ياقوي:p )..

عادي مو لازم سياراه تخيلي انك راكبة سيكل ولقيتي ولد الجيران منقلب

..

إقتباس


	شي أكيد بس بتقعد تفكر في السالفه الله يعينك

سبحان الله هالسالفه الهتني عن الضيقة اللي كانت بصدري

..

حياك الله فرصوه ولاتنسين انوار الملحق..

الماسه الزرقاء

يالله انت تحييها اللي مانشوفها الا اذا شفنا فيو

..

إقتباس


	يمكن تصرفك كان سليم ,, وبكذا انقذت نفسك وانقذت الرجال بإذن الله ,, لكن .. لو كانت حالة الشخص مررررره خطيرة ومحتاج إنه يُنقل على طول للمستشفى أو يحتاج للإسعافات الأولية ,, ومافي وقت إنك تنتظر الشرطة تجي .. هل تخلي الشخص في حالة يرثى لها .. وتمشي في طريقك

بصراحه انا ما تجرات اقترب من هالشاب الا بعد ان اتت الشرطة لاني في الاساس لم اكن اعرف وضعه..

إقتباس


	ولو ما كان فيه ابراج للجوال .. هل بتتجاهل الشخص وعلى قولتك كأنك ما شفته وتمشي في طريقك

بصراحه لم يخطر في بالي هالسؤال وقتها .. وما اقدرك اجاوبك الان لان موقفي مثل موقفك..

إقتباس


	طيب .. هل فعلاً لو انقذت الشخص ووديته للمستشفى راح تورط نفسك ؟ إن كان فعلاً هذا صحيح .. فالمفروض إن المرور يعيدون النظر في آليات عملهم ,, للأننا سنفقد حينها الشهامة والشجاعة وإغاثة الملهوف طبعاً هذه التساؤلات ليست لك وحدك وإنما لنا جميعاً لأني اعتقد بأننا جميعاً سنتصرف كما تتصرفت أنت حتى لا نقع في سين وجيم كما قالت فيو .. ,

صدقيني اختي فكرت بتساؤلاتك ومالقيت جواب.. لانه لاقدر الله اذا صار له شي وانا احاول اسعفه وش بيكون وضعي.. او يمكن يتبلاني وانا ما اعرفه من الاساس..

باختصار.. ما باليد حيلة..

إقتباس


	هلالي الظهران .. أشكرك جزيل الشكر لسردك هذا الموقف ,, الذي جعلنا نفتح اعيننا على أمور لم نكن نفكر فيها

العفو اختي الماسة وشاكر مرورك الكريم..

الهلالي- ابوسارة · #20 23/11/2005, 06:27 AM

إقتباس

الرسالة الأصلية كتبت بواسطة هلالي الظهران


	احب اوضح نقطه.. انا ذكرت هالموقف من باب مشاركتكم الموقف واخذ ارائكم وليس من اجل ان اقف موقف البطل الشجاع.. اتوقع الغالبيه بيتصرفون نفس التصرف.

يا رجّـال خلّ عنا حكي الترقيص ...

والله انك بطل وستين بطل وبروسلي بكبره مايوصل مواصيلك:p :p

سـلـوتـو

افغانى وهلالى · #21 23/11/2005, 10:47 PM

بو ساره والله انك رووووعه وربى فطست من الضحك وانا اقراء قصتك هههه< راح تونه هههههههههه

وبلنسبه لموضوعك وش اسوى

وربى اول ماشوف اشياء مثل هذى على طول اخذ صندلى(الله يكرمكم) واغبر

ناقص مشاكل انا هههههههههههههه

تحايتى لك ولجميع الاعضاء

لوحة مميزة · #22 24/11/2005, 04:03 AM

وعليكم السلام ورحمة الله وبركاته .

أهلين أخوي هلالي الظهران

والله صحيح موقف صعب وأسلوبك بالتعامل معه تمام

يعني نتابع جريدة ((اليوم)) << حقت أهل الشرقية موب يعني اليوم يعني اليوم << حلها

يمكن يكون فيه خبر

تحياتي ..

هلالي الظهران · #23 24/11/2005, 04:06 AM

الهلالي الثقفي

إقتباس


	أخوي الغالي عمر أنت تصرفك مثالي و منطقي و زين سويت

حياك الله ياسر.. والحمدلله ع كل حال..

إقتباس


	أما أنا فجبت العيد مرة صار لي موقف مشابه لهذا

وسع صدرك وانا اخوك يا كثر اعيادنا بس:p ..

ياخي ما الومك دامك تعرف ان السالفه فيها طعن والثاني انحاش لان فيها مسئوليه اكبر بعدين انت كنت بحاره سكنيه يعني الناس حولكم واذا ما تصرفت انت غيرك بيتصرف

..

إقتباس


	و الله بيني و بينك أخوي عمر هالمواقف صعبة و كثير من الشباب الله يهديهم يتصرفون هيك تصرفات و لمن نجي للمشكلة نلاقي المخدرات من أهم أسبابها الله لا يبلانا ..........

انا اشهد انها صعبه.. الله لايبتلي مسلم بمخدرات او غيره.. بس احس انك يا في الحوية او الهنداوية

..

النادر

حياك اخوي عبدالله..

إقتباس


	بس الجو اللي سويته و انت طالع فيه بطل لا ابعد الحدود

وشرايك بس;) .. ابكتب مسلسل في القريب العاجل:p وبعرضه عليك وانت اختار اسمه

..

إقتباس


	اما بنسبه لسالفه و التصرف اللي قمت به يا هلالي فهو عين العقل اخوي لان فيه بعض الناس يشوف مثل هالحالات و لا يدري وش يسوي تلقاه يتركه و يخليه و لا يتصل على احد و يبلغ الدوريات تسلم يا هلالي على التصرف السليم اللي قمت به

الله يسلمك حبيب البي .. هذا اللي طلع معي وزين انه مناسب

..

abu_riman

حياك استاذي ابو ريمان.. اذا شفت معرفك احس ان المنتدى لسه بخير..

إقتباس


	الأخ هلالي الظهران ،،، فعلاً موقف محرج خاصةً في ظل ردة فعل الجهات الأمنية عند إغاثة المصاب ، و هي النقطة التي أشارت لها الأخت الماسه .. أؤيد الأخت الماسه فمن غير المعقول أن أكون مذنباً لمجرد أنني ساعدت أحدهم ، و قد عانيت شخصياً من هذا الموقف و لولا الله ثم المعرفة لتطور الأمر إلى حد لا يطاق .

هذا هو التصور الموجود لدى الغالبيه ولكن لا اتمنى ان يطغى هذا التفكير على الشهامة والمروءة ومالا يحمد عقباه..

إقتباس


	هذا ليس له علاقة بعملية الإسعاف فمن لا يعرف طريقة إسعاف المريض عليه ألا يغامر فكثيرة هي الحالات التي تطور ت خطورتها بسبب طريقة الإسعاف الخاطئة مع أنه عند وقوع الحادث تختلف التقديرات . أذكر أن أحدهم إن لم تخني الذاكرة اسمه " العنا " سقط من أعلى السلم إلى أسفله و سأكتبها هكذا ( يعني جا على وجهه من أول درجة إلى آخر درجة طبعاً أعتقد إنه كان مسرع الله يهديه ، و أذكر إنه يوم وصلني أسفل الدرج غير سليم و لا معافى و الحمدلله على كل حال أول جملة نطقها : من الحيوان اللي كاب ميه في الدرج ؟! طبعاً والله لا فيه ميه ولا فيه شيء بس من حر ما فيه الضعيف ؟! مشيتها له و قلت إي والله حيوان و لو ما خفت من الله يبلاني كان ضحكت عليه أقصد ضحكت عليه أكثر والله يستر ، طبعاً ما قدر يقوم و جو الأهل ورفضت إن أحد يلمسه لأن الطيحة بصراحة شينة و سريعة بديزني ما أحد يسوي مثله ، كنت أبي الإسعاف يجي بس تحت ضغوط الأهل و أنين بعض الناس و سرعة الإسعاف الخيالية عندنا جبنا شرشف و حملناه فيه و وديناه للاسعاف )

انا معك بهالنقطه.. الكثير من الوفيات والمضاعفات تحدث بسبب التدخل الخاطئ .. وللاسف نرى هذا يحدث كثيرا عند وقوع الحوادث .. شخصيا اذا رايت حادث والناس متجمهرين حوله لا اتوقف ابدا لان اغلب المتجمهرين يؤخرون اسعاف الحاله ويعيقونها اكثر..

الحمدلله على سلامة العنا والله يطول باعمار الجميع..

إقتباس


	الأخ هلالي الظهران أعتقد أنك وفقت في التصرف ، و لو أسعفته لأرضيت ذاتك و لكن قد تتعرض لبعض المساءلة ، و لكن أخي أود سؤالك و إن كنت لا تملك الإجابة ؟! ما شأن المرور بمثل ذلك ؟! هل كانوا يعتقدون أنه حادث مروري ؟! ثم كيف تتصل بالمرور و لا تجد إجابة ؟!

هذا من فضل ربي..

في لحظتها اول ما طرا على بالي اني ابلغ للمرور لاني بصراحه لا اعرف نوع الحاله ولم اواجه موقف يشابهه قبله ولكن عندما هاتفت المرور وابلغتهم بان الشاب ينزف اخبروني بان المرور والاسعاف قادمين وامرني بالا اباشر الحالة .. فهل تتوقع مني مخالفة امر السلطات..

ولكن عندما اتصلت في البداية ولم اجد اجابه بصراحه عجزت عن التصرف.. ماذا افعل اذا من عليهم المسئوليه لم يؤدوها فهل اقوم بها انا وهل ساجازى ام اعاقب؟؟

سلامي لك ابا ريمان .. واهلا بك...

دبل كيك

إقتباس


	هـلاااالي الظهـرااان .. نـفـس الحـااالـة اللي تجيــك تجينـي حـزااات .. خصـووصـااا بعـد السـاااعـة 12 ((تحـس مزااج كووور )) ... الإختـلااااف .. انت تمسـك خـط العزيزيـة .. انا اللـه ساااقني على خـط ابوحـدريــة ... تمتيـر إلى ابومعــن .. انت تسمـع أغاااني عشـااان ترووق ..انا تمسـك معي اهيـجـن لحااالي .. ومرااات مسحـوووب ...

حياك اخوي.. في حالات الضيق افضل حل تنفرد بنفسك لانه مهما شكيت لشخص مابيحس بحالتك..

ياشيخ ودي اعرف بس شلون مسكت على خط ابو حدريه

.. يارجل ما اتجرا امسكه في الاوقات العاديه تبيني امسكه تالي الليول:p ..

خل المهيجن والمسحوب لك.. حدي خط الهافمون وابو نوره..

إقتباس


	عـلـى طـاااري المسحـوووب .. مـرة صليـت الفجـر .. وأمسـك خـط ابوحـدريـة .. والجـو كـااان ضبـاااب .. بس ماااهو بنفـس الدرجـة يوم اني بتلـت دزداااام ..شوي معـد اشوووف من زوود الضبـاااب .. قمـت امشي على مهلي وانا منـزل قـزااز السيـااارة وادربي براااسي .. معد ينفـع القـزااااز .. وانا اهيـجـن بصـووت مرتفـع .. وربي مااادريت الا سيـااارة تمـر من جنبي .. متجااوزتني على مهلي .. شبـاااب .. ويصيحـوون علي .. يالموووســوووس ..

زين انها وقفت على موسوس

.. تبي الصدق انت مهو موسوس الا الموسوس

..

إقتباس


	نرجـع لمحـووور الموضـوووع .. وهو .. هـل ستوقف أم لن ستوقف (ااابووك يالفصيـح ) .. بالنسبـة لي منيب مـوووقفلــه .. ومنيـب مبـلـغ .. ميـر انفهـق عنـه ..ولااا شفـت ولااا سمعـت للـه ...للــه .. والسـبـب في بطنـي .. وكراااعينـي .. والكلـبـش ..

الظاهر اني غشيم:p .. ووقفت .. توبه ما اعيدها:p ..

إقتباس


	بعـديـن اللـه يعيـنـك .. حااالتـك تكسـر الخااطـر .. يبيـلـك تطـقـلـك خيمـة جنب مركـز الشرطــة .. ياااهي استدعـاااءااات بتجيـك .. وخطاااب وراا خطاااب .. وتحقيــق .. (عـز اللـه اللي منتب راااقـد ) ... امـزح معـك .. وانتبـه لاااتقفـل الجـوااال .. يقوولـوون بس .. مقـفـل جـوااالـه .. وراااه علـم ..

ينعن ابو دار ابليسك اللي فيني كافيني لاتوسوسبي.. ياشين هالمزح جتني ام الركب حق ابو ساره

..اما الجوال 24 ساعه على موجود..

إقتباس


	موقفـك ومصفـطـك سليــم .. شكلي ابحـوول من ابوحـدريـة للعزيـزيـة .. لاسمعـت واااحد يهيجـن اعرف انه أنـااا .. واللـه يعطيـك العاافيـة... حركـت الميـاااه الرااكـدة في المنتـدى..

والله احسن شي تسويه على الاقل خط العزيزيه به بشر ومحطات وقهاوي ومافيه ناس مغرزه ومهيجنه

..

واذا مربك واحد وانت تهيجن وقالك يا الموووسوس

.. هذا انا

..

الله يعافيك وتسلم على الرد اللي يشرح الصدر..

الهلالي- ابو سارة

ياخوك انتي صاير خوي .. بالطيب بالغصب .. فوق ولا تحت .. بشارع المحبين ولا المغرزين.. انت حبيب البي وماسك شعرة قلبي اليسرى << تراها محجوزه لك

.. الله يطول بعمرك يا راعي الكابريس والمشط الاخضر وخويك الي مكبر راسك

..

إقتباس


	اعنبوا بليسك يا ظهراني بيه مسكت بي خط ماهوب طبيعي انت وقصتك

اجل وصلت الاستراحه وعودت عند ابو ريان عند مخرج 12

..

إقتباس


	أخبر البداية جالس أضحك واحسب الدعوى كوميديا .. شوي وإذا بالموضوع يتحوّل بشكل ديموقراطي ( يسمع بالديموقراطيه ) إلى موضوع مثير ..

بكره تلقى اسمي مع فجر السعيد .. سيناريو وحوار هلالي الظهران .. معالجة ومونتاج دبل كيك

..بطولة الهلالي ابو ساره.. اخراج راجو كومار

..

هذي الدراما وانا اخوك;) ..بس المره الجايه بنختار شابه .. وبما انك البطل الاختيار على ذوقك

..

إقتباس


	شوي .. إلا وأقرأ: رجل يخرج من بين الاشجار وهو مليء بالدماء شهقت وابعدت مترين عن لاب توبّي وحسيت أني محتاج الوالده ولسان حالي يقول: حسبي الله على هالظهراني وش ناوي عليه وين بيوصّلني

ياشيخ اروح مع الاندماج .. ودك كان اقول البقيه في الحلقة القادمه .. ثمن تجيني الخاص وتقول تكفى علمني الباقي واعطيك اسمي الرباعي

.. اقولك بشرط اسدسكم .. ثمن تقول لا.. فاقولك للاسف تلحط مع بقية الخلق

..

إقتباس


	بـ صراحه موقف لا تحسد عليه .. والله يشفي الرجال اللي تقول مليان دم .. تصرّفك أعتبره شجاع جدا .. جدا .. جدا .. والدليل ألو لوه ( ياشيني صح )

ايه صح.. كنت اسولف مع ابتسام

..

إقتباس


	يقول الشاعر: موقف يجّر موقف .. وسالفة تمحط بـ سالفه ..

ابو ساره يقربلك ابن شفلعة

..

إقتباس


	وانت ذكرتني بموقف حصل لي وانا طالع الساعه ثنتين ليلا من استراحتنا اللي انت خابر والزكرتيه اللي فيها استراحه بين استراحات كثييره وكلها أجار وعزابيه وحووسه

هالمره بطريق الثمامه او القصيم

..<< حالف الا يجيب عنوان الاستراحه;) ..

ياحبك للحوسة والخمبقه يا لغووصي:p ..

إقتباس


	قلت هذا واحد من اثنين : 1- جاي يبي توصيله او حاجه او غرض او اشتراك لسيارته ( وهذي استبعدتها ) 2- جاي يسرقني أو يقتلني أو ..... ( كلّه عاد الا الشرف ) والله ان ام الركب طقتني ولا عاد أدري وين الفرامل من دوّاسة البنزين ( نسيت السواقه وقتها ) ..

شدعوه جاي يقتلك .. ابو مصعب الزرقاوي ع غفله ورازعين على قذلتك wanted

.. شكله كان يدور رابع

.. وانت صاج كله الا الشرف يا لؤي

..

إقتباس


	يوم اقترب من قزازة السيارة طاح !! فتحت الباب وأثر الرجال يصيح ويوّن وطلع شاب يمكن عمره 17 أو 18 سنه .. مطعون في اليد ووجهه أنواع الزراق والخضار .. يعني تشوفه تحلف بالله على طول أنه مطقووووق طق ملعون أبو خيّر ..

توارد خواطر يابو ساره.. بس الا تقول صح.. ثوبه صاير لونه احمر من الدم.. قل صح .. وابشر بالعوض.. مشط يحبه قلبك

..شاريه من بسطة نورير راعية الشروخ

..

إقتباس


	فــجــأة !! .. أبرقت السماء وأرعدت .. وطلعت بين السحب صورة جدي الله يرحمه وقعد يصرخ: أخس عليك ياولدي يابوسارة ماهقيتها منك فضحتني بين الشيّاب الميّتين معي

شكل جدك طقته الغيره من جدي يوم شاف حفيده نشمي;) .. بس ما عليك منهم هم يدبرون نفسهم .. كلن يعطي الثاني من الرخيص

..

إقتباس


	المهم طلعت سالفته كالآتي : جالس في استراحتهم ( حولنا ) هجموا عليه كم واحد .. لعنوا مندوبه ودبجوه مسكين .. سرقوا اسيفر الاستراحه على كم دبّة غاز ألف ريال كانت معه وخذوا مفتاح سيارته وسرقوها وراحوا وخلّوه مغشي عليه ساعتين لين صحى مشى ولقاني في دربه

ياخي لا تعور قلبي.. يلعن ابليسهم يطعنوه على رسيفر.. بعد هو الظاهر مسوي زورو ويبي يقاومهم بلحاله .. لو انا مكانه اقولهم يالله ربطوني وخذوا اللي تبون:p ..

مثلك خابر يابو ساره .. الحله نص المرجله .. والنص الثاني النحشة

..

إقتباس


	همسة ساخره:- لما كان الولد بين الحياة والموت .. قال الشرطي: ترى لو حصل له مكروه او مات مانعرف الا انت !!! قلت: انا فاعل خير.. قال: بلاك خبل !! أبلشت عمرك كان رحت وربّك يتولاه (( جعله منيب قايل )) عموما مشكور عالموضوع والظاهر ان ردي طلع اطول من موضوعك بس السموحه سبحان الله اللي أحبهم أقطّ معهم في مواضيعهم

صدق انك خبل.. بس قولي هو ما سالك وين تفصل ثيابك

..

مو معقوله.. لا لا مو معقوله .. عن جد مو معقوله..

انتهى رد ابو ساره

...

يا حبيلك ياشيخ .. ابو ساره كان لك جميل عندي وعن جد كنت محرج منك بس الحين خلاص.. تذكر موضوعك الاخير ويوم ترد مرتين.. قسمن ان وجهي طاح تلك المره..

واذا انا استحق اقتباس فاخر فانت تستحق مواضيع خاصه فيك لكن افلقني مره ثانيه ان كان نزلت موضوع

..

لي عودة مع البقية

نـــــــ15ــــــمر · #24 24/11/2005, 04:21 AM

هلا بهلالي الظهران
هلا بطلاب الجبل كلهم

كان دقيت علي وعطيتني خبر اطلع معك علشان اعيش مثل هالموقف
لاكن اهنيك والله اخوي هلالي على تصرفك الحكيم
ووالله لو اني مكانك ابسوي مثلك

على العموم يالغالي
تصرفك ممتاز
والشيء الثاني
خلاص لاتهتم ولا تفكر بالموضوع

وتشــــــــــــــــــــــــــــــــــــــــــــــــــاو

فتى الحروب · #25 24/11/2005, 09:38 PM

هلا والله بالغالي / هلالي الظهران ..

أهنئك على هذا الأسلوب الرائع في سرد الجريمه

..

بس والله عدك تروح فيها أنت وخشتكـ

..

الحمدلله ربي ستر عليك

..

وإلا كان ذحين السجن كله زيارات لكـ

.. بينقلب سوق

لو أني منكـ لأكمل عليه وخلصنا

... ليش مايطب على غيرك

.. بس حط حرته فيكـ

..

يعني يبي يحرمنا منكـ ومن مشاركاتك الرائعه والجميله والرومانسيه

وإلخ..

بس الحمدلله .. خلاك ترجع لنا بموضوع .. بعد مافقدنا طلتكـ الرااائعه..

تحياتي لكـ يالغالي..

ولاعاد تتعودهــا

يعني في سائه 12 ليل مافي روه برا بيت

.. تجلس تنطق على سريرك

إلى أن يأتيكـ النوم

..

&&^^تحياتــــي^^&&

محبوبة الزعيم · #26 25/11/2005, 01:49 AM

.

... هلالي الظهران ...

إقتباس


	السلام عليكم ورحمة الله وبركاته

... وعليكم السلام ورحمة الله وبركاته ...

إقتباس


	الله لا يصبحكم ولا يمسيكم الا بكل خير

... أشوى ... توقعتك بتقوووول شي ثاااني ... بس عدت على خيييير !!

إقتباس


	[ مدخل] اتمنى قرائة الموقف حتى نهايته ثم ابداء ارائكم حوله..

... تبغى السرااااحه أنا قريتها من النهايه إلى البدااايه ...

… لآني توقعت السولااااافه تسحيبه ...

إقتباس


	في مساء اليوم تقريبا بحوالي الساعه الثانية عشر والنصف شعرت ببعض الملل وضيقة الصدر .. وكعادتي في مثل هالموقف أشغل السياره واخرج ادور في الشوارع حتى ارتاح قليلا ..

... والله إني أرحم سياراتكم ... دائماً تحطووون حرتكم فيها ... >>> مو غااايره أبدن أبدن

... أما إنا مساكين ... إذا جتنا هذي الحاله المذكوره أعلاهـ ... فتأكد إن أحد هالثلاث الأشياء رح تقع لااااا محاله :-

يــــا .... أرووح وأتصارع مع مخدتي الحبيبه إلى أن أذهب في سباااات عميق ..!!!

ويــــا 2 ... أرووح عند مامي وأقرقر على رااااسها كلااااام من هنا وكلاااام من هنااااك ... طبعا الكلاااام غير صالح للنشر ..!!! إلى إن تعدي الازمه ...

ويـــــا 3 ... تضرب فيوزي وأروووح أفرغ على أحد اخواني ... وأنواااع الهواااش وتصير حروووب داحس والغبراء ... ولاااا أنسى إذا كان أحد جالس يشووف التلفزيوون في أمان الله وكان مو عاجبني اللي جالس يناظرهـ ... على طووول وبدوون تفاهم أرووح عند الطبلووون وأقفل الكهرباء عليه >>>> أنواااااع النذاله ..!!!

... طبعا بيحدث شي لااااا تحمد عقباهـ وأروووح فيها ... بس يلاااا أنا اللي غلطانه ...

إقتباس


	تقريبا في خلال 20 دقيقة وصل الاسعاف واخذوا معهم.. وطول هالفتره تتوافد سيارات الشرطه بشكل كبير جدا .. عدد سيارات

يؤيؤيؤ ... مسكين بزياااادهـ تأخروا ... لو صار له شي لاسمح الله ..!!
... بصراحه حسيت أن الامر كان مرررهـ بطيئ ...

إقتباس


	اثباتاتي ورقم جوالي وقال اذا بغينا شي منك اتصلنا عليك وانت بامكانك الحين تمشي

... الحمد الله عدت على خيييييير ...وجت سليمه ...

إقتباس


	وهذي ياطويلين الاعمار كل السالفه .. رجعت للسكن وحرمت اطلع مره ثانيه في هالوقت بلحالي .. طبعا النوم مافي امل يجي هالحين .. قلت خليني افتح النت وامحط السالفه

... الله لايلومك ... من جد شفت فلم آكشن على الطبيعه على الهواء مباشره ...

إقتباس


	هالحين .. قلت خليني افتح النت وامحط السالفه

... محط يمحط تمحيطا ... ويقال تمحيطا مفعووول مطلق ...

إقتباس


	لكن السؤال.. ابي كل واحد يحط نفسه مكاني وشلون بيتصرف؟؟ وهل فعلا تصرفي كان صحيح؟؟

... بصرااحه أتوقع تصرفك سح 80% ...

... وعن نفسي ... ما أتخيل يصير لي هالموقف وإن شاء الله مايصير أبدا... وإن شاء الله ما أشوووف هالاشياء ...
... أول شي بحط رجووولي من الخوووووووووف ... ويمكن مع الموقف ما رح أقدر أتحرك ...
... وبعدين دموووعي بتنزل غصب عني ورح أتحسر عليه وما أعرف أتصرف ...
... وإذا خلاااااص وصلت معاااي ومااااافي غيري في هالموقف ... بروووح أتصل على أول رقم بيطلع لي وأطلب منه يجي يتفاهم ... وإلا أقووول له وش أسوي ...!!
... وما أتوقع إني قدها ... يكفي منظر الدم ... يمكن الاسعاف اللي بيجي ياخذ الشخص بياخذني معاااااهـ ...

إقتباس


	واعذروني على الاطاله وعلى الاسلوب الركيك في الكتابه..

... خلااااااااااص مسامحينك ... بس لاااااا تعودهااااااا مرتن سابقه ...!!

إقتباس


	فمان الله

…لقايوناااااااااات…

... والحمد الله على السلامه ...

.

مجنون سام · #27 25/11/2005, 02:48 AM

هلالي الظهران الصرراحة ااقول الا اللي سوويته عين الصواب

احسن لك ولاتمشكل روحك بسين وجيم

ولاتطلع اخر الليل ترا ماوراها الا المشاااكل

تحياتي لك

هلالي الظهران · #28 25/11/2005, 04:12 AM

البارق 2000

اهلا وسهلا مشرفنا العزيز.. نورت استاذي بعد هالغيبة الطويلة..

إقتباس


	مرحبا بك أخوي هلالي الظهران .. والله موقف لا تحسد عليه ..ولكن تأكد إن ضيقة الصدر اللي جتك وخلتك تروح لطريق العزيزية كانت خيره للرجال المطعون ..والحمد لله إنها جت على كذا ..

سبحان الله العظيم.. هذي ارادة الله..

إقتباس


	وما شاء الله هالموقف فجر لنا كم موضوع داخل موضوعك فشكرا جزيلاً لك ..

العفو استاذي..

إقتباس


	والله لا يوريك مكروه .. تحياتي لك ،،،

اياك وجميع المسلمين.. اهلا وسهلا..

عزوز الازرق

إقتباس


	وانا حاولت احط الموقف من البداية خصوصا ونفس وسائل الترفيه متاحه " الطلعة بالسيارة اخر الليل" لكن فيه فرق اني غالبا اكووون مع ابو حميد "النصراوي" >>>>نقلب سوالف ونطير زهق _حسبي الله عالحب _

زين ان الدعوه ترفيه .. اما عني فالمساله تنفيس..

إقتباس


	المهم من الاخر ... الحمدلله ماقد صارت لي المشكلة ديه ولله الحمد .. لكن انا حطيت نفسي فالموقف ورحت في يدها ... شوف حبيبي اهم الخطوات اللي باتخذها /: 1/اقرا المعوذات وافرك عيوني مثلك ... 2/اذا لسا موجود اتمعن النظر بالرجااااااال زين ... زين فاذا كان ضعيف واقدر فيه باوقف عنه مسافة عشرة متر واحط السسيارة في وواحد واحاول اكلمة ... 3/ اذا كان يستاهل المساعده بوقف وافضي السيارة واشيله ثم ادق على المرور و الاسعاف والاطفاء وكل الــ99 ..والي يسير يسير يا تحقيق وياما جاوبنا على س / ج في المدارس يعني مو عاجزين عنها في القسم ... وماراح اخلي الرجااااال يموووووت فاتحمل الذنب ومن احياء نفسا فكانما احياء الناس جميعا ... >>>>>>>>> اخس يالقوي

تصرف مقبول ولكن التهور ربما نتائجه تكون باهضه ..

عوافي ومشكور على مداخلتك اللطيفه..

دبل كيك.. مرتن اخرى

..

إقتباس


	ذكـرت في ردي : نرجـع لمحـووور الموضـوووع .. وهو .. هـل ستوقف أم لن ستوقف .. بالنسبـة لي منيب مـوووقفلــه .. ومنيـب مبـلـغ .. ميـر انفهـق عنـه ..ولااا شفـت ولااا سمعـت للـه ...للــه .. والسـبـب في بطنـي .. وكراااعينـي .. والكلـبـش .. بمـااا انك حثيتـنـي ابوسـااارة .. وانـااا اللي كنـت ابي استـر على نفـسي .. ورمـزت لما تعرضـت إليـه بالرمـز .. بطنـي .. كراااعينـي .. الكلبـش .. فهـي مدلوولااات لتكفيــخ حصـل لـي من قبـل أفـراااد الشرطـة حفظـهـم اللـه ذخـراً (تجينـي رجفـة مـع طاااري العصنـكر ) ... فـي أحــد الليـااالي المصحـووبـة بالرطـووبـة الهاااالكـة .. سمعـت أن الهـروولـة بذا الجـو صحـيـة .. وخصـووصـاً اني قاااطع الدخـااان .. وابي اسـوي تصفيــة للــدم ...واللـه وأدربـي براااسي واطـق هااك البـدلــة والكنـااادر .. وعلى احـد المخططـااات المظلمـة .. في زاااويـة ذلك المخطـط .. كبـري يبعـد مسـااافـة .. واللـه مهيب قريّبــة .. حوااالي السـااعـة 11 تقريبـااا.. دحـدرت ددسـن بشكـل مفااااجئ ... واللـه وأدق على الطوريـاااات .. (الدوريـااات) .. وابلغـهـم .. ما أمـداااني اتصـل .. إلا الدوريـااات اثرهـم مطااارديـن راااعي الددسـن .. نزلــوا من الددسـن اثاااريهـاا نشبـت بشجـرة .. او قشعـة .. المهـم .. بعـد مافقـدوا الأمـل ان السيـااارة تتحـرك .. ينـزلـووون ركـض .. وطـردي .. مابيـن مكـاان الددسـن اسفـل الكبـري .. والمخطـط .. شبـك .. يطمـرووونـه .. وتصفـط الدوريـااات .. وطردي وراااهـم .. انا يوووم شفـت المـووقف ذااا .. وربي ركـض معـاااهـم .. مااا يمديهـاا تفاااهـم .. واللـه وأنا اللي أركـض ركـض ماااركضـت مثلـه بحياااتي .. التفـت مع الظـلاااام .. ماااشـووف شي .. مااغير اسمـع خبـط رجليهـم .. ويصـاارخـوون وقـف .. وقـّـف ..ول تـرااا بنطـلق النـااار .. واللـه يووم سمعـت طااري طلـق .. وانا ابـرك مكاااني .. وهاااتك .. تكفـيـخ .. وطراااقـاات .. كلبشـوووني .. وانا اصيـح .. يااااهووه .. ياااعاالم .. انا مبـلـغ .. ماالي علاااقـة .. على كـم رفسـة بالظهـر .. شوي الا صااايديـن واااحـد من اللي انحاااشـوا .. وسـألـووه .. هـذاا معـك .. انا قلـت بس .. لايقـوول ايـه واقعدبهـااا .. قااال : لاا مهووب معنـااا .. واقتنعـوااا اني بلغـت .. شوي الا جااايبيـن خوويـه الثاااني .. وسجلـواا معلـووماات عني ...وفكـووني .. شـووي .. قلـت ابي رد اعتبـااار .. رد علي عسكـري .. انت توكـل على اللـه .. واحمـد ربـك ..

..

<< تسدح عليك من الضحك وفي خاطره يقول احسن

..

اولا على البركه انك قاطع الدخان .. والحمدلله مافي اثر طلق رصاص في فخذك او كوعك او كرشك..

انا لو منك ما وقفت لهم .. سو دبل كيك على حركة ماتريكس وانحش منهم يا الرياضي

..

بعدين وانا اخوك هالمواقف جميلة

.. حتى اذا كبرت تسولف لعييلك ماهوب تتوهق بعدين:p ..

اخوي اسمحلي اقولك انك نموذج للشاب السعودي

.. وشلك واللقافه وتطارد وراهم.. يقربلك زورو:p ..

إقتباس


	مـن بعـدهـااا .. تـوووبـة ادق على الشـرطـة .. او المـروور .. مهمـااا كـااان ... هـلاااالي الظهـرااان .. مووضـووعك فلـة حجاااج وسعـة صـدر .. واللـه يعطيـك العاافيـة ..

صدق انك ماتلعب.. مافيه حل وسط .. دق على الشرطة بس مافي تلعب دورهم:p ..

الله يعافيك.. والله انا اللي استانست معك وعليك

.. حياك الله..

ذيب الدواسر

مشكور على مرورك اخوي..

الحاتمي

إقتباس


	الـحـاتـمــي .. مــر مـــن هـــنــــا ... ويـقـول : ما قصرت والله يا هلالي الظهران واللي سويته لك عليه أجر

هلالي الظهران

مر من هناك.. من عند الاطخم

..الحاتمي..

ويقول الله يعافيك وعقبالك

..

إقتباس


	لكن في رأيي ولو كنت مكانك كان ( لقطت ) الرجال ما دام أنه فيه حياة و حتى لو هو مترنح لكنه يمشي و إذا وديته للمستشفى و سلمته لهم أروح أكمّل أي إجراء روتيني للشرطة أو المرور .. والنقطة الأخيرة طبيعية لأنهم لازم يتأكدون من الموقف و ما دام إنك منقذ و ما سويت شئ فما عليك أي خوف إن شاءالله ...

والله وانا اخوك حدي اللي سويته.. واذا انت قلبك اقوى فهذا خير من الله لكن المخاطره عواقبها امكن تكون اسوا.. والقصص كثييره في هذا الموضوع..

الحاتمي تفاؤلك جميل ولكن يبدو لم تمر بتجربة مع المرور وتحقيقاته.. تحياتي لك..

هلالي الظهران · #29 28/11/2005, 04:33 AM

عاشـ(الذيب و ياسر)ـق

إقتباس


	تصرفك سليم ماشاء الله عليك , بس كان مفروض اتصلت بسرعة على الاسعاف بدل ما جلست تفكر ساعه

حياك اخوي.. ياخي خلني ساكت ازين.. المفروض عندنا زي 911:p رقم موحد..

يعطيك العافيه..

الهلالي-ابو سارة

إقتباس


	يا رجّـال خلّ عنا حكي الترقيص ... والله انك بطل وستين بطل وبروسلي بكبره مايوصل مواصيلك

يا ناس وش جابه ذا.. ابو ساره لازم من حكي الزركشه اللي يحبه قلبك.. مو بكل الناس مثلك تاخذها بسهاله .. في هذا الموضع بالذات لابد من الثقل..

ع فكره جيمس بوند عرض علي امثل معه بس بصراحه ماعجبني سيناريو الموقف

..

افغانى وهلالى

عوافي اخوي.. احس انك فاهم التونه غلط بس مش حالك .. تصدق النحشه زينه لناس كثير

..

يعطيك العافيه..

لوحة مميزة

إقتباس


	أهلين أخوي هلالي الظهران والله صحيح موقف صعب وأسلوبك بالتعامل معه تمام يعني نتابع جريدة ((اليوم)) << حقت أهل الشرقية موب يعني اليوم يعني اليوم << حلها يمكن يكون فيه خبر

هلا براعي اللوحه اللي له فتره ومختفي.. انت علمني بس من مزعلك وانا اتوطا في مندوب ابليسه;) ..

ياخي انا قاطعت الجريده لانهم ما سووا تغطيه مباشره للحدث

.. واذا تبي تشتري اليوم السالفه راحت عليها كم يوم وامكن تلاقي الخبر في جريدة اليوم ذاك اليوم

<<< حلها من جد الحين

..

يعطيك العافيه لوحه ولاتحرمنا من هالخشه

..

نـــــــ15ــــــمر

هلابك اخوي.. يرحم امك ارحم الطلاب شكلك مطير الافرج عليهم..

خلاص المره الثانيه ابعطيك خبر لا تشيل هم

ولا باصور الموقف وبحطه في الشير ولا على الافرو بوي

..

يعطيك العافيه

خالد3333

إقتباس


	هلا والله بالغالي / هلالي الظهران .. أهنئك على هذا الأسلوب الرائع في سرد الجريمه ..

هلا فيك اخوي.. جريمه

.. يرحم ابوك لا تطري لي هالسيره قمت اتنافض

..هد اللعب وانا اخوك..

إقتباس


	وإلا كان ذحين السجن كله زيارات لكـ .. بينقلب سوق لو أني منكـ لأكمل عليه وخلصنا ... ليش مايطب على غيرك .. بس حط حرته فيكـ .. يعني يبي يحرمنا منكـ ومن مشاركاتك الرائعه والجميله والرومانسيه وإلخ.. بس الحمدلله .. خلاك ترجع لنا بموضوع .. بعد مافقدنا طلتكـ الرااائعه.. تحياتي لكـ يالغالي..

يا زين هالرد السنع اللي يفتح النفس ويكبر الراس الين يصقع السقف ..

احرجتني يا بعدهم .. وجهي تشقق من كبر ضحكتي .. ياشيخ وينك من زمان

..

يعطيك العافيه حبيبي..

محبوبة الزعيم

إقتباس


	... أشوى ... توقعتك بتقوووول شي ثاااني ... بس عدت على خيييير !!

هوا انا ائدر:p ..

إقتباس


	... تبغى السرااااحه أنا قريتها من النهايه إلى البدااايه ... … لآني توقعت السولااااافه تسحيبه ...

بالله طالعي في ذي الخشه البريئه:p .. بالله هذي راعية تسحيب

..

إقتباس


	... والله إني أرحم سياراتكم ... دائماً تحطووون حرتكم فيها ... >>> مو غااايره أبدن أبدن

اقول بعطيك لفه بس لا تقرقين على راسي

..

إقتباس


	... أما إنا مساكين ... إذا جتنا هذي الحاله المذكوره أعلاهـ ... فتأكد إن أحد هالثلاث الأشياء رح تقع لااااا محاله :- يــــا .... أرووح وأتصارع مع مخدتي الحبيبه إلى أن أذهب في سباااات عميق ..!!!

انا اذا جيت انام لازم احضن الابجوره..<<< يقاله رومنسي:p ..

إقتباس


	ويــــا 2 ... أرووح عند مامي وأقرقر على رااااسها كلااااام من هنا وكلاااام من هنااااك ... طبعا الكلاااام غير صالح للنشر ..!!! إلى إن تعدي الازمه ...

شلون يعني غير قابل للنشر

.. اوردي مثالا..

إقتباس


	ويـــــا 3 ... تضرب فيوزي وأروووح أفرغ على أحد اخواني ... وأنواااع الهواااش وتصير حروووب داحس والغبراء ... ولاااا أنسى إذا كان أحد جالس يشووف التلفزيوون في أمان الله وكان مو عاجبني اللي جالس يناظرهـ ... على طووول وبدوون تفاهم أرووح عند الطبلووون وأقفل الكهرباء عليه >>>> أنواااااع النذاله ..!!! ... طبعا بيحدث شي لااااا تحمد عقباهـ وأروووح فيها ... بس يلاااا أنا اللي غلطانه ...

تقفلين الطيلون مره وحده .. يلعن ابو خير ابليسك ناويه تقلبين هواش مع البيت كلهم .. في ناس نايمه وتطفين عليهم المكيفات وفي ناس تتروش وتقطعين المويه عليهم

..

إقتباس


	... الله لايلومك ... من جد شفت فلم آكشن على الطبيعه على الهواء مباشره ...

بدينا في الغيره من الحين;) ..

إقتباس


	... بصرااحه أتوقع تصرفك سح 80% ... ... وعن نفسي ... ما أتخيل يصير لي هالموقف وإن شاء الله مايصير أبدا... وإن شاء الله ما أشوووف هالاشياء ... ... أول شي بحط رجووولي من الخوووووووووف ... ويمكن مع الموقف ما رح أقدر أتحرك ... ... وبعدين دموووعي بتنزل غصب عني ورح أتحسر عليه وما أعرف أتصرف ... ... وإذا خلاااااص وصلت معاااي ومااااافي غيري في هالموقف ... بروووح أتصل على أول رقم بيطلع لي وأطلب منه يجي يتفاهم ... وإلا أقووول له وش أسوي ...!! ... وما أتوقع إني قدها ... يكفي منظر الدم ... يمكن الاسعاف اللي بيجي ياخذ الشخص بياخذني معاااااهـ ...

ويلومونا لا قلنا لكم انطقوا باليت

..

…لقايوناااااااااات…
... والحمد الله على السلامه ...

الله يسلمك.. الحمدلله مابغى يخلص ردك

..

مجنون سام

حياك الله اخوي.. ويعطيك العافيه وابشر ما عاد اتعودها