#1  
قديم 16/11/2005, 01:53 PM
زعيــم نشيــط
تاريخ التسجيل: 22/03/2005
مشاركات: 515
اخبار زيارتي لمعقل الزعيم+اسرار ومواقف طريفة مع اللاعبين


>
>
>
>
>

الحمد لله انه تحققت امنيتي وبعد مدة طويلة وزرت نادي الهلال والتقيت بنجوم الزعيم..لان اخر زيارة لي كانت عام 1415 ايام صالح السلومي وفيصل بوثنين واحمد بهجا (كح كح غبرت عليكم) .
خلني اعطيكم السالفة من اولها (راعي طويلة الاخ) انا اسافر الرياض باستمرار لزيارة اقاربي في حي العريجاء ولا يفصلهم عن موقع النادي الا 2 كلم ..لكن اكون مستعجل ولايمديني ادخل النادي..وفي احد الايام كنت مواعد واحد من اصدقائي القديمين ومن زمان ماشفته رحت للحلاق وضبطت السكسوكة كني رايح لعرس كان الحلاق مغربي وحاط على المراية شعار نادي الوداد..بغيت استفزه واذكره بهزيمتهم من الهلال(افرض انه قص رقبتي بالموس) فقام يسب في الهلال ويمدح فريقهم فقلت :ياولد هدي الوضع.فجبت له سالفة المغربي اللي مات بسبب الهدف وان ابوسلطان كان كريم وعطاه تعويض.فاكد لي صحة الخبر وانه يعرف الشخص هذا وانه جاره بالدار البيضاء وعنده القلب واستفزوه ناس يشجعون الرجاء الغريم التقليدي وعصب ومات الله يرحمه .

انتظرت صديقي هذا وطول علي بحجة انه مشغول وبيحي اذا خلص كلكم عارفين الرياض كبير ويبيلك تسافر عشان تزور احد في الحي اللي جنبك هذا غير الزحمة يعني غني "ياليل مااطولك" .طفشت من الانتظار قلت فرصة ازور النادي حتى يجي.دخلت وانا كاشخ يعني مو شكل واحد بيتفرج على تمارين مريت من قدام رجال الامن وهم يناظروني باستغراب . وجلست في المدرجات اتفرج وكان التدريب على وشك يخلص. نزلت انا ومجموعة من الشباب عند بوابة الخروج اللي تودي لمواقف سيارات اللاعبين عشان نقابل اللاعبين وكلن ماسك جواله ومجهز الكاميرا عشان ياخذ صورة .البوابة واقف عنها واحد اسمر وهو نفسه اللي شفته في زيارتي السابقة قبل 11 سنة واذكر انه هاوشني و طردني لما استغفلته ووطيت عشب الملعب (شقي من يوم انا صغير) عشان كذا مانسيته بس هو حبيب وعفوي ومعروف من جميع الموجودين ..البوابة جاي شكلها زي الشبك ونشوف اللاعبين وهم يروحون غرفة الملابس ونكلمهم من وراها شفنا نواف وقال له واحد من الحاضرين:تكفى يابوبندر وقع وقع للهلال.فهد المفرج مر وحيانا وساله واحد عن ياسر وينه ابي اخذ له صورة قال المفرج:شكله طلع من الباب الثاني. رد عليه:اجل مايستاهل يكون لاعب هلالي ليه يتهرب من الجمهور.رد فهد:لا تقول كذا ياشيخ ...اللاعبين كلهم يروحون غرفة الملابس وحنا من ورا الشبك نلقط صور بس كنا ننتظرهم حتى يطلعون عشان نتصور معاهم..وفجأة (احسن يا اكشن) شفت مجموعة كبيرة من الناس يمشون مع بعض وما سكين الجوالات قلت في نفسي وراهم خلني اشوف منهو هذا يعني مع الخيل ياشقرا.من يكون هذا لا اكاد اصدق عيناي( قلبتها مسلسل تاريخي) انه:سامي الجابر .والا واحد معطي سامي جواله ويقول له تكلم رد سامي:وش اقول؟ قال : اي شي. فاخذ سامي الجوال وقال:السلام عليكم ورحمة الله.وكنا كلنا نمشي وراه وهو مسرع واخذ له مقطع فيديو لين ركب سيارته كاديلاك سبورت زرقاء ولوحتها متعوب عليها ن ا ر 009 وقعد يتكلم مع ولد صغير وهوراكب السيارة (كبير ياسامي) تذكرت لما قابلته في زيارتي السابقة كان قبل مباراة مع النصر:تكفى ياسامي سجل قوول.قال لي ان شاء الله ياشاطر واوفى بوعده وسجل.

رجعت للبوابة اياها ننتظر خروج اللاعبين طلع الغنام والصويلح وباكيتا وصورتهم واحد واحد. وبعدهم تفاريس واصوره و هومسوى لي كذا .طلع نواف وتجمعنا حوله شافنا واحد من بعيد قال اشفيكم تراه انسان عادي زيه زيكم قلت في نفسي: يازينك ساكت .وقال واحد لنواف :تكفى وقع للهلال .وسالناه :ماصحة مفاوضات الاتحاد.ورد علينا وهو مستعجل: مو صحيح وانا هلالي هلالي . قلت خذ ياشيخ هذي احسن صورة اتصل فيني خويي المنتظر وان نسيته نهائيا قالي اجيك قلت له انت تاخرت علي خليها مرة ثانية.(انا بين نجوم الزعيم وتبيني اقابلك)
طلع بعدهم كماتشو وتجمع عليه اثنين من الشباب يصورونه واحد بجنبه والثاني يصوره وطلعت الصورة مو واضحه قالوا له اصبر اصبر نبي نعيدها. كماتشو مثل الاطرش في الزفة صوروه وقال له واحد منهم: كماتشو اتهاد اتهاد بصووووووو (يعني شوتة الهدف اللي سجله بالاتحاد) طلع فهد المفرج وسلمت عليه سبحان الله قمة في الاخلاق والتواضع وانفردت فيه وسالته عن اسلام تفاريس. قالي باستغراب:كاتبين شي في الجرايد.قلت لا كلام منتديات.قالي: ادعي له ان يشرح صدره للاسلام. كان معانا ولد صغير سمعنا وراح لاخوياه يعلمهم وياشر علي شوي ونادوني قالو لي:ممكن صورة عاد انا ماصدقت نفسي وحسيت كاني مشهور قلت ابشر ;) .

ممكن الاحداث هذي تصير عادي للشباب اللي يزورون النادي باستمرار بس بالنسبة لي اشوفها حدث تاريخي عشان كذا انصحكم اذا صارت لكم اي فرصة زوروا النادي ..واعذروني على الاطالة
اضافة رد مع اقتباس
  #2  
قديم 16/11/2005, 02:36 PM
زعيــم فعــال
تاريخ التسجيل: 21/09/2005
المكان: البجادية
مشاركات: 266
والله كانت زيارة مشرفة لك وتمنيت أني لو كنت معاك
اضافة رد مع اقتباس
  #3  
قديم 16/11/2005, 02:58 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
-


نفس السيناريو يوم يجي الهلال لعنيزة ..

خذ ياتصوير وزحمة


مشكور وبصراحه ضحكت كثير على بعض نقاط موضوعك ... شكلك منسم وزاحف
اضافة رد مع اقتباس
  #4  
قديم 16/11/2005, 03:08 PM
زعيــم مميــز
تاريخ التسجيل: 11/09/2005
المكان: الريـــاض
مشاركات: 5,201
ألف مبروك على زيارتك لنادي الهلال ....
اضافة رد مع اقتباس
  #5  
قديم 16/11/2005, 03:48 PM
زعيــم مميــز
تاريخ التسجيل: 28/09/2005
مشاركات: 3,178
مشكووووووووووووووووووووووووووووووووووووووور وان شاء الله ازور النادي قريبااااااااا
اضافة رد مع اقتباس
  #6  
قديم 17/11/2005, 10:12 AM
زعيــم نشيــط
تاريخ التسجيل: 02/05/2004
المكان: المملكه العربيه السعوديه - الطائف
مشاركات: 843
مشكور اخوي

و ان شاء الله يبتسم لي الحظ مثل ما ابتسم لك

لكن انا ابي اتصور مع بيرلو العرب سلطان البرقان آآآآآآآآآآه لو يأخذ الفرصه و يهتمون فيه الإداره الهلاليه شوي

ما شفتوه في مبارات الإتحاد الموسم الماضي كيف لعب بمحمد نور لعب
اضافة رد مع اقتباس
  #7  
قديم 17/11/2005, 10:20 AM
الصورة الرمزية الخاصة بـ زيزووو
زعيــم متألــق
تاريخ التسجيل: 28/09/2004
المكان: الريــــــــاض
مشاركات: 1,443
مشكور على الموضوع


وان شاء الله نزور النادي قريب
اضافة رد مع اقتباس
  #8  
قديم 17/11/2005, 10:36 AM
موقوف
تاريخ التسجيل: 14/05/2005
المكان: تبى اقامه اييه هيين
مشاركات: 1,840
مشكور على الموضوع
اضافة رد مع اقتباس
  #9  
قديم 17/11/2005, 10:43 AM
زعيــم مميــز
تاريخ التسجيل: 29/02/2004
المكان: الرياض
مشاركات: 1,512
إقتباس
انا ابي اتصور مع بيرلو العرب سلطان البرقان

جبتها صح اخوي The Singer 52 بس لو يخفف من حركته شوي كان تركب من جد

ماشاء الله علية شورت باص مايغلط فيها ولونق باص بالمقاس تغيير اللعب وتنويع اللعب

ولكن يعاب عليه دفاعيا وهي نفس مشكلة بيرلو
اضافة رد مع اقتباس
  #10  
قديم 17/11/2005, 10:45 AM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
والله حسيت اني معاك وانا اقرأقصتك 0
مشكور يالغالي وانشاءالله نزور الهلال 0بس ودي اشوفك علشان اصورمعك
اضافة رد مع اقتباس
  #11  
قديم 17/11/2005, 10:54 AM
زعيــم نشيــط
تاريخ التسجيل: 31/01/2005
المكان: قـNــلـAـب
مشاركات: 528
مشكووور ويعطيك العافيه على الموضوع
اضافة رد مع اقتباس
  #12  
قديم 17/11/2005, 10:59 AM
موقوف
تاريخ التسجيل: 06/09/2005
مشاركات: 259
عقبالنا
اضافة رد مع اقتباس
  #13  
قديم 17/11/2005, 01:36 PM
زعيــم فعــال
تاريخ التسجيل: 26/05/2005
المكان: الــســوق
مشاركات: 353
يــــــــــــابـــــــــخــــــــــــتـــــــكـ

ياليتني ولد
قهررررررررررر
اضافة رد مع اقتباس
  #14  
قديم 17/11/2005, 02:23 PM
في انتظار تفعيل البريد من قبل العضو
تاريخ التسجيل: 23/04/2005
المكان: جـدة غيير ..!
مشاركات: 5,001
مشكور على الموضوع ..
اضافة رد مع اقتباس
  #15  
قديم 17/11/2005, 02:31 PM
زعيــم متواصــل
تاريخ التسجيل: 19/08/2005
مشاركات: 109
مشكوووووووووور احب اسمع هالمواقف
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:11 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube