|
القادسيه... الأتحاد... الدور عليك يالنصر السلام عليكم طبعا اليوم كانت مباراة الاتحاد والوداد البيضاوي وطلعوا الاتحاد من البطولة العربيه اللي كنت أتوقع أنها راح تكون من نصيبهم هذي السنه هزيمه نقدر نقول مستحقه خصوصا أن الوداد مطرود منه لاعب ويلعب بـ10 لاعبين الحكم خبط تخبيطات قويه من خلال عدم أحتسابه ركلة جزاء على الأتحاد وعدم أحتسابه ركلة جزاء على الوداد في كورة كالون اللي أنطلق فيها الحارس دخل على كالون والحكم يقول ضربة مرمى مسفر القحطاني كان من المفروض أنه يطرد كان عنده كرت أصفر ودخل على احد لاعبي الوداد بعنف ومن الخلف والحكم حسب فاول بدون كرت اصفر مع انه كان يستحقه الصنيع كان متوتر جدا وواصله معه وبس يصارخ أحسن لاعب في الملعب يمكن كان كالون لأنه هو أكثر اللاعبين حركه بالملعب مبروك زايد ماكان على مستواه المعهود وفلتت منه الكوره في الهدف اللي جاء من فاول قبل بداية الشوط الأضافي الأول الصنيع تهاوش مع الحكم الرابع وجلس يدفدف فيه طبعا بعض لاعبي الاتحاد راحوا مع الصنيع وجلسوا يهاوشون يوردانيسكو عصب عليهم وصرخ في وجيههم وقال ارجعوا لاماكنكم لو لم يكن يوردانيسكو وحمزه موجودين كان صار الملعب حلبة مصارعه لاعبي الوداد مثل الأوراق كل مادخل لاعب أتحادي عليهم جلسوا يتلوون بالأرض طبعا المباراة وصلت للأشواط الأضافيه ولركلات الترجيح أنا بصراحه كنت أقول أن الأتحاد مستحيل يطلع من البطوله العربيه لكن المستحيل صار غير مستحيل وطلع الأتحاد على يد الوداد طبعا البلنتيات لعبوها وسجل الوداد ثم الاتحاد ثم الوداد ثم الاتحاد ثم الوداد وجاء دور حمزه اللي دخل قبل نهاية الشوط الاضافي الثاني بدقيقتين شات الكوره وضيعها وبعدها سجل الوداد وجاء دور نور وضيعها فسجل الوداد ليعلن فوزه على الاتحاد الأخلاق ماكانت موجوده عند بعض لاعبي الأتحاد وجاء المصور ليضع الكميرا على وجوه اللاعبين فدفه كريري دفه خفيفه وجاء مسفر القحطاني ونزل الكميرا على تحت ورفعها المصور وجــاء المولد وشات المصور مع رجله بدون أي أخلاق رياضيه الضربه ماكانت قويه لكن المصور حب أنه يحط شوي يكبرها من خلال صراخه وكأن اللي ضربه سياره مو آدمي هو صحيح أن رجل المولد كأنها صبه لكن أعتقد ان المصور مثل بعض الشيء اذا ماوقفوا المولد فهذه مشكله لأنه أعتدى على المصور أمام الكميرا وعادوا اللقطه أكثر من مره على العموم الاتحاد خسر وخرج من البطوله العربيه كما سبقه القادسيه أما النصر فلا أعتقد أنه يقدر يواصل لأن فريق آسفي الفريق اللي أول مره أسمع فيه أحرج النصر أمس ووصلوها لركلات الترجيح وفاز النصر ومبروك عليهم الفوز لكن من خلال مستوى الفريق النصراوي ما أضن أنه يبي يقدر يواصل مشواره لأن الفرق الجايه أقوى من آسفي بكثير من المفروض أن الفرق اللي تلعب في دوري أبطال العرب هي: الهلال - الاتحاد - الشباب لأنهم خير من يمثل السعوديه حاليا النصر يقوم بمجهود طيب الى الآن وأتمنى يواصلون طريقهم على الاقل يكون عندنا فريق سعودي وصل على الاقل لربع النهائي خرج القادسيه... ولحقه الاتحاد... وربما الدور على النصر مبروك للوداد وحظ أوفر للأتحاد في بطولات قادمه الوداد يعلن نهاية الأتحاد آسف على الاطاله تحيتي |
احلى شي ان مهمد نور ضيع بلنتي |
نسيت أقول لكم المعلق شكله متعصب جدا للوداد لأنه حط أن لاعبين الوداد مضلومين وانه لاعبين الاتحاد وحوش وغيره وغيره مب عشان الاتحاد لكن جايبين لي مشجع يعلق على المباراة ليتهم يجيبون معلقين زي الناس |
إقتباس:
أقترح انه في المباريات القادمة للأتحاد يجب على المصورين الأبتعاد 100 متر عن كل لاعب اتحادي مع لبس ( كسارات للساق ) :d إقتباس:
الي واضح لنا والجميع شاهده ان الوحوش هم لاعبين الأتحاد ولم أرى لاعب مغربي ( يرفس أو يسبب مشاكل ) !!!! بالنسبه للنصر فأعتقد أن الفرق المشاركه حاليا بأستثناء ( الوداد المغربي والزمالك المصري ) فرق عاديه جدا يعني النصر راح يواصل مشواره الا عاد أذا وقع في مواجهت أحد هذين الفريقين فراح يودع شر توديعه :d مع تحــياتي . |
رامي وبس فال الله ولا فالك ........ بعد فضيحة الاتحاد اللي شوهت الكوره السعوديه لازم فريق اخر ينظف ما وسخه العبيد ........ والنصر مهما كان مننا وفينا (اذا ولغ الكلب (الاتحاد) في اناء احدكم) لازم فريق سعودي يشيل الوساخه ويرميها في الزباله |
إقتباس:
الضربه جت فوق الركبه وبعدين شف بالصور اللي نزلوها الاخوان كأنه عاضه كلب ولا شيء تلقاه يصارخ واللي جمبه يقول له ارفع صوتك اكثر اللــه يوفق النصر |
معليش انت غلطت قلت انطرد من الوداد لاعب الي انطرد احمد الدوخي مو لاعب الوداد لكن بكل حياديا الاتحاد انظلم |
واللي قاهرني ان المعلق مايعرف اسماء لاعبين الاتحاد عجل حمزه سعيد ومحمد زايد |
إقتباس:
معليش خطأ مطبعي إقتباس:
قايل لكم جايبين مشجع للوداد اول مره يعلق ومخلينه يعلق على المباراة |
شباب ترو الدعوة كلها فلوس في فلووس وماهمهم فاز الوداد والا الاتحاد المهم الاعلانات ورسوم الاشتراكات والملايين اللي تدخل الجيوب لكن تقول تنظيم ؟ تقول حكام ؟ تقول نظام ؟ تقول تجهيزات ؟ ترا ماحولك احد واحنا بصراحة ماعندنا تفكير كل مادشنت a r tقناة رحنا اشتركنا فيها وكل يوم نشوف قناة جديدة وبرسوم جديده صدقوني رواتب الشباب ماعاد تكفي اشتراكات بالقنوات الفضائيه وكله ضحك على الدقون |
| الوقت المعتمد في المنتدى بتوقيت جرينتش +3.
الوقت الان » 08:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd