|
حصــــاد الصــــيف الأخباري .. (الجزء الأول ) بسم الله الرحمن الرحيم أعزائي أعضاء شبكة الزعيم أسعد الله أوقاتكم بكل خير هذه طائفة من حصاد الصيف الإخباري ( الجزء الأول ) سنقوم بتقديمها لكم وسيتولى تقديم الجزء الثاني في الاسبوع القادم الأخ جدار الطين نيابة عنا نظرا لاستعدادنا للسفر إلى خارج المملكة بعد غد إنشاء الله في مهمة عمل لن تستغرق طويلا للأسف .. هذا وبإمكان الأخوة الأعضاء المشاركة بآرائهم ومقترحاتهم عبر بريد البرنامج الإلكتروني أو الاتصال عبر الهاتف المجاني للبرنامج والمكتوب في أسفل الشاشة… @@@@@@@@@ إيقاف الكاتو والثنيان : أجتمع المتسلط وصاحب القرارات التعسفيه في الأتحاد الأسيوي المدعو (فلبو ) مع بعض الإمعات من زمرته في ليلة من الليالي على ضوء ( البدر ) وبإحساس ( رهيف ) وهمة (همام ) أتفق المجتمعون على إصدار قرار جائر وظالم و (مدبول ) يقضي بإيقاف ( ثنائي ) الهلال لمدة عام وللأسف مر هذا القرار على الهلاليين مرور الكرام دون اتخاذ أي إجراء (سعودي ) ( مشرف )!!! @@@@@@@@@ الاتجاه المعاكس : في حادثة لم يتعودها الجمهور الهلالي أقدمت جريدة الجزيرة على تبني أفكار قناة الجزيرة القطرية الداعية إلى هدم الكيان العربي من خلال برنامجها الاتجاه المعاكس ولكن بشكل مصغر حينما حاولت زعزعة الكيان الهلالي وإثارة الفتن والتفرقة داخله بعد نشرها لمقابلة اللاعب فيصل أبو اثنين والتي هاجم فيها الكابتن فهد المصيبيح دون مبرر إلا أن الأستاذ فهد وبهدوئه المعهود استطاع لم الغسيل من فوق حبال الصحافة !!! @@@@@@@@@ تدخل سريع ومباغت لقوات الصاعقة الهلالية : كعادتها الدائمة أقدمت قوات التدخل السريع على تنفيذ عملية خطافية وشجاعة تمثلت في تخليص ( الشاعر البرتغالي ) المأسور والمحتجز في المحمية المجاورة لمدينة الرياض .. وقد تمت هذه العملية عن طريق الإنزال المضلي لقوات الصاعقة الهلالية داخل المحمية بواسطة طائرات الاباتشي الزرقاء مما تسبب في فزع حمير المحمية حيث بدأت بالنهيق المزعج !!! إلا أن مسؤول المحمية بادر كعادته باتخاذ الإجراءات الوقائية والوقتية وقام بحقن الإبر المهدئة واللازمة لإسكات الحمير لبعض الوقت لحين النظر في أسباب ومسببات هذا الاقتحام وبعدها( لكل حادث حديث) !! بعدها تقدم مسؤول المحمية بشكوى عاجلة وبطريق الخطاء إلى مكتب العمل والعمال السعودي بدعوى أن الهلاليين بفعلتهم هذه قد اقضوا مضجع الحمير داخل المحمية وقد كان مصطحبا معه أحد الحمير ( الكديش ) الذي لم ينهق منذ عدة أشهر !! إلا أن هذه الدعوى قد إسقطت لكون الهلاليين لم يتجاوزوا الأنظمة الغير مسموح بها في مثل هذه الحالات !! وبعدها خرج المسؤول عن المحمية باكيا مع (كديشه ) وتنعم الشاعر البرتغالي بحياة جديدة وسعيدة !! @@@@@@@@@ الشاعر طرفة بن العبد في النادي الأدبي : تواجد الشاعر طرفة بن العبد في مبنى النادي الأدبي بالرياض وذلك لتقديم شكوى عاجلة وإحتجاج شديد اللهجة على ما أقدم عليه أحد المحسوبين على الوسط الرياضي من تدنيس لمعلقته المشهورة والتي مطلعها : لخولة أطلال ببرقة ثهمد ......... تلوح كباقي الوشم في ظاهر اليد حيث تم إستخدام البيت التالي : ستبدي لك الأيام ما كنت جاهلا ........ ويأتيك بالأخبار من لم تزود تم إستخدامه في غير موضعه وكرره مررارا وتكرارا دون وعي أو أدراك لمعناه الحقيقي مما تسبب في تغيير المعنى الأصلي لهذه المعلقة !! إلا أن مسؤول النادي الأدبي قد خفف معاناة الشاعر طرفه حينما أخبره بأن هذا الشخص لا يمكن مؤاخذته كونه سبق له التلاعب بألفاظ القران الكريم !! @@@@@@@@@ أخبار صيفية من داخل المنتدى : · حدثت في الأيام الماضية مشاجرة كلامية حادة داخل أروقة المنتدى بين بعض الأعضاء وتجمهر حولها الكثير من الأعضاء وكادت أن تتطور بعد أن أوشك المتشاجرون على إستخدام الأسلحة الخفيفة ( من خلف الكواليس ) إلا أن تدخل فرقة مكافحة الشغب بالوقت المناسب حال دون إستمرارها بعد أن تم إستخدام الهروات والغازات المسيلة للدموع لتفريق المتشاجرين والمتظاهرين !! · في مزاد علني كبير حظره جمع غفير من المهتمين بإقتناء الأرقام المميزة قام الأستاذ سلمان بعرض تسعاته المميزة للبيع في هذا المزاد وقد قام أحد المحنطين بعرض السعر الأعلى للحصول عليها وذلك ليتم عرضها في مهرجان إعتزاله المقرر له أن يقام في شهر 9 من العام 9999 هـ !! · شوهد المشرف أبو ناصر وبصحبته عائلته الكريمة وأطفاله في منتزه (الردف ) في الطائف وقد كان في حوزته ( فراطه أمهات ريال ) يقوم بتوزيعها على الأطفال ليتسنى لهم ركوب البغال والحمير في هذا المنتزه ( الرائع ) !! . الجدير ذكره أن مشرفنا الغالي قد حصل على شهادة تقدير من لجنة التنشيط السياحي تقديرا له على دوره الكبير والمميز على تشجيع السياحة الداخلية !! · نجا بإعجوبة والحمد لله زميلنا ( الناقد ) من كمين نصبه له مجموعة من القردة بعد أن كان متجها الى مكة لأدى مناسك العمرة عبر طريق الهدى الجبلي حمدا لله على سلامته وما يشوف شر انشاء الله !!! · لعدم تمكنه من السفر هذا العام بداعي فقدان جواز السفر حدثت تشققات كبيرة وكثيرة في ( جدار الطين ) بسبب الحر الشديد وأشعة الشمس الحارقة في الرياض!! . هذا وقد أعلنت وزارة المعارف ممثلة في إدارة المحافضة على الأثار عن طرح مناقصة عاجلة لترميمه قبل إنهياره !! نأمل أن نكون قد وفقنا بتقديم ما يحوز على رضاكم وإلى أن نلتقي مع الجزء الثاني والأستاذ جدار الطين ( بعد ترميمه طبعا ) ( هذا إن لم يتم مصادرة هذا الجزء بداعي مخالفة أنظمة المنتدى ) لكم منا أطيب المنى وتصبحون على خير .. ملاحظة مهمة وطلب : أمل من الأخوان الذين وردت أسمائهم داخل الموضوع عدم المواخذة فالمقصود هو المداعبة وأتقدم بأسفي مقدما إن كنت أخطأت بحقهم .. مع تحياتي للجميع |
ماشاء الله عليك أخوي سور الصين موهبه جديده تسلم يمينك يالغالي وربي يعطيك الف عافيه يالغالي وتروح وترجع بالسلامه إن شاء الله وراح نتابع الأخبار مع الأخ العزيز جدار الطين الله يعطيكم الف عافيه جميع صرحه موضوع ممتع جدا جدا جدا ((تتعب وأنت تقول جدا)) الله يوسع صدرك بالعافيه يارب |
الأستاذ الساخر : سور الصين . وش هالتوهيقة هذا اللي وعدتني فيه , بعدين وش دراك عن موضوع الجواز , والشطوب اللي فيني من طيب الأصل طال عمرك , متى الرحلة ؟ ياويلك من أبو ناصر وسلمان والناقد ... إن شاء الله يوقف إشتراكك . |
سوووووور الصين .. الله يرجك من زماااااااان ما ضحكت مثل هالضحك .. :):) اجل ولد التسعات بيصير سلمان ( بدون تسعات ) :D :D !! لا والله لو نزعل من الناس كلها ما نزعل منك .. ياخوي والله كل تثبت لي انك كاتب ( شامل ) .. :) الله يرجعك بالسلاااااامة .. والله يرجعك باسرع وقت وبالسلامة ايضا .. بس اوعدني اول ما توصل تعلمني .. :) جدار الطين .. تراي اخبر لك ( حرفي ) من الاولين .. ان كانك تبغاه يزين لك جدارك :) تراي مستعد وبيراعيك في السعر .. :):) مااقول الا الله يخليكم لنا يا احلى ثنائي في المنتدى .. تحياتي يا الغاااااالي .. |
سور الصين وش رايك تكنسل السفر وتتحفنا بالمزيد خصوصا إن الحر مقفي وصباغ اللون باخرة و التمر السكري بادي يطيح بالسوق أخاف يفوتك هالسنة |
مبدع كعادتك اخوي سور الصين اجل سلمان يبي يبيع التسعات :D :D :D والا ابو ناصر :D :D :D تروح وترجع بالسلامه اخوي سور الصين |
تروح وترجع بالسلامة إن شاء الله يالغالي وزي ماقال أبو ناصر لاتطول علينا ;) |
حبيب البي... تروح وترجع بالسلامه.. وبرافوا على الموضوع المرح والراقي...منك يخليك ربي حبيب البي... |
الأخ سور الصين ،، أعجبتني النقطة الأخيرة كثيراً ... وخصوصاً التي كانت تتحدث عن أبو ناصر واستغربت رده وتجاهله لهذه النقطة بالذات !!! وإذا عرف السبب بطل العجب :D ماتلاحظ ياسور الصين ان السياحة الداخلية مكلفة كثير :rolleyes: |
هلا بالغالين الغالي عواكيس مشكور يا لغالي على المجاملة ... ويعطيك ألف ألف عافية.. وتسلم يا لغالي الغالي جدار الطين أقول شد حيلك والله الله بالصيد الطيب لا تفشلنا وتخرب سمعة البرنامج .. وبعدين وش دران عن الجواز تراي مستعد أعلمك وشلون ضاع !!!!! وزهب حالك بكرا ترى أنت اللي رايح تودين للمطار على الأقل تدخل الصالة الدولية ونحسسك إنك سافرت وعلشان أعطيك القطة !!! وشوري عليك لا تطيع أبو ناصر تراه ناوي يوهقك بالحرفي اللي عنده اللي الظاهر إنه ( معلم جص ) !! وتسلم يالغالي الغالي جدا أبو ناصر هلا وغلا باخوي وبعدين أنا سمعت إن الأخ سلمان يبي يصير اسمه سلمان الرابع ؟؟ ولا أدري عسى مهوب زعل ( الله يستر ) تكفى إستسمح لي منه تراي ما أقوى على زعله.. وبعدين وش معنى ( كل تثبت لي ) اللي بردك !!!! إختر الاجابة الصحيحة ( ساعة , يوم , شهر , سنه ) !!! وتسلم يا الغالي الغالي asas والله الحر مقفي باقي عليه خمسة أشهر بس !! وبعدين ماناب أنا اللي أوصيك أنتبه لنا هالسنه بالسكري الطيب اللي من عند الرجال !! وتسلم يا الغالي الغالي صدى الأمس الف شكر ويعطيك ألف عافية .. الغالي آه ياهلال مشكور يا لغالي وسم طال عمرك ... الغالي أبورشا مشكور يالغالي .. ويخليك ربي ياحبيب ألبي .. الغالي الإعصار هلا بالغالي .. وبو ناصر موزي روحه يحسب ما شافه أحد !! وحط حيله يضحك على سلمان !! ما دري إنه مصيود بالكمرة الخفية !!! أما السياحة الداخليه فالحقيقة أنني أسمع فيها ولا جربتها ومن الممكن تسأل الخبير أبو ناصر !! والا أنا من يوم شفت صورة قرد بالجريده ومكتوب تحته تعليق ( حتى القرود تستقبل السواح بالطائف ) وأنا مغسل يدي بالمره من السياحة الداخليه !! وتسلم يا الغالي |
الأستاذ سور الصين,,,,,,, مبدع كعادتك,,,,,,,,, حصاد ممتع وننتظر الجزء الثاني ....... تقبل تحياتي...... |
ماشاء الله عليك يا اخوي غطية على ماجد الشبل وعوني كنانه المهم لا تنسانا من الهدايا زين والله يرجعك بالسلامة يا رب |
والله انك منسم يا سور الصين وتراك بعد |
ابوناصر لاتقول مانزعل منك قل ماازعل منك ولاتتكلم عن زين لاتلعب عليه وبعدين انا عارف انك رايح للطليف وانت ادرى مهوب عشان التمشي الا عشان شي اخر وهو (اشهر) مافي الطايف ... اما انت ياسور الصين يبي لك من يهدك وتعرف ان الله حق انا هالحين مافيني مملوح الا تسعاتي وتبيني ابيعها انا منبي بايعها لو ايش ابيع تاريخي ((( ايه هين يالجغرافيا))) الله يعطيك العافيه وتسلم علي هالموضوع وانت تامر علينا ياكيف نزعل منك لكن فيه فقرة جازت لي مررررررررررره وهي : ((حدثت في الأيام الماضية مشاجرة كلامية حادة داخل أروقة المنتدى بين بعض الأعضاء وتجمهر حولها الكثير من الأعضاء وكادت أن تتطور بعد أن أوشك المتشاجرون على إستخدام الأسلحة الخفيفة ( من خلف الكواليس ) إلا أن تدخل فرقة مكافحة الشغب بالوقت المناسب حال دون إستمرارها بعد أن تم إستخدام الهروات والغازات المسيلة للدموع لتفريق المتشاجرين والمتظاهرين !! )) ياهي ابداع وسلم لي علي جدار الطين سلالالالالالالالالالالالالام |
صباح الخير الغالي أبو ذكرى ألف شكر ويعطيك ألف عافية الغالي أبو فيصل مشكور وما قصرت وأبشر يا الغالي باللي يرضيك .. الغالي 9smsm9 ما عليك زود يا الغالي وتراك بعد ؟؟؟ الغالي جدا salman99999 الله يقلع إبليسك .. أجل أبو ناصر رايح علشان ( إشهار ) ما في الطايف .. بسم الله عليه والله لا يقوله . وبعدين التسعات إعتبرها مساهمة منك لمن يريد شرائها ليوم أعتزاله!! تراه ضعيف ويستحق الشفقة والعطف !! حتى لو تخليهن مثل مشلح الزواج إذا إنتهى الحفل يرجعهن !! ولا يامر عليك عدو يالغالي وسلامك لجدار الطين وصل .. وياليت تنتبهون له وتعجلون بالترميم قبل ما ينهار وياليت الترميم يكون بالخارج !! والى لقاء قريب أنشاء الله وتسلم يا الغالي |
| الوقت المعتمد في المنتدى بتوقيت جرينتش +3.
الوقت الان » 07:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd