السلام عليكم
عندي ثنين من اخواني واحد ضابط في الجيش وواحد مدرس ابتدائي في احد مدارس الرياض المهم انا كنت اصب القهوه لهم وهم جالسين (جالسين مو جلسون لاعب الهلال)
المهم هم جالسين يسولفون عن العسكرية طبعا لما يسولفون في العسكرية انا اكون زي الهبلا مافهم شي
المهم قال اخوي الضابط (ميد المدرس ) ياخي ترى الجيوش تزحف على بطونها قال المدرس كيف يعني قال يعني الجيش وقت الحرب لازم ياكل زين ويملا بطنه عشان يقدر يقاتل ويجيب النصر (النصر يعني الفوزفي الحرب لايروح فكركم بعيد)
لما سمعت الكلمه ذي حطيتها في بالي و قال اخوي المدرس كلام يطير من الفرح عن الهلال طبعا انتم بتقولون وش طلعهم من الكلام عن العسكريه للهلال !!؟؟
انا اقولكم هم جالسين يسولفون وانا زي ماقلتلكم مافهم شي وساكتة قال اخوي المدرس وش فيك ساكتة قلت ماعرف عسكرية قال اجل وش تعرفين قلت بما انكم ياخواني هلاليين ترى مبارات الهلال يوم الجمعة
قالوا دارين وفشلوني :sad: ومن هنا جاء طاري الهلال بس ماني قايله وش قال اخوي عن الهلال الا بعد شوي ;)
نرجع لكلمة الجيوش تزحف على بطونها فوجدت ان الجيش حاله حال جماهير الهلال ....................... كيف
الجيش لازم ياكل عشان يفوز وجمهور الهلال لازم ياكل عشان يحضر المباريات ( الحمدلله رب العالمين وش ذا الحسي ) هذي بلهجت امي لنها من اهل سدير
يعني لاتجون ياحقين الأملاء فراحانيين انكم لقيتوا غلط املائي وتقولون كلمة (الحسي ) غلط
يااخواني الأعزاء الأكل حق الجمهور هو الأهداف والفوز والبطولات وهذي ولله الحمد متوفرة في الهلال يعني مافي عذر للجمهور انه مايحضر والجمهور ماقصر دايم يحظر الحين فهمتوا وش معنا العنوان انا عارفة بيجي احد يقول مافهمت
يوه تعبت اشوا اني ماني مدرسة
آههااااااااااااااااااااااااااااااااااااااا الحين بقولكم وش قال اخوي المدرس عن الخبر الي يطير من الفرحة
يقول ان فيه جمهور للهلال كيبييييييييييير جاي في المستقبل وبقوة قال له الضابط وشلون قال تمر ولون خخخخخخ امزح قال انا ادرس اول ابتدائي وثاني وثالث ورابع وكل فصل من قسمين ( أ) و (ب) و في بعض الأحيان اقول لطلبة الي يشجع النادي الفلاني يرفع يده ويرفع واحد او اثنين بلكثير ثلالثة من مجمل 35 طالب يقول واذا قلت الي يشجع الهلال يرفع يده يقول ثلاث ارباع الفصل يرفعون يديهم وهذا ينطبق على كل فصل وعلى كل مدرسة في الرياض وهذا تحليل منطقي من مدرسة في وسط الرياض الا حي منفوحة فهم ممكن يشجعون نادي ثاني مع احترامي الشديد لحي منفوحة
يعني لاتخفون يازعماء السنوات القادمة سيأتي سيل جارف من الجماهير الهلالية لا يصد ولا يرد ( لايصد ولايرد !!؟؟ طلعت هذي شوتة نواف في غانا ) والله اني خفيفة دم صح انا منسمة
خلصت قصتي انا واخواني وشكرا واسفة على الأطالة ورجاءا ياحقين الأملاء فكوني من شركم ومو ذنبي ان مدرستي في متوسط مادرستني زين وماعندي استعداد اطور نفسي املائيا
يعني الله يخليكم ترى هذى خامس موضوع اكتبه وكل واحد يرد يقول موظوعك جيد وعندك اخطاء املائيه هي كذا وكذا لا ويتسابقون من الي يطلع الأخطاء الأول صحيح الأملاء مهم بس مضمون الموظوع اهم
ومع السلامة
الوضع العادي
