السلام عليكم ...
بصراحه بعد ماقريت الصحف قبل كم يوم عن مشكلة مرزوق العتيبي ونادي الأتحاد جاي على بالي سالفه صارت بيني وبين الاعب مرزوق العتيبي في المنطقه الشرقيه...

تذكرون قبل اربع او خمس سنوات ...كان الهلال معسكر في الشرقيه وكان مقر اقامة الفريق الهلالي في فندق الميريديان طبعا كان في مباريات وديه.. من ضمن المباريات مباراتهم مع الرفاع الغربي البحريني طبعا فاز الهلال 4\2 اتوقع ان هذي النتيجه اذا ماخاب ظني. المهم ان مرزوق العتيبي جاب هدفين للرفاع (مرزوق محترف في الرفاع بنظام الأعاره ). مرزوق نزل الشوط الثاني وجاب الهدفين والجمهور الهلالي اخذ يصفق له بحكم انه هو الاعب السعودي في الفريق البحريني..
خلصت المباراة من هنا على طول طيران الخليج .. لا لا .قصدي طيران للميريديان عشان نسلم على الاعبين طبعا
سبقتهم على اللوبي في الفندق وشوي الا جوك النجوم في مقدمتهم الذيب سامي والجمعان والتمياط ......وهلم جره ..
طبعا صورت معهم للذكرى وانا طالع مع الباب الابوجهي لاعبين الرفاع مريت من عندهم الأاخر واحد هذا (ابو عتب)
مرزوق ..طبعا سلمت عليه جرت المحادثه القصيره بيني وبينه ..تكفى يايعقوب السعدي دبي الرياضيه على غفله ...مالكم بالطويله.

انا: كيف حالك مرزوق يعطيك العافيه على المستوى اللي قدمته اليوم في المباراة ..

مرزوق:الله يعافيك اخوي .

انا: مرزوق وش بتسوي بعد متخلص اعارتك مع الرفاع سمعت انك بترجع للشباب (مصدر الخبر الجرايد)

مرزوق: والله انا تحت امر نادي الأتحاد والمصلحه العامه اهم شي؟

انا :طيب .....مرزوق بصراحه ماتشوف ان الأتحاد في عنصريه يعني انت مباراة تلعب ومباريات ننسى انك بالأتحاد؟؟ (حسيت ان الرجال انحرج

مرزوق: قام يتبسم ويناظر يمين ويسار وشكله وده يقول شي )..قال:كل الأنديه لعيبتهم يغيبون ويرجعون..


انا : كلامك صحيح لكن الأتحاد بالذات شي ثاني شف الحديثي والكلثم والسمار وش مصيرهم ....؟؟!! وبصراحه لو ترجع لناديك السابق الشباب احسن لك... شوف تراني انا ماني بصحفي عشان ما تفكر اني بنقله لك على احد الصحف من بكره....(حسيت اني كثرت عليه الكلام) .... على العموم يامرزوق انت لاعب كبير وحرام انك تنتهي بسرعه على العموم انا اسف شكلي اخرتك والله يوفقك سواء في الأتحاد اوغيره..

مرزوق:لا مافي مشكله وشاكر لك على مشاعرك ويعطيك العافيه .

انا: الله يعافيك.. ( انتهى لقائي مع مرزوق )


وخلاصة الكلام ان مرزوق انظلم في مبارتهم النهائي الأسيوي مع العين على حساب الاعب الكامروني (جوب) وقبل موسمين في نهائي الدوري ضد نادي الشباب يوم يجي لاعب (نسيت اسمه ) ارجنتيني مدري بكم مليون خصوصي بس عشان المباراة النهائي في الدوري وليت سوى شي لكن فازو الشباب بهدف مانجا...حلوووووووووووووووووو . ....

والأتحاد يبي يقضي على الاعبين لكن باسلوبهم الخاص وهو اللي يرددونه جمهورهم: (حبه)...(حبه)

هههههههههههه


بدرى

مشكور حبيبي لكن مثل ما قيل بدري

والله الإتهاد حاليا ً مقبرة اللاعبيين النجوم ..... وكويس ان القناص ما راح لهم ....
















mr. yasser

مـــشـــكــــور

مشكورين على الردود...

خساره تكون نهاية عابر القارات في الاتحاد

ولله مرزوق استجاب لنداء المال قبل التاريخ وهو يدفع النتيجة

ليش نلوم الاتحاد يا اخي ونخلي اللاعب

الاتحاد ما يقدر يجبر المدرب انه يشرك اي لاعب اساسي ولا ننسى ان حسين العلي سوى نفس الحركة

الحين لاعب مثل حكمي ليش انتقل للاتحاد وهو يعرف انه خط وسطهم مليان اللاعب الذكي ينتقل في الوقت المناسب

خاصة ان مرزوق كان هناك عرض مقدم له من الهلال بثمانية ملايين والاتحاد عارض تسعة مليون

يعني لو نقص المبلغ مليون ما راح يخسر اللاعب

خمسة مليون تعيشك العمر كله فما بالك لو استثمرتها في الاسهم راح تعيشك وتعيش اجيالك

عموما بني ادم طماع وفيه لعيبة احسهم يقولون طز في الكورة على العكس من بعض اللعيبة الي يستمتعون بكرة القدم وهدفهم هو تسجيل اسمهم في صفحات التاريخ

فهد الغشيان مثلا انتقل للنصر فماذا استفاد

لا جمهور الهلال يتذكره
ولا جمهور النصر يتذكره

يعني باختصار مسح تاريخه عشان مليون ريال مع انه حسب ما يقال متمكن ماديا

باختصار كل واحد يعرف مصلحته ومرزوق ضيع نفسه بنفسه

الحين مرزوق راح ينتهي عقده وراح يجدده عشان الفلوس

يعني لو ظل عشرين سنة راح يكرر نفس الشي لان هدفه الفلوس لا غير