يمكن أكون سبقت الاحداث لكن من غيرتي
 

بصراحة مو هذا المستوى المرجوا من اللاعبين في الشوط الاول وإذا كأن المستوى هذا اللي راح يقدم ماراح نفرح بالمشاركة في كأس العالم لأن الفرق المشاركة راح تستغل ضعف خط الوسط اللي واضح عدم أنسجامه وبعدين الفرق المشاركة في التصفيات ما تقاس بقطر مع أحترامي للمنتخب القطري والا راح تكون على أرض المملكة ومع هذا النتيجة تقدم المنتخب القطري في الشوط الاول .

عموماأتمنى التدخل السريع لمعالجة هذا الوضع والا يخفى على الجميع نواف التمياط مكسب المنتخب وواضح تأثيره في صفوف المنتخب الله يرده سالم فعلا بحاجته المنتخب في هذه التصفيات .

وكل التوفيق أتمناه للمنتخب السعودي في المشاركة والوصول لكأس العالم .

هلا والله وغلا أخوي الازرق وبس وحياك ربي الوجه أبلغ تعبير في ردك . . . ويا هلابك .


عموما أنا كنت متوقع بحد زعمي أني سبقت الاحداث لكن الحين لا سبقت الاحداث والا غيره الكل شاهد المنتخب السعودي أمام منتخب قطر هل هذا المنتخب الذي سيلعب مع أيران والعراق ووو وسيخوض تصفيات بحجم أكبر من مباراته مع قطر ؟

أعتقد مشاركة كأس العالم ما يبيلها هذا المستوى نهائيا :mad: والله يكون بعون الجميع عموما . . .

تحياتي , , ,

حبيب قلبي حساس

هلا فيك يالغالي

عزيزي مستوى المنتخب سيىء وأذا استمر الحال سوفى نجني مالا يحمد عقباه

اين الوسط توهمو في نور وهو يبذل ماعليه ولكن تاهو

لماذا وجود السويد وماذا فعل ماذنب الهجوم وخلفهم وسط

بهذا الوضع0

لماذا لايجرب سامي كلاعب وسط

أسئله كثيره ولكن اين ألأجابه

اين الياقه

اين التكتيك

ماذا قدم المدرب لنا من فريق

اين ألأنسجام

أشياء كثيره يالغالي

الاخ العزيز: حساس

السلام . وبعد

اخوي لا يرتفع ضغطك هذا هو منتخبنا وللاسف وانضر كم المده المتبقبه لبدء التصفيات

لتعرف ان المنتخب وللاسف الشديد اني اقولها فاشل................وووو

ماذاسيعملون امام الفرق المشاركه معنا في المجموعه

منتخبنا يحتاج الي اشياء كثيره واكثر ما نحتاج اليه هو

الروح القتاليه في الملعب ما اقول الا الله يستر الف مره

ولك مني جزيل الشكر

ابو:اسرار

الأخ / أبو سليمان . . . هلا والله وغلا .

هلا بهالطلة عزيزي . . .

والله من الموسف أن يكون بعد هذا الاستعداد كله هذا المستوى الغريب
وخصوصا المشاركات المقبلة ما راح تكون سهلة والفرق المشاركة ماهي
سهلة وكلها منافسة . ومشكور يالغالي على المشاركة الكريمة وحياك ربي .

الأخ / أبو أسرار . . . هلا والله وغلا .

والله ما ارتفع ضغطي والا شي يالغالي المبارة وديه لـكـن اللي يرفـع
الضغط هو أن المنتخب مستعد وتمارين صباحية ومسائية وتوقعنا يقدم
شي حلو على الأقل في أرضه وبين جمهوره وهذي النتيجة أجل وش بيسوي
خارج أرضه ومع فرق أصعب من قطر مع أحترامي للمنتخب القطري . عموما
مشكور يالغالي على مشاركتك الكريمة وحياك ربي .

مع أطيب تحسة للجميع , , ,

المنتخب رايح فيها للاسف
 

والله ماادري وش فيه المنتخب بس اذا استمر حاله على كذا مااضن اننا بنتاهل:(

بس لو يرجعون ناصر الجوهر يدرب اعتقد افضل وماادري يمكن اكون غلطانه:confused:


كل اللي اقوله بس الله يسترررررررررررررر:o

مرحبا ..
الحمد لله اولاً واخيراً على الهزيمه .. لانها بأي حال من الاحوال اهم من الفوز ..
ومن فوايدها الاوليه ..

اولاً : يحسون اللاعبين بالمسؤوليه .. وياخذون الامور بجدية اكبر .. مو بالاستهتار اللي شفناه في هالمباريات الوديه ..

ثانياً : راح يتعرف المدرب على اخطاءه وراح يصلحها باي طريقه بإذن الله .. لان المسؤولين راح يتدخلون ويهتمون بالموضوع اكثر بعد هالمستوى المتدني ..

ثالثاً : راح تترك الصحافه التمجيد الزايد عن حده .. بالعكس يمكن يكون لها مساهمات فعّاله في تقويم اللعب ..

وغير هذا كله .. الضعف والنقص في اغلب الاحيان يولد قوه .. بإذن الله ..

بسم الله الرحمن الرحيم
اخوي حساس المحترم

قبل كل شئ انا لا شفت المباراة ولا ادري عنها الا من لجنة الاشراف الي خلتنا مشكورة نعيش مع المباراة ولو اننا بعيدين وشكرا لها من الاعماق.

بصراحة
انا من شفت التشكيلة وخاصة الوسط كان بالفعل واضح انه سئ
كيف يلعب بنور وماطر السويد ومناف ...!!!!!
من الي راح يصنع للهجوم مع تحفظي على عبيد انه يلعب مع المنتخب لين الحين
صح اننا قفدنا نواف وغاب سامي اليوم لكن
فيه سعد الدوسري ويخلي ماطر وسط متقدم بدلا من محور والسويد يرجع للاهلي لانه في حاجته ( يبون الصداقة بالي هيبه )
ما راح اتفلسف في التشكيل واقول يحط ويشيل
بس انا اتوقع انه من المفروض انه عارف ان نواف مصاب وسامي مو شرط انه دايم جاهز
كان لابد من المدرب يركز على ايجاد البديل الي يسد النقص او الخلل الواضح بالنص .

طلال المشعل موقعك في الهجوم فااااااااااااااااارغ مهما حاولنا
والله لا عبيد ولا مرزوق

كل التوفيق للاخضر في التصفيات .
وشكرا اخوي حساس ولا تواخذنا طولنا بالرد :)

للأسف و لكن !!!!!!!!!!
 

صحيح أن مستوى المنتخب مايؤهله للفوز على هندوراس مو قطر لكن يا شباب ما تشوفو الجانب الحلو من الموضوع انو دحين اللاعبين راح يحسو بالمسؤولية وانو هذه تصفيات كأس عالم مو أي كلام و أنا دايما أتفائل بالأخضر و على قدرته على تجاوز المواقف الصعبة و بإذن الله يقدم اللاعبين أحسن مستوياتهم في التصفيات وأنا اقلكم ايش اللي ناقص المنتخب اللي ناقص المنتخب شوية : حماااااااااااااااااااااااااااااااااااااااس و للأ سف هذه الميزة - تحميس اللاعبين - ما نشوفها الا في المدرب الوطني يعني يجي مدرب أجنبي فاهم الأخضر واللاعبين لكن ناقصه انو يحمس لاعبين المنتخب فاللاعبين اذا اتحمسو والله و انا أحلف انو ولا أحد يوقف قدامهم .
و معذرة للإطالة لكن اللي اباه اني اشوف منتخبنا مو في كأس العالم و بس لكن وينافس على مراكز طيبة كمان .
و لكم أجمل تحية مني و من جميع مشجعي الأخضر المخلصين .
و السلام عليكم و رحمة الله و بركاته .

الأخوة الأعضاء الكرام المشاركين بهذه الردود الكريمة كل الشكر لكم جميعا على هذه الردود التي فعلا تحسسني بغيرتكم الوطنية على المنتخب ونتمنى تغيير الحال للأفضل إن شاء الله وعدم الاتكالية اللي شفناها في المباراة وزيادة الانسجام بين اللعبين .

الأخت / ماروكو . . . هلا والله وغلا . . . ومشكور يالغالية على هذه المشاركة الكريمة منك . وحياك ربي .

الأخت / هلالية سدير . . . هلا والله وغلا . . . ومشكور يالغالية على هذه المشاركة الكريمة منك . وعلى فكرة توقيعك من جد عاجبني والله يوفقك إن شاء الله , وحياك ربي .

الأخ / الجن الازرق . . . هلا والله وغلا . . . ومشكور يالغالي على هذه المشاركة الكريمة منك . وحياك ربي .

الأخ / monster . . . هلا والله وغلا . . . ومشكور يالغالي على هذه المشاركة الكريمة منك . وحياك ربي .

مع أطيب وأرق تحية عطرة للجميع . . . على هـذه المشاركات الفعالة وعلى التفاعل الكريم مع الموضوع مع تمنياتي لكم بالتوفيق , , ,

الاخ الغالي حساس
بصراحه مستوى المنتتخب غير مطمئن لعب فردي 00خطوط مفككه00 الارتداد للهجوم بطيء00الاحتفاظ الزايد عن اللزوم بالكره 000 وأهم نقطه هي عدم الاستقرارعلى تشكيل معين وهذه اكبر مشكله يجب على المدرب تلافيها في اسرع وقت لأنها هي اكبر سبب في تردي مستوى المنتخب 0
الأخ الغالي monster
منتخب هندوراس حقق المركز الثالث في بطولة كوبا امريكا وهو منتخب قوي جدا

الأخ العزيز / الموج ا2000 . . . هلا والله وغلا

ومشكور يالغالي على هذه المشاركة وأنت ذكرت شي مهم وهو عد الثبات على تشكيلة معينة فعلا ما بعد أستقر المدرب رغم وقوفه على مستوى اللاعبين جميعا الا انه لم يصل للتشكيل النهائي الى الحين يعني المنتخب متذبذب في خطوطه وهذا أكبر خطأ , مع اسلوب اللعب الفردي الملاحظ اللي المفروض يلغيه المدرب ويحاول يخلي اللعب من لمسة وحدة بين اللاعبين وتقاربهم لأن لو لاحظت المباراة تلقى الخطوط متباعدة بين اللاعبين والكورة أغلبها مقطوعه لأنها ما تصل بالشكل الصحيح .

عـموما مشكور يالغالي على هذه المشاركة وعلى توضيح هذه النقطة المهم عزيزي ومشكور مرة ثانية على مشاركتك الكريمة وحياك ربي .

تحياتي لك وللجميع , , ,

ألأخ : الموج2000
 

عزيزي : الموج 2000 أنا ما قصدي اقلل من شأن اي منتخب و عارف مستوى منتخب هندوراس و أنو وصل للمركز الثالث في الكوبا لكن منتخب هندوراس لعب بحماسه قبل مهارته و هذا اللي ناقص منتخبنا .
و أتمنى انك تكون فهمت وجهة نظري ايها الأخ العزيز : الموج2000 .
مع تمنياتي للأ خضر بالتوفيق في التصفيات وإلى مونديال 2002 بإذن الله .

الغالي حساس
الوضع غير مطمئن ابدا والواضح ان الواسطات شغاله