ابو سلطان نعم فضلا لا امرأ كرمو الكابتن (( عمر الغامدي )) نعم هذا اللاعب الذي يطرب ويثلج الصدر حينما اشاهر ادوراه داخل وخارج الملعب والله العظيم اني استمتع بلعبة هو صحيح ما يحاور كثير بس يكفيني انه اذا لعب يلعب بقتاليه رغم ان بعض الجماهير الله يهيدهم يقومون الدنيا ويقعدونها علية طيب لية وش السبب حرااااام عليكم هذا اللاعب بالذات هو اللى مفروض يتدلل لانا عمرنا ماسمعنا عنه شي لاخارج ولا داخل المعلب بشي الله يحفظة ويخلية لاهلها ابو ((سلطان)) اتمنى تكريم هذا اللاعب اضمي صوتي لاصوت الاخ (( اهاااااه)) لانه فعلا انسان حقاني وعقلاني لو انه مايستاهل كان رديت بس بعد كل اللى قريته ومن متابعتي فعلا لهذا اللاعب والله انه يستاهل واسال اخواني واحبابي جمهور الهلال الوفي المنطقي الذي لايعرف الغش والخداع وانته ادري بعد منا فيه بحكم قربه منك كل ما اتذكر (( هدفة بشيموز الياباني )) (( وضربة الجزاء امام النصر )) البطوله العربيه اقولها بصراحه انه يستاهل يستاهل بطولتين جابها بوقت قريب والكل يذكر وبالامس القريب كان قائد الفريق وكابتنه في بطوله الامير الراحل فيصل بن فهد والمؤسس وولي العهد واخيرأ كاس دوري خادم الحرمين الشريفين وكان هو المتسبب في الفاؤل وبعد كل هذا الا يستحق التكريم وغيرها من البطولات بعهد المدرب يوردنسكور الثلاث الشهيرة وكذلك مع بلاتشي الثلاث الشهيرة واخيرا مع باكيتا والمنتخب كذلك وحان الوقت لتكريمه يابو سلطان تكفى ارفع من معنوياته ولك الشكر وباءذن الله نشوف غيره بعد كذا ..... |
والله انك صدقت لكن هو حماس بدون تركيز بعض الاحيان يعني عندك احيانا تسديدات بدون تركيز يضيع فيها مجهودات زملائه وشكرا لك على اهتمامك بلاعبين الهلال لانه فيه شباب الله يهديهم يتهجموا عليه بدون مايعرفوا انه يبذل جهد مميزفي المباراة عزيز وبس |
ما يعيب الكابتن " عمر الغامدي " أحيانا هو عدم التركيز والبرود أحياناً ولكن حقيقة يعجبني في اللاعب حماسه وحركته الدؤوبة في الملعب ، وبالفعل هو يستحق التكريم لأنه الجندي المجهول في الهلال برغم تعاقب المدربين ولكن يبقى عمر الغامدي هو الجوكر الذي يحتاجه كل مدرب حسب خططه .. ونتمنى بأن يستمر في تطوير مستواه والعودة إلى صفوف الأخضر .. ويعطيك العافية أخوي الوهيت على الموضوع... |
كلامك صحيح اللاعب غلط نقد هادف مو شرشحة:) وان شاء الله نشوفه من حسن لاحسن:) |
يستاهل عمر .. . . . وخالد عزيز وغيرهم من الجنود المجهولين داخل الملعب |
دائما مميز |
ما يعيب الكابتن " عمر الغامدي " أحيانا هو عدم التركيز والبرود أحياناً |
كل لعيبة الهلال مميزين وممتازين |
يستاهل عمر لاعب كبير وخدم الهلال كثير |
الله يعافيكم وهذا اقل واجب نقدمه له لكن حقيقة شي بسيط ودي اضيفة للمعلوميه للجميع بالامس القريب نتذكر (( خالد عزيز )) وهروبه عن المباراه بالخيانه اللى مثل وجهه واليوم سرتو تحبون خالد عزيز اش المناقضات هذي قريت الموضوع (( ارحل ياعمر )) هل هذا الكاتب يستحق ان يكون هلالي هل هذا المتطفل وامثاله ماهم محسوبين على الهلال وجمهورة نبقى ونقول ان الغامدي احرص لاعب الى الان مر على الفريق بدون مشاكل ويستاهل التكريم حبايب قلبي يعطيك العافية وماقصرتو تسلموووووووووووووووووون والرساله لابو سلطان كرم الغامدي مثله مثل اللى قبلة تكرموووووو |
والله اللاعب مستواه متراوح ما بين الجيد وبين السيء لكن ما اشوف انه قدم شيء زيادة عن زملائه يستحق عليه التكريم منفردا بالعكس الغامدي اكثر لاعب مستواه متذبذب بين مباراة واخرى وصعب انه يبقى على مستوى واحد ولو حتى لثلاث مباريات متتالية واذا بنكرم الغامدي لازم نكرم المفرج الخثران الصويلح العنبر جبلي الفرج وغيرهم من النجوم فهذولا مستوياتهم وعطائهم خلال الموسم الماضي والموسم الحالي كمان افضل من الغامدي |
والله الغامدي لاعب كويس تمام صح انه يرفع الظغط بعض المرات بس عندي صراحة احسن من عبداللطيف الغنام من دون مجاملة لاحد وتحس ان عمر يلعب بروح حماسية لاجل الهلال مين يتذكر عبداللطيف الغنام يوم يسبب ضربة جزاء لنور الاتحاد في اخر الدقايق اللين هاذي اللحظة وظغطي مرتفع منه؟ حتى الآن الغنام ماقدم مايشفع له ان يجلس في نادي الزززززززعيم |
اكرموووووووووووووووه وانا اضم صوتى بعد |
الغامدي لاعب تكتيكي بحت وهو الجندي المجهول في الفريق |
زي ماقال خوي المسك الذهبي بانه لاعب تكتيكي وجندي مجهول فهو محور وخلف المهاجمين ودفاع ماشاء الله عليه وقناص اهداف زي ماصار بالبطولة الاسيوية ومن قال انه بارد صراحة البروود احيايا ميزة خاصة بالمباريات الحساسة واغبط اللاعب عمر عليها ماشاء الله عليه لانه بالمباريات المهمة مقدر امسك نفسي وانا عالمدرجات ولاخلف الشاشة فما بالك بالاعب في الملعب وصدقني اللاعب عمر يستاهل كل خير فهو ابن من ابناء النادي ونتمنى رجوعه للمنتخب قريبا ان شاء الله وبالنسبة لخالد عزيز خلاص غلطة وعدت وصدقني انشاء الله استفاد منها وعوقب عليها وانتهى الموضوع واي لاعب يلبس الشعار الهلالي فهو نجم بالنسبة لنا ونتمنى لهم التوفيق |
الوقت المعتمد في المنتدى بتوقيت جرينتش +3.
الوقت الان » 02:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd