التراخوم الزرقاء وايقاف العفن المنقول يادارة الموقع .. - نادي الهلال السعودي - شبكة الزعيم

نديم الهلال · #1 20/11/2005, 12:48 PM

بسم اللة الرحمن الرحيم

واللة مافكرت اكتب هالموضوع الين شفت انه الدعوى زادت عن حدها ..

مدخل للموضوع ..

الجميع يعرف انه هناك فئة من الجماهير الرياضية التي لاتشجع نادي الهلال

وتشجع اندية اخرى وهالفئة ربما
تكون متفرج عادي او صحفي رياضي او اي نوع من المشجعين لهذه الاندية جايب لهم الهلال ونجومه الضغط وتجيهم
حالة هستيريه من الزعيم ونجومه وخصوصاً عند تحقيق الزعيم بطولة او فوز او انجاز لاي من نجومه تطلع كتابتهم
العفنه ويبدون يبثون السموم في كل مكان والهدف التقليل من الزعيم وانجازته باي اسلوب كان من نصب وكذب
وتدليس للاخرين الخ من اساليبهم العفنه النتنه التي يندى لها الجبين ..
طبعاً هولاء مصابين بمرض اسمه التراخوم الزرقاء وفقر الدم الازرق وتلقاهم كل شي لونه ازرق يكرهونه بسبب هالهلال
باللة احد احد يكره اللون الازرق والسماء اللي منها الخير باذن اللة تعالى لونها ازرق والبحار اللي فيها الرزق باذن اللة تعالى لونها ازرق لدرجة انه فيه شي اسمة الحوت الازرق

طبعاً هذا المرض له حالتين:

الاولى :

يكون المصاب قد استفحل به المرض لدرجة لايرجى منها شفاه غير باذن اللة تعالى وتلقاه في كل وقت وزمان يجيب طاري الهلال ويحاول يقلل من انجازته باي شي لدرجة انه المباراة بين فريقهم وفريق اخر تلقاهم يجيبون طاري
الهلال

لدرجة انهم لو انهزمو قالو الهلال انهزم المهم يتلزقون بالزعيم ونجومه واشهر من اصيبو بالمرحلة ذي
كانو بعض النصراويين وعلى راسهم رمزهم الراحل وبعض ابنائه ( الدعوى وراثه ) وبعض الشريطيه اللي اصبحو من رجال الصحافة طبعا هولا همهم الهلال ينهزم وبس مو مهم فريقهم اهم شي الهلال يخسر واذا فاز قالو تحكيم او مجاملة من الاتحاد السعودي رغم انه بعض المباريات خارجيه

واخر موضة حظ ويبون زي حظ الهلال مع انه سهل جداً صفو النيه وتصيرون مثل الهلال و ربي يعطيكم على قد نيتكم وتلقاهم مسوين فيها ند الهلال وقمة الوسطى والكرة السعودية والديربي بالعربي لازم نكون معكم

اذكر انه المرحوم عبداللة بن سعد كان رئيس الهلال ذاك الوقت وقال تصريحه الناري انتهى التنافس بين الهلال بين والنصر .. طبعاً انهبلو ورجعو لاهم مستند عندهم

وهو احناء اكثر فوز عليكم في عدد المباريات طبعاً رئيس الهلال اللة يرحمه مارد عليهم وسكت لانه وصل الرسالة اللي يبيها وهي خلكم في المباريات وخلونا للبطولات رغم انه هالمستند بسبب كان فيه دوري للمنطقة الوسطى وفازو فيه اكثر بكم مباراة ولو تجون لمباريات البطولات الرسميه لاحترق هالمستند بس خلوه لهم

ومانبيه نبي البطولات وبس ..

الثانية :

يكون المصاب حامل للمرض بالعربي حاضن له ويستنى فرصة يقبع فيها ويطلع ويكشر انيابه وهالمرحلة اشد من الاولى اذا انفجرت وهي مصاب بها بعض جماهير الاندية الاخرى بس انديتها مالها صولات وجولات مع الزعيم ولا بطولات
تفرح اللي صار انه انديتها بدات تحقق بطولات وبدات تعتمد على تعديل اوضاعها بكل السبل المشروعه او الغير ..
منها نادي الشباب حقق كم بطوله في فترة كان الهلال يمر بمرحلة انتقالية بسبب اعتزال كم من نجومه وعدم ايجاد البديل الجاهز وعدت بحمد اللة واتمناء انها ماترجع ابد وطلعو الشباب وحطو راسهم براس الهلال وانهم الافضل وراح الشباب .. وجاء الاتحاد وحقق كم بطولة في عهد طلعت لامي وكانت اندية الغربية لها مشكلة وهي سيطرة اندية الوسطى على البطولات والمباريات وطلع لامي مبسوط وجمع حوله الربع وحط البطولات اللي جابها وقال انتهت عصر الكرة في الوسطى شف جاب كم بطولة وسواء كذا اجل لوه زعيم البطولات وش بيسوي طبعاً هالكلام هو اللي شال لامي من رئاسة الاتحاد بامر من فوق وحرص القيادة على عدم زرع مثل تلك الافكار التي للاسف موجودة في فكر كتاب وراح تفرزها الايام بس تنتظر الفرصة .. المهم هو ماصدق في كلامه بس صدق مع النصر اللي تعدوه وخلوه كبش فداء وكنهم يحبونه وقلبهم عليه والهدف الزعيم وصارو يحرزون بطولات ويفوزون على النصر بنتائج يندي لها الجبين ستات وخمسات والنصر يبلع والسبب انهم خدرو النصر ليصبحو مكانه في منافسة الهلال واللي يقهر انه فيه صحفيين من المحسوبين على النصر اصبحو اتحاديين والسبب اطعم الكلب يصير خادمك وبداء راعي الكامري يركب فكس ار ويفصل ثياب وباع الصحراوي وبيركب سبيلت اللي يسمع فيه

وطلع جستينيه اللي له سنين مدفون في جرائد الخبز وبداء يعلو صوته وصار عنده مركاز وبداء يبث سمومه بقوة وطلع لناء شلة من بريد القراء واصبحو من رجال الصحافة والهدف حرب الهلال والداعم الاول هو البراميل لانه لازم تعطل الهلال اذا تبي تلحقه والايام بتوريكم اشياء العن واشد من اللي شفناها ..

طبعاً الحالةالاولى من المرض انتقلت الى بعض جماهير الاتحاد وصحافته وعلى راسهم بلوي النادي اللي حقق المرحلة الاولى من هدفه وهي تحجيم و تغيب الاهلي ونجح فيها للاسف ونتمنى من الاهلاويين معالجة ناديهم والعمل بجد لعودة قلعة الكووس والمرحلة الثانية النصر وضمه تحت مظلته بداعي محبة النصر !! وانه عضو داعم بس ابي اي نصراوي فاهم
يسال نفسه وش اللي قدمه البلوي لهم غير الكلام والتصاريح المخدره لو قلبه على ناديكم كان ماترك الرمز يتصل عليه في ال بي سي ويطره ويقوله تراك واعدنا بلاعب اجنبي من كم سنه والى يومك ماشفتوه لو قلبه عليكم ماترك النصر يحتاس على لاعب اجنبي هالموسم وهو عنده كم لاعب اجنبي مايلعبون مع ناديه ليش ماساعد النصر فيهم او صبر الين مالقى احد يشتريهم وطلع كلام انهم بيشرهكم بهارير !! لو قلب عليكم كان دعم الادارة بدون مايحضر اجتماعكم ويسبب الهوجة اللي صارت لو يحبكم كان دعمكم بكم لاعب من المكدسين عنده لاشغله ولا مشغله و لا الحزم اهم

بس قالوها الضرب في الميت حرام

والمرحلة الثالثه الشباب وهو في صفه برائيسه البلطان والبزنس يحكم

نجي للاهم وهو كيف نتعامل مع هالمرضى ...

طبعا هالمرضى ينتشرون في بعض الجرائد و المجلات والمنتديات وشغلتهم حرب الزعيم وبس بالعربي تدمير الهلال وبس
واتحداكم تلقونهم يتكلمون عن فريقهم او كيف يحقق بطوله خاصه انه الان صار هناك دفع مالي يعني مو بلاش

فالحافز اكبر وصار اعداء الامس اصدقاء اليوم والسبب كره الزعيم ..
وهم فئة منبوذه وتدور الضوء وخاصة الازرق لتبرز فيه فلازم نحقرهم ونحقر كتابتهم ومانقرى جرايدهم ونقاطعها
فمثلاً الرياضيه لي كم سنه ماشريتها ولافكرت بس اذا حقق الهلال بطوله اشتريها بعد معاينه طبعاً

وخاصة انه فيه بديل عالم الرياضة الاقتصادية الرياض الجزيرة اليوم والباقي لاتناظرهم ابدا الين يتعدلون

طبعاً لو كل ماكتب عن الهلال بنرد عليه واللة ماراح نلقى وقت ننام فيه

وهولاء الكتاب عدد اللي يقرون لهم قليل وشعبيتهم محدوده ويبون يشتهرون ومالهم غير الهلال وجماهيره
وهم يبونكم تنقلون مواضيعهم لمنتديات الزعيم بانواعها حتى يقراها اكبر عدد ممكن ويشتهرون ويصيرون معروفين رغم انه كلامهم مايكتبه طفل جاهل فما بالك برجل عاقل ...

ياخوني ...

انتم لوتدخلون منتداياتهم ماراح تلقون فيها حركه كبيره يعني المواضيع مايقراها غير عشرات ولوتنقلوها هناء راح يكون القراء مئات او الاف وهذا هدفهم ..
حتى هولاء المرتزقه من الحافيين اقصد الصحافيين ماحديقراء لهم غير قلة ولم تنقلون كلامهم هذا مطلبهم لانه بيزيد عدد القراء ويشتهرون وهذا المطلب وصول لكلام لاكبر عدد ممكن ..
لاتفكرون انهم بيتركون الزعيم في حاله ابداً ..
لاتخلونهم يجرونكم لمناقشتهم الغبيه وتعطيلكم عن بناء الزعيم وحصد البطولات
الزعيم من بدايته وهو يصادفه من هالعينات من المرضى ويرد عليهم ببطولاته وقالوها بطوله وراء بطوله والهلال من يطوله فالكلام لهم والبطولات لناء باذن اللة تعالى ..
دعو لهم الكلام والنصب والتزور والتدليس ونحن لناء البطولات والارقام التي لاتكذب ..

فاتمنى انه من اليوم ماننقل كتابتهم ومقالتهم من صحف او نت الى مواقع الهلال بالعربي الحقران يقطع المصران والكلاب تنبح والقافلة تسير ولو كل مهبول القمته حجر لاصبح الحجر يكيل بالمال وطلبي للمشرفين حذف مثل تلك المواضيع الي تسب في الهلال ونجومه ومنعها ومتابعته من ينقلها وخاصة المعرفات الجديده !!

مداخلة اعجبتني ...

** البطولات التي حققها الهلال منذ عام 1417هـ ويبلغ عددها (21) بطولة تفوق عدد كل البطولات التي تحققت للنصر عبر تاريخه
** بطولات الهلال منذ عام 1412هـ (في 14 عام) توازي عدد تلك البطولات الاتحادية البالغة (29) بطولة وتحققت خلال أكثر من خمسين عاما!!

صالح الهويريني -الجزيرة - الجمعة 16 ,شوال 1426 - العدد : 12104

والعذر على الاخطاء والحوسه خاصةاني اكتب باليسار لانه اليمين مكسورة ....

ولانستغني عن ارائكم ..

.

قريباً موضوع ( افضل نادي سعودي بالارقام التي لاتكذب !! )

الزع9يم · #2 20/11/2005, 01:06 PM

الله يسلمك الغالي ويشفيك
تشكرات

نديم الهلال · #3 20/11/2005, 10:29 PM

إقتباس

الرسالة الأصلية كتبت بواسطة الزع9يم


	الله يسلمك الغالي ويشفيك تشكرات

مشكور اخوي واللة يسلمك من كل شر